ਬਰਨਾਲਾ, 5 ਮਾਰਚ (ਅਸ਼ੋਕ ਭਾਰਤੀ)-ਵਾਈ.ਐੱਸ. ਸਕੂਲ ਬਰਨਾਲਾ ਦੇ ਹੋਣਹਾਰ ਵਿਦਿਆਰਥੀਆਂ ਨੇ ਅੰਤਰਰਾਸ਼ਟਰੀ ਗਣਿਤ ਓਲੰਪੀਆਡ ਪ੍ਰੀਖਿਆ ਵਿਚੋਂ 24 ਸੋਨੇ ਦੇ ਤਗਮੇ ਜਿੱਤ ਕੇ ਸੰਸਥਾ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਇਹ ਜਾਣਕਾਰੀ ਸੰਸਥਾ ਦੇ ਪਿ੍ੰਸੀਪਲ ਵਿੰਮੀਪੁਰੀ ਨੇ ਦਿੱਤੀ ਤੇ ਦੱਸਿਆ ਕਿ ਸੰਸਥਾ ਦੀ ਹੋਣਹਾਰ ਵਿਦਿਆਰਥਣ ਇਵਿਕਾ, ਰਹਿਨਾਸ, ਵਿਨਾਇਮਿਆ, ਵਾਟਿਕਾ, ਬਿਆਮ, ਕਵਿਸ਼, ਨਮਨ, ਯੋਗਰਾਜ, ਆਰਗੇਸ਼, ਏਆਨ, ਅਤਿਨ, ਅਕਨਸ, ਸਾਹਿਲ, ਆਰਧਿਆ, ਨਮਨ, ਨਾਮਿਸ, ਪਰਮਵੀਰ, ਹਿਮਨਾਸੀਆ, ਧਰੁਵੀ, ਪ੍ਰਥਮ, ਸੰਚੇਤ, ਅਰੁਸ, ਗੁਰਸ਼ਰਨਵੀਰ, ਮਾਧਵ ਨੇ ਸੋਨ ਤਗਮੇ ਜਿੱਤੇ ਹਨ | ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਸੰਸਥਾ ਦੇ ਡਾਇਰੈਕਟਰ ਵਰੁਣ ਭਾਰਤੀ, ਪਿ੍ੰਸੀਪਲ ਵਿੰਮੀ ਪੁਰੀ ਨੇ ਹੋਣਹਾਰ ਵਿਦਿਆਰਥੀਆਂ ਤੇ ਸਟਾਫ਼ ਨੂੰ ਵਧਾਈ ਦਿੱਤੀ |
