ਜਗਰਾਉਂ, 19 ਜੁਲਾਈ (ਗਾਲਿਬ)-ਜਗਰਾਉਂ ਤਹਿਸੀਲ ਦੇ ਗਿੱਦੜਵਿੰਡੀ 66 ਕੇ.ਵੀ. ਸਬ ਗਰਿੱਡ ਦਾ ਉਦਘਾਟਨ ਅੱਜ ਕੈਬਨਿਟ ਮੰਤਰੀ ਤਰੁਨਪ੍ਰੀਤ ਸਿੰਘ ਸੌਂਦ ਵਲੋਂ ਪਿੰਡ ਗਿੱਦੜਵਿੰਡੀ ਵਿਖੇ 11:30 ਵਜੇ ਕੀਤਾ ਜਾਵੇਗਾ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਕਸੀਅਨ ਗੁਰਪ੍ਰੀਤ ਮਹਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਸਾਢੇ ਪੰਜ ਕਰੋੜ ਦੀ ਲਾਗਤ ਨਾਲ ਇਹ ਸਬ ਗਰਿੱਡ ਤਿਆਰ ਹੋਇਆ ਹੈ। ਇਸ ਦਾ ਸਿੱਧੇ ਤੌਰ ’ਤੇ ਸਿੱਧਵਾਂ ਬੇਟ ਅਤੇ ਕਿਸ਼ਨਪੁਰਾ ਦੇ 120 ਪਿੰਡਾਂ ਨੂੰ ਫਾਇਦਾ ਹੋਵੇਗਾ। ਇਸ ਸਮੇਂ ਹਲਕਾ ਵਿਧਾਇਕਾ ਬੀਬੀ ਸਰਵਜੀਤ ਕੌਰ ਮਾਣੂੰਕੇ, ਸੀ.ਐੱਮ.ਡੀ. ਡਾ: ਬਸੰਤ ਗਰਗ, ਡਾਇਰੈਕਟਰ ਵੰਡ ਇੰਦਰਪਾਲ ਸਿੰਘ, ਚੀਫ ਇੰਜੀਨੀਅਰ ਜਗਦੇਵ ਸਿੰਘ ਹਾਂਸ, ਐੱਸ.ਈ. ਜਸਵਿੰਦਰ ਸਿੰਘ ਸ਼ਾਮਿਲ ਹੋਣਗੇ।
