ਤਪਾ ਮੰਡੀ, 26 ਫਰਵਰੀ (ਪ੍ਰਵੀਨ ਗਰਗ)-ਸੰਤ ਮਹਾਤਮਾ ਦੀ ਸੇਵਾ ਕਰਨੀ ਅਤੇ ਉਨ੍ਹਾਂ ਦੀ ਯਾਦ 'ਚ ਲੰਗਰ ਲਗਾਉਣਾ ਸਭ ਤੋਂ ਵੱਡਾ ਧਰਮ ਹੈ | ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪੰਡਿਤ ਅਨਿਲ ਸ਼ਰਮਾ ਨੇ ਸਮਾਜ ਸੇਵੀ ਸੰਸਥਾ ਮਿੰਨੀ ਸਹਾਰਾ ਵੈੱਲਫੇਅਰ ਕਲੱਬ ਅਤੇ ਸਮੂਹ ਦੁਕਾਨਦਾਰਾਂ ਵਲੋਂ ਇਕ ਸਾਧੂ ਮਹਾਤਮਾ ਦੀ ਯਾਦ 'ਚ ਰੂਪ ਚੰਦ ਰੋਡ 'ਤੇ ਲਾਏ ਗਏ ਲੰਗਰ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕੀਤਾ | ਉਨ੍ਹਾਂ ਕਿਹਾ ਕਿ ਲੰਗਰ ਵਿਚ ਹਰ ਕੋਈ ਇਕੱਠੇ ਬੈਠ ਕੇ ਖਾਂਦਾ ਹੈ, ਜਿੱਥੇ ਕੋਈ ਉੱਚ-ਨੀਚ ਨਹੀਂ ਹੁੰਦੀ | ਉਨ੍ਹਾਂ ਦੱਸਿਆਂ ਕਿ ਬਿਨਾਂ ਕਿਸੇ ਲਾਭ ਦੀ ਇੱਛਾ ਤੋਂ ਸੇਵਾ ਕਰਨੀ ਨਿਸ਼ਕਾਮ ਸੇਵਾ ਹੁੰਦੀ ਹੈ ਅਤੇ ਭੁੱਖੇ ਨੂੰ ਰੋਟੀ ਖਵਾਉਣਾ ਸਭ ਤੋਂ ਵੱਡੀ ਪੁੰਨ ਦੀ ਕਮਾਈ ਹੈ | ਇਸ ਲੰਗਰ ਮੌਕੇ ਸੰਦੀਪ ਕੁਮਾਰ ਰਿੰਕੂ ਭੈਣੀ, ਪ੍ਰਵੇਸ਼ ਕੁਮਾਰ, ਡਿੰਪਾ, ਲੀਤੂ, ਡਾ: ਵਿਕੀ, ਰਾਜੂ ਮੌੜ, ਦੀਪੂ ਭੈਣੀ, ਪ੍ਰਦੀਪ ਦੀਪਾ, ਵੇਦਾ, ਪਿ੍ੰਸ ਬਹਾਵਲਪੁਰੀਆ, ਬਸੰਤ ਲਾਲ ਬਾਂਸਲ, ਕਮਲ ਬਾਂਸਲ, ਗੰਗੀ ਤਨੇਜਾ, ਸਤਨਾਮ ਸਿੰਘ ਆਦਿ ਸਮੂਹ ਦੁਕਾਨਦਾਰ ਮੌਜੂਦ ਸਨ |