ਬਰਨਾਲਾ

ਸ੍ਰੀ ਪੰਚਾਇਤੀ ਮੰਦਰ ਵਿਖੇ 14 ਅਗਸਤ ਤੋਂ ਸ਼ੁਰੂ ਹੋਵੇਗੀ ਸੁੰਦਰ ਕਾਂਡ ਕਥਾ

ਮ

ਮਨੀਸ਼ੀ ਦੱਤ ਸ਼ਰਮਾ 05-08-2026

ਬਰਨਾਲਾ, 4 ਅਗਸਤ (ਨਰਿੰਦਰ ਅਰੋੜਾ)-ਮਹਾਂਕਾਲ ਸੇਵਾ ਮੰਡਲ ਬਰਨਾਲਾ ਵਲੋਂ ਪਹਿਲੀ ਵਾਰ ਸ਼੍ਰੀ ਪੰਚਾਇਤੀ ਮੰਦਰ ਬਰਨਾਲਾ ਵਿਖੇ ਸ਼੍ਰੀ ਸੁੰਦਰ ਕਾਂਡ ਕਥਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਜਾਣਕਾਰੀ ਦਿੰਦਿਆਂ ਮੰਡਲ ਦੇ ਆਗੂ ਨਰਿੰਦਰ ਕੁਮਾਰ ਬਿੱਟਾ ਨੇ ਦੱਸਿਆ ਕਿ ਇਹ ਤਿੰਨ ਦਿਨਾ ਧਾਰਮਿਕ ਸਮਾਗਮ 14 ਅਗਸਤ 2026 ਤੋਂ ਸ਼ੁਰੂ ਹੋਵੇਗਾ। ਰੋਜ਼ਾਨਾ ਸ਼ਾਮ 7 ਵਜੇ ਕਥਾ ਦਾ ਪ੍ਰਵਚਨ ਆਰੰਭ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਕਥਾ ਦਾ ਗੁਣਗਾਨ ਸ਼ਹਿਰ ਦੇ ਮਸ਼ਹੂਰ ਧਾਰਮਿਕ ਕਲਾਕਾਰ ਮਨੀਸ਼ੀ ਦੱਤ ਸ਼ਰਮਾ ਆਪਣੀ ਮਿੱਠੀ ਅਤੇ ਮਧੁਰ ਆਵਾਜ਼ ਵਿਚ ਕਰਨਗੇ। ਸ਼ਰਧਾਲੂ ਸ੍ਰੀ ਹਨੂੰਮਾਨ ਜੀ ਦੇ ਸੁੰਦਰ ਕਾਂਡ ਦੇ ਪਾਠ ਨੂੰ ਸੁਣ ਕੇ ਆਪਣਾ ਜੀਵਨ ਸਫਲ ਬਣਾ ਸਕਣਗੇ । ਕਥਾ ਦੇ ਦੌਰਾਨ ਰੋਜ਼ਾਨਾ ਭੰਡਾਰੇ ਦੀ ਵਿਵਸਥਾ ਵੀ ਕੀਤੀ ਗਈ ਹੈ। ਸਮਾਗਮ ਦੇ ਆਖ਼ਰੀ ਦਿਨ 16 ਅਗਸਤ 2026, ਐਤਵਾਰ ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 12:30 ਵਜੇ ਤੱਕ ਭੋਗ ਪਾਇਆ ਜਾਵੇਗਾ ਅਤੇ ਉਸ ਤੋਂ ਬਾਅਦ ਵਿਸ਼ਾਲ ਭੰਡਾਰਾ ਲਗਾਇਆ ਜਾਵੇਗਾ। ਮੰਡਲ ਨੇ ਸਮੂਹ ਸੰਗਤ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ ਪਾਵਨ ਮੌਕੇ ’ ਤੇ ਵੱਡੀ ਗਿਣਤੀ ਵਿਚ ਪਹੁੰਚ ਕੇ ਧਾਰਮਿਕ ਲਾਭ ਪ੍ਰਾਪਤ ਕਰਨ ਅਤੇ ਸ਼੍ਰੀ ਹਨੂੰਮਾਨ ਜੀ ਦਾ ਆਸ਼ੀਰਵਾਦ ਲੈਣ। ਇਸ ਮੌਕੇ ਚੇਅਰਮੈਨ ਅਸ਼ੋਕ ਕੁਮਾਰ, ਤਰੁਣ ਕਾਂਸਲ, ਤੇਜਿੰਦਰਪਾਲ ਪਿੰਟਾਂ, ਹਨੀ ਗਰਗ, ਮਨੀਸ਼ ਅਗਰਵਾਲ, ਤੂਸ਼ਾਰ ਗੋਇਲ, ਧਰੁਵ ਸਿੰਗਲਾ, ਭਾਰਤ ਗੋਇਲ, ਟੈਣੀ ਆਦਿ ਹਾਜ਼ਰ ਸਨ।

ਪਿਛਲੀ ਖ਼ਬਰ ਵਿਧਾਇਕ ਪੰਡੋਰੀ ਨੇ ‘ਰੰਗਲਾ ਪੰਜਾਬ’ ਸਕੀਮ ਤਹਿਤ ਪਿੰਡ ਚੀਮਾ ਨੂੰ 8 ਲੱਖ ਦੀ ਦਿੱਤੀ ਗ੍ਰਾਂਟ ਅਗਲੀ ਖ਼ਬਰ ਗਰੀਨ ਫ਼ੀਲਡ ਕਾਨਵੈਂਟ ਸਕੂਲ ਦਾਨਗੜ੍ਹ ਵਿਖੇ ਸੜਕ ਸੁਰੱਖਿਆ, ਨਸ਼ਾ ਮੁਕਤੀ ਅਤੇ ਸਾਈਬਰ ਸੁਰੱਖਿਆ ਬਾਰੇ ਜਾਗਰੂਕਤਾ ਪ੍ਰੋਗਰਾਮ...

ਸ੍ਰੀ ਪੰਚਾਇਤੀ ਮੰਦਰ ਵਿਖੇ 14 ਅਗਸਤ ਤੋਂ ਸ਼ੁਰੂ ਹੋਵੇਗੀ ਸੁੰਦਰ ਕਾਂਡ ਕਥਾ

ਸੰਬੰਧਿਤ ਖ਼ਬਰਾਂ