ਐਡਵੋਕੇਟ ਦਾਮਿਨੀ ਨੂੰ ਲਾਅ (ਕਾਨੂੰਨ) ਦੀ ਪੜ੍ਹਾਈ ਵਿਚ ਮਿਲਿਆ ਗੋਲਡ ਮੈਡਲ
ਅਜੀਤ ਡੈਸਕ
14-04-2026
• ਨਵੀਂ ਪੀੜ੍ਹੀ ਲਈ ਇੱਕ ਬੇਮਿਸਾਲ ਮਿਸਾਲ- ਐਡਵੋਕੇਟ ਦਾਮਿਨੀ ਦੀ ਇਹ ਉਪਲਬਧੀ ਕੇਵਲ ਇਕ ਨਿੱਜੀ ਸਫਲਤਾ ਨਹੀਂ, ਸਗੋਂ ਉਨ੍ਹਾਂ ਸਾਰੇ ਵਿਦਿਆਰਥੀਆਂ ਲਈ ਇਕ ਬੇਮਿਸਾਲ ਮਿਸਾਲ ਹੈ ਜੋ ਸੀਮਤ ਸਾਧਨਾਂ ਦੇ ਬਾਵਜੂਦ ਵੱਡੇ ਸੁਪਨੇ ਦੇਖਦੇ ਹਨ | ਵਿਸ਼ੇਸ਼ ਤੌਰ 'ਤੇ ਕਾਨੂੰਨ ਵਰਗੇ ਚੁਣੌਤੀਪੂਰਨ ਖੇਤਰ ਵਿਚ ਇਕ ਲੜਕੀ ਵਜੋਂ ਪੂਰੀ ਯੂਨੀਵਰਸਿਟੀ ਨੂੰ ਟੌਪ ਕਰਨਾ ਇਹ ਸਾਬਤ ਕਰਦਾ ਹੈ ਕਿ ਜੇਕਰ ਮਨ ਵਿਚ ਦਿ੍ੜ੍ਹ ਇਰਾਦਾ ਅਤੇ ਗੁਰੂਆਂ ਦਾ ਸਹੀ ਮਾਰਗਦਰਸ਼ਨ ਹੋਵੇ, ਤਾਂ ਕੋਈ ਵੀ ਮੰਜ਼ਿਲ ਦੂਰ ਨਹੀਂ ਹੁੰਦੀ | ਦਾਮਿਨੀ ਅੱਜ ਇਲਾਕੇ ਦੀਆਂ ਹਜ਼ਾਰਾਂ ਕੁੜੀਆਂ ਲਈ ਪ੍ਰੇਰਨਾ ਦਾ ਸਰੋਤ ਬਣ ਕੇ ਉੱਭਰੀ ਹੈ | ਗੱਲਬਾਤ ਕਰਦਿਆਂ ਐਡਵੋਕੇਟ ਦਾਮਿਨੀ ਨੇ ਕਿਹਾ ਕਿ ਅੱਜ ਦੇ ਯੱੁਗ ਵਿਚ ਲੜਕੀਆਂ ਕਿਸੇ ਨਾਲੋਂ ਘੱਟ ਨਹੀਂ ਹਨ | ਜੇ ਉਹ ਕੁੱਝ ਵੀ ਸੋਚ ਲੈਣ ਤਾਂ ਸਭ ਕੁੱਝ ਕਰ ਸਕਦੀਆਂ ਹਨ | ਉਸ ਨੇ ਲੜਕੀਆਂ ਨੂੰ ਸੰਦੇਸ਼ ਦਿੰਦਿਆਂ ਕਿਹਾ ਕਿ ਪੜ੍ਹ ਲਿਖ ਕੇ ਆਪਣੇ ਪੈਰਾਂ ਸਿਰ ਹੋਣਾ ਖੜ੍ਹਾ ਹੋਣਾ ਬਹੁਤ ਜ਼ਰੂਰੀ ਹੈ ਕਿਉਂਕਿ ਅੱਜ ਦੇ ਸਮਾਜ ਵਿਚ ਔਰਤ ਕਿਸੇ ਨਾਲੋਂ ਘੱਟ ਨਹੀਂ |
