ਬਰਨਾਲਾ, 9 ਅਪ੍ਰੈਲ (ਨਰਿੰਦਰ ਅਰੋੜਾ)-ਜੁਡੀਸ਼ੀਅਲ ਮੈਜਿਸਟ੍ਰੇਟ ਫ਼ਸਟ ਕਲਾਸ ਬਰਨਾਲਾ ਸ੍ਰੀ ਸੁਧੀਰ ਕੁਮਾਰ ਦੀ ਅਦਾਲਤ ਵਲੋਂ ਚੈਕ ਬਾਉਂਸ ਦੇ ਕੇਸ ਦਾ ਫ਼ੈਸਲਾ ਸੁਣਾਉਂਦੇ ਹੋਏ ਕੇਸ 'ਚ ਨਾਮਜ਼ਦ ਵਿਅਕਤੀ ਨੂੰ ਐਡਵੋਕੇਟ ਮਨਿੰਦਰ ਸਿੰਘ ਗਿੱਲ ਅਤੇ ਐਡਵੋਕੇਟ ਨਰੇਸ਼ ਕੁਮਾਰ ਸਿੰਗਲਾ ਦੀਆਂ ਦਲੀਲਾਂ ਨਾਲ ਸਹਿਮਤ ਹੁੰਦੇ ਹੋਏ ਇਕ ਸਾਲ ਦੀ ਸਜਾ ਤੇ 80 ਹਜ਼ਾਰ ਰੁਪਏ ਜੁਰਮਾਨੇ ਦਾ ਹੁਕਮ ਸੁਣਾਇਆ ਹੈ | ਜਾਣਕਾਰੀ ਦਿੰਦਿਆਂ ਐਡਵੋਕੇਟ ਮਨਿੰਦਰ ਸਿੰਘ ਗਿੱਲ ਨੇ ਦੱਸਿਆ ਕਿ ਦਰਸ਼ਨ ਕੁਮਾਰ ਵਲੋਂ ਮੁੱਦਈ ਭੁਗੋੇਸ਼ ਕੁਮਾਰ ਤੋਂ 80 ਹਜ਼ਾਰ ਰੁਪਏ 27 ਅਗਸਤ 2019 ਨੂੰ ਉੱਧਾਰ ਲਏ ਸਨ | ਪੈਸੇ ਮੰਗਣ 'ਤੇ ਦਰਸ਼ਨ ਕੁਮਾਰ ਵਲੋਂ 20 ਅਪ੍ਰੈਲ 2021 ਤਾਰੀਕ ਦਾ ਇਕ ਚੈਕ ਭੁਗੋਸ਼ ਕੁਮਾਰ ਨੂੰ ਦੇ ਦਿੱਤਾ ਗਿਆ | ਜਦੋਂ ਚੈਕ ਬ੍ਰਾਂਚ ਵਿਚ ਲਗਾਇਆ ਗਿਆ ਤਾਂ ਚੈਕ ਬਾਉਂਸ ਹੋ ਗਿਆ ਅਤੇ ਭੂਗੋਸ਼ ਕੁਮਾਰ ਵਲੋਂ ਦਰਸ਼ਨ ਕੁਮਾਰ ਵਿਰੱੁਧ ਅਦਾਲਤ ਵਿਚ ਕੇਸ ਦਾਇਰ ਕੀਤਾ ਗਿਆ | ਕਈ ਸਾਲ ਚੱਲੀ ਅਦਾਲਤੀ ਕਾਰਵਾਈ ਦੌਰਾਨ ਪੇਸ਼ ਕੀਤੀਆਂ ਠੋਸ ਦਲੀਲਾਂ ਨਾਲ ਸਹਿਮਤ ਹੁੰਦੇ ਹੋਏ ਅਦਾਲਤ ਵਲੋਂ ਦਰਸ਼ਨ ਕੁਮਾਰ ਨੂੰ ਇਕ ਸਾਲ ਦੀ ਸਜਾ ਤੇ 80 ਹਜ਼ਾਰ ਰੁਪਏ ਦਾ ਜੁਰਮਾਨਾ ਅਦਾ ਕਰਨ ਦਾ ਹੁਕਮ ਸੁਣਾਇਆ ਹੈ |
