ਸ਼ਹਿਣਾ, 5 ਮਈ (ਸੁਰੇਸ਼ ਗੋਗੀ)-ਭਾਰਤੀ ਜਨਤਾ ਪਾਰਟੀ ਦੀ ਪੱਛਮੀ ਬੰਗਾਲ ਵਿਚ ਹੋਈ ਸ਼ਾਨਦਾਰ ਜਿੱਤ 'ਤੇ ਲੱਡੂ ਵੰਡ ਕੇ ਵਰਕਰਾਂ ਤੇ ਆਗੂਆਂ ਨੇ ਖ਼ੁਸ਼ੀ ਸਾਂਝੀ ਕੀਤੀ | ਇਸ ਮੌਕੇ ਮੰਡਲ ਪ੍ਰਧਾਨ ਹਰਜੀਤ ਸਿੰਘ ਪਟਵਾਰੀ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਦੀਆਂ ਦੇਸ਼ ਦੇ ਹਿਤਾਂ ਵਿਚ ਚਲਾਈਆਂ ਜਾ ਰਹੀਆਂ ਨਵੀਆਂ ਪਾਲਿਸੀਆ ਕਾਰਨ ਦੇਸ਼ ਦੇ ਨਾਂਅ ਤੋਂ ਪਛੜੇਪਣ ਦਾ ਧੱਬਾ ਹਟ ਚੱੁਕਿਆ ਹੈ | ਅੱਜ ਹਿੰਦੋਸਤਾਨ ਦੁਨੀਆ ਦੇ ਮੋਹਰੀ ਦੇਸ਼ਾਂ ਵਿਚੋਂ ਗਿਣਿਆਂ ਜਾਂਦਾ ਹੈ, ਕਿਉਂਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਦੀ ਦੂਰ ਅੰਦੇਸ਼ੀ ਸੋਚ ਸਦਕਾ ਅੱਜ ਦੁਨੀਆ ਦੇ ਸਿਰਮੌਰ ਦੇਸ਼ ਭਾਰਤ ਦਾ ਲੋਹਾ ਮੰਨਦੇ ਹਨ | ਖਾੜੀ ਦੇਸ਼ਾਂ ਵਿਚ ਲੱਗੀ ਜੰਗ ਕਾਰਨ ਜਿੱਥੇ ਵਿਸ਼ਵ ਦੇ ਛੋਟੇ ਮੋਟੇ ਦੇਸ਼ ਵੀ ਮਹਿੰਗਾਈ ਅਤੇ ਆਰਿਥਕਤਾ ਦੀ ਮਾਰ ਝੱਲ ਰਹੇ ਹਨ, ੳੱੁਥੇ ਹਿੰਦੁਸਤਾਨ ਵਿਚ ਪਿਛਲੇ ਚਾਰ ਸਾਲਾਂ ਤੋਂ ਕੋਈ ਮਹਿੰਗਾਈ ਨਹੀਂ ਵਧੀ ਅਤੇ ਅਜੋਕੇ ਸਮੇਂ ਵਿਚ ਗੈਸ ਅਤੇ ਤੇਲ ਦੀ ਕਿੱਲਤ ਨਹੀਂ ਆਈ | ਇਸ ਮੌਕੇ ਕਿ੍ਸ਼ਨ ਗੋਪਾਲ ਵਿੱਕੀ, ਗੁਰਮੇਲ ਸਿੰਘ ਲੀਲਾ, ਪੰਡਤ ਨੰਦ ਕਿਸ਼ੋਰ ਤੇ ਹੋਰ ਆਗੂ ਵੀ ਹਾਜ਼ਰ ਸਨ |
