ਬਰਨਾਲਾ, 2 ਮਾਰਚ (ਗੁਰਪ੍ਰੀਤ ਸਿੰਘ ਲਾਡੀ)-ਮੁੱਖ ਮੰਤਰੀ ਸਿਹਤ ਯੋਜਨਾ ਤਹਿਤ ਜ਼ਿਲ੍ਹਾ ਬਰਨਾਲਾ ਦੇ ਪਿੰਡਾਂ ਅਤੇ ਸ਼ਹਿਰਾਂ ਦੇ ਵਾਰਡਾਂ ਵਿਚ ਕੈਂਪ ਲਗਾਤਾਰ ਲਾਏ ਜਾ ਰਹੇ ਹਨ | ਡਿਪਟੀ ਕਮਿਸ਼ਨਰ ਸ੍ਰੀ ਹਰਪ੍ਰੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਮੁੱਖ ਮੰਤਰੀ ਸਿਹਤ ਯੋਜਨਾ ਤਹਿਤ ਸਰਕਾਰੀ ਹਸਪਤਾਲਾਂ ਵਿਚ ਸਿਵਲ ਹਸਪਤਾਲ ਬਰਨਾਲਾ, ਸਬ-ਡਵਿਜ਼ਨਲ ਹਸਪਤਾਲ ਤਪਾ, ਸੀ.ਐਚ.ਸੀ. ਧਨੌਲਾ, ਸੀ.ਐਚ.ਸੀ. ਮਹਿਲ ਕਲਾਂ, ਸੀ.ਐਚ.ਸੀ. ਭਦੌੜ, ਸੀ.ਐਚ.ਸੀ. ਚੰਨਣਵਾਲ ਤੋਂ ਇਲਾਵਾ 9 ਪ੍ਰਾਈਵੇਟ ਹਸਪਤਾਲ ਸੂਚੀਬੱਧ ਕੀਤੇ ਗਏ ਹਨ ਜਿਨ੍ਹਾਂ ਵਿਚ ਤੱਥਗੁਰੂ ਹਸਪਤਾਲ, ਡਾ. ਪਰਦੀਪ ਸ਼ਰਮਾ ਹਸਪਤਾਲ, ਡਾ. ਨਰੇਸ਼ ਹਸਪਤਾਲ ਅਤੇ ਹਾਰਟ ਸੈਂਟਰ, ਪੰਜਾਬ ਆਈ ਹਸਪਤਾਲ, ਤਿ੍ਲੋਕੀ ਆਈ ਹਸਪਤਾਲ ਅਤੇ ਰੈਟੀਨਾ ਸੈਂਟਰ, ਲਾਈਫਲਾਈਨ ਮਲਟੀ ਸਪੈਸ਼ਲਿਟੀ ਹਸਪਤਾਲ, ਗੁਰੂ ਨਾਨਕ ਡਾਇਲਸਿਸ ਸੈਂਟਰ, ਹਰੀਓਮ ਹਸਪਤਾਲ, ਭੀਮ ਨਰਸਿੰਗ ਹੋਮ ਸ਼ਾਮਲ ਹਨ | ਵਧੀਕ ਡਿਪਟੀ ਕਮਿਸ਼ਨਰ ਵਿਕਾਸ ਡਾ. ਹਰਜਿੰਦਰ ਸਿੰਘ ਬੇਦੀ ਨੇ ਦੱਸਿਆ ਕਿ ਮੁੱਖ ਮੰਤਰੀ ਸਿਹਤ ਯੋਜਨਾ ਤਹਿਤ ਜ਼ਿਲ੍ਹਾ ਬਰਨਾਲਾ ਵਿਚ ਮਿਤੀ 3 ਮਾਰਚ ਨੂੰ ਰਜਿਸਟਰੇਸ਼ਨ ਕੈਂਪ ਵਾਰਡ ਨੰਬਰ 23 ਬਰਨਾਲਾ, ਵਾਰਡ ਨੰਬਰ 44 (ਨਿਊ) ਬਰਨਾਲਾ, ਵਾਰਡ ਨੰਬਰ 10 ਬਰਨਾਲਾ, ਵਾਰਡ ਨੰਬਰ 12 ਬਰਨਾਲਾ, ਵਰਡ ਨੰਬਰ 11 ਧਨੌਲਾ, ਵਾਰਡ ਨੰਬਰ 5 ਧਨੌਲਾ, ਵਾਰਡ ਨੰਬਰ 12 ਹੰਡਿਆਇਆ, ਪਿੰਡ ਬਖਤਗੜ੍ਹ, ਕੈਰੇ, ਗੁਰਮ, ਗੁੰਮਟੀ, ਮਨਾਲ, ਕੁਰੜ, ਮੌੜ ਨਾਭਾ, ਕਾਹਨੇਕੇ, ਉਗੋਕੇ, ਰਾਮਗੜ੍ਹ, ਖਿਆਲੀ, ਬੁਰਜ ਫ਼ਤਿਹਗੜ੍ਹ, ਰੂੜੇਕੇ ਖ਼ੁਰਦ ਅਤੇ ਧਰਮਪੁਰਾ ਵਿਚ ਲਾਏ ਜਾਣਗੇ | ਇਨ੍ਹਾਂ ਥਾਵਾਂ 'ਤੇ ਕੈਂਪ ਲਗਾਤਾਰ 6 ਦਿਨ ਲੱਗਣਗੇ | ਉਨ੍ਹਾਂ ਜ਼ਿਲ੍ਹਾ ਵਾਸੀਆਂ ਨੂੰ ਇਨ੍ਹਾਂ ਸਿਹਤ ਕੈਂਪਾਂ ਵਿਚ ਆ ਕੇ ਰਜਿਸਟਰੇਸ਼ਨ ਕਰਵਾਉਣ ਕਰਵਾਉਣ ਦੀ ਅਪੀਲ ਕੀਤੀ |
