ਸਬ ਡਵੀਜ਼ਨ ਸਮਰਾਲਾ 'ਚ ਸਟਬਲ ਬਰਨਿੰਗ ਦੇ ਵੱਧ ਰਹੇ ਕੇਸਾਂ ਨੂੰ ਧਿਆਨ ਹਿੱਤ ਪ੍ਰਸ਼ਾਸਨ ਹੋਇਆ ਸਖ਼ਤ
ਅਜੀਤ ਡੈਸਕ
13-05-2026
ਸਮਰਾਲਾ, 12 ਮਈ (ਕੁਲਵਿੰਦਰ ਸਿੰਘ)-ਸਬ ਡਿਵੀਜ਼ਨ ਸਮਰਾਲਾ ਵਿੱਚ ਸਟਬਲ ਬਰਨਿੰਗ ਦੇ ਵੱਧ ਰਹੇ ਕੇਸਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪ੍ਰਸ਼ਾਸਨ ਵਲੋਂ ਹੋਰ ਵੀ ਜ਼ਿਆਦਾ ਸਖ਼ਤੀ ਨਾਲ ਕੰਮ ਕੀਤਾ ਜਾ ਰਿਹਾ ਹੈ | ਇਸੇ ਕੜੀ ਤਹਿਤ ਪਿੰਡ ਮੰਡ ਜੋਧਵਾਲ 'ਚ ਪਾਈ ਗਈ ਸਟਬਲ ਬਰਨਿੰਗ ਦੇ ਖ਼ਿਲਾਫ਼ ਸਖ਼ਤ ਕਦਮ ਚੱਕਦੇ ਹੋਏ ਖੇਤ ਨੂੰ ਲਗਾਈ ਗਈ ਅੱਗ ਦੇ ਸੰਬੰਧ 'ਚ 5000 ਦਾ ਚਲਾਨ, ਗਿਰਦਾਵਰੀ ਦੇ ਵਿੱਚ ਲਾਲ ਐਂਟਰੀ ਅਤੇ ਪੁਲਿਸ ਵੱਲੋਂ ਐਫ. ਆਈ. ਆਰ ਵੀ ਦਰਜ ਕੀਤੀ ਗਈ ਹੈ | ਪ੍ਰਸ਼ਾਸਨ ਵੱਲੋਂ ਸਾਰੇ ਲੋਕਾਂ ਨੂੰ ਇਹ ਅਪੀਲ ਕੀਤੀ ਜਾਂਦੀ ਹੈ ਕਿ ਪਰਾਲੀ ਦੀ ਰਹਿੰਦ-ਖੂੰਦ ਨੂੰ ਅੱਗ ਨਾ ਲਗਾਈ ਜਾਵੇ ਅਤੇ ਵਾਤਾਵਰਨ ਦਾ ਖਿਆਲ ਰੱਖਿਆ ਜਾਵੇ | ਇਸ ਤੋਂ ਇਲਾਵਾ ਪਰਾਲੀ ਪ੍ਰੋਟੈਕਸ਼ਨ ਫੋਰਸ ਵੱਲੋਂ ਵੀ ਸਬ-ਡਿਵੀਜ਼ਨ ਵਿੱਚ ਲਗਾਤਾਰ ਚੈਕਿੰਗਾਂ ਕੀਤੀਆਂ ਜਾ ਰਹੀਆਂ ਹਨ ਤੇ ਜੋ ਵੀ ਵਿਅਕਤੀ ਫ਼ਸਲ ਦੀ ਰਹਿੰਦ ਖੂਹ ਨੂੰ ਅੱਗ ਲਗਾਉਣ ਦਾ ਪਾਇਆ ਗਿਆ ਉਸਦੇ ਖ਼ਿਲਾਫ਼ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ |
