ਮਲੌਦ, 7 ਜੂਨ (ਦਿਲਬਾਗ ਸਿੰਘ ਚਾਪੜਾ)-ਭਾਰਤੀ ਚੋਣ ਕਮਿਸ਼ਨ ਵਲੋਂ ਸੂਬੇ 'ਚ ਕੀਤੇ ਜਾ ਰਹੀ ਸਪੈਸ਼ਲ ਇੰਟੈਂਸਿਵ ਰੀਵਿਜਨ (ਐਸ. ਆਈ. ਆਰ.) ਦੇ ਮੱਦੇਨਜਰ ਮਿਤੀ 7 ਜੂਨ 2026 ਨੂੰ ਸੋਮਲ ਖੇੜੀ ਬੂਥ ਉੱਤੇ ਇੱਕ ਵਿਸ਼ੇਸ਼ ਕੈਂਪ ਲਗਾਇਆ ਗਿਆ | ਕੈਂਪ 'ਚ ਵੋਟਰਾਂ ਵਲੋਂ ਆਪਣੀ ਵੋਟ ਦੀ ਮੈਪਿੰਗ ਕਰਵਾਈ ਗਈ | ਬੂਥ ਨੰਬਰ 129 ਦੇ ਬੀ. ਐਲ. ਓ ਅਤਰ ਸਿੰਘ, ਬੂਥ ਨੰਬਰ 130 ਦੇ ਸੰਦੀਪ ਕੁਮਾਰ ਅਤੇ ਬੂਥ ਨੰਬਰ 131 ਦੇ ਪਿ੍ੰਸ ਅਰੋੜਾ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਵੋਟਰਾਂ ਵਿੱਚ ਆਪਣੀ ਵੋਟ ਦੀ ਮੈਪਿੰਗ ਕਰਵਾਉਣ ਲਈ ਕਾਫੀ ਉਤਸ਼ਾਹ ਸੀ ਜਿਸ ਕਾਰਨ ਐਸ. ਆਈ. ਆਰ. ਦੇ ਸਪੈਸ਼ਲ ਕੈਂਪ ਵਿੱਚ ਵੋਟਰਾਂ ਦੀ ਮੈਪਿੰਗ ਦਾ ਕੰਮ ਸਫਲਤਾ ਪੂਰਵਕ ਨੇਪਰੇ ਚਾੜਿਆ ਗਿਆ |
