ਦੂਸਰੀ ਜੂਨੀਅਰ ਏਸ਼ੀਆਈ ਕੌਮਾਂਤਰੀ ਸਾਫ਼ਟ ਟੈਨਿਸ ਚੈਂਪੀਅਨਸ਼ਿਪ ਅੱਜ ਤੋਂ

ਜਲੰਧਰ, 3 ਫਰਵਰੀ-(ਡਾ.ਜਤਿੰਦਰ ਸਾਬੀ)-ਦੂਸਰੀ ਜੂਨੀਅਰ ਏਸ਼ੀਆਈ ਸਾਫ਼ਟ ਟੈਨਿਸ ਚੈਂਪੀਅਨਸ਼ਿਪ 4 ਤੋਂ 8 ਫਰਵਰੀ ਤੱਕ ਹੈਰਵੈਸਟ ਟੈਨਿਸ ਅਕੈਡਮੀ ਜੱਸੋਵਾਲ (ਲੁਧਿਆਣਾ) ਵਿਖੇ ਕਰਵਾਈ ਜਾ ਰਹੀ ਹੈ | ਇਹ ਜਾਣਕਾਰੀ ਦਿੰਦੇ ਹੋਏ ਪੰਜਾਬ ਸਾਫ਼ਟ ਟੈਨਿਸ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਨਰਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ ਇਸ ਚੈਂਪੀਅਨਸ਼ਿਪ 'ਚ 23 ਦੇਸ਼ਾਂ ਦੇ 550 ਦੇ ਕਰੀਬ ਖਿਡਾਰੀ ਹਿੱਸਾ ਲੈ ਰਹੇ ਹਨ | ਇਸ ਚੈਂਪੀਅਨਸ਼ਿਪ 'ਚ 50 ਦੇ ਕਰੀਬ ਅੰਤਰਰਾਸ਼ਟਰੀ ਖਿਡਾਰੀ, 6 ਵਿਸ਼ਵ ਚੈਂਪੀਅਨ, 6 ਏਸ਼ੀਅਨ ਚੈਂਪੀਅਨ, 4 ਵਿਸ਼ਵ ਜੂਨੀਅਰ ਚੈਂਪੀਅਨ, 1 ਏਸ਼ੀਆਈ ਜੂਨੀਅਰ ਚੈਂਪੀਅਨ ਤੇ ਸਾਊਥ ਏਸ਼ੀਅਨ ਚੈਂਪੀਅਨ ਖਿਡਾਰੀ ਹਿੱਸਾ ਲੈ ਰਹੇ ਹਨ |