ਫੀਫਾ ਵਿਸ਼ਵ ਕੱਪ 'ਚ ਦੇਖਣ ਨੂੰ ਮਿਲੇਗਾ ਤਕਨਾਲੋਜੀ ਦਾ ਕ੍ਰਿਸ਼ਮਾ

ਨਵੀਂ ਦਿੱਲੀ, 8 ਜੂਨ (ਇੰਟ.)-ਦੁਨੀਆ ਦੇ ਸਭ ਤੋਂ ਵੱਡਾ ਫੁੱਟਬਾਲ ਉਤਸਵ ਫੀਫਾ ਵਿਸ਼ਵ ਕੱਪ ਲਈ ਸਿਰਫ਼ ਤਿੰਨ ਦਿਨ ਬਾਕੀ ਹਨ | ਇਸ ਸਾਲ, ਇਹ ਫੁੱਟਬਾਲ ਉਤਸਵ ਪਿਛਲੇ 96 ਸਾਲਾਂ ਦੇ ਸਾਰੇ ਫੁੱਟਬਾਲ ਸਮਾਗਮਾਂ ਨੂੰ ਕਈ ਤਰੀਕਿਆਂ ਨਾਲ ਪਛਾੜਨ ਲਈ ਤਿਆਰ ਹੈ | 39 ਦਿਨਾਂ ਦਾ ਇਹ ਵਿਸ਼ਵ ਕੱਪ ਪਹਿਲੀ ਵਾਰ ਤਿੰਨ ਦੇਸ਼ਾਂ ਵਲੋਂ ਕਰਵਾਇਆ ਜਾ ਰਿਹਾ ਹੈ | ਜਿਸ 'ਚ ਪਹਿਲੀ ਵਾਰ, 48 ਟੀਮਾਂ ਹਿੱਸਾ ਲੈਣਗੀਆਂ | ਇਸ ਤੋਂ ਇਲਾਵਾ ਇਸਦੀ ਖਾਸ ਗੱਲ ਤਕਨਾਲੋਜੀ ਦੇ ਮਾਮਲੇ 'ਚ ਰਹੇਗੀ | ਮੈਕਸੀਕਨ ਪੁਲਿਸ ਨੇ ਸਟੇਡੀਅਮ 'ਚ ਸੁਰੱਖਿਆ ਪ੍ਰਦਾਨ ਕਰਨ ਲਈ ਵਿਸ਼ੇਸ਼ 'ਰੋਬੋਟ ਡੌਗ' ਲਿਆਂਦੇ ਹਨ | ਜਿਨ੍ਹਾਂ ਨੂੰ ਗੁਆਡਾਲੁਪ ਸਿਟੀ ਕੌਂਸਲ ਵਲੋਂ 145,000 ਡਾਲਰ 'ਚ ਖਰੀਦਿਆ ਗਿਆ, ਉਹ ਦੰਗੇ ਦੀ ਸਥਿਤੀ 'ਚ ਸਟੇਡੀਅਮ 'ਚ ਜਾਣਗੇ ਤੇ ਸੁਰੱਖਿਆ ਬਲਾਂ ਨੂੰ ਲਾਈਵ ਵੀਡੀਓ ਫੀਡ ਪ੍ਰਦਾਨ ਕਰਨਗੇ, ਜਿਸ ਨਾਲ ਉਹ ਕਾਰਵਾਈ ਕਰਨ ਦਾ ਫੈਸਲਾ ਕਰ ਸਕਣਗੇ | ਇਸ ਮੌਕੇ ਰੈਫਰੀ ਸਾਰੇ 104 ਵਿਸ਼ਵ ਕੱਪ ਮੈਚਾਂ 'ਚ ਬਾਡੀ ਕੈਮਰਿਆਂ ਦੀ ਵਰਤੋਂ ਕਰਨਗੇ | ਇਹ ਪ੍ਰਸ਼ੰਸਕਾਂ ਨੂੰ ਮੈਦਾਨ 'ਤੇ ਖੇਡ ਨੂੰ ਇਸ ਤਰ੍ਹਾਂ ਦੇਖਣ ਦੀ ਆਗਿਆ ਦੇਵੇਗਾ ਜਿਵੇਂ ਉਹ ਉੱਥੇ ਵਿਅਕਤੀਗਤ ਤੌਰ 'ਤੇ ਸਨ |
ਬਾਲ 'ਟ੍ਰੀਓਾਡਾ' ਕਈ ਆਧੁਨਿਕ ਤਕਨੀਕਾਂ ਨਾਲ ਲੈਸ
ਇਸ ਸਾਲ, ਵਿਸ਼ਵ ਕੱਪ ਦੀ ਅਧਿਕਾਰਤ ਮੈਚ ਬਾਲ ਦਾ ਨਾਮ 'ਟ੍ਰੀਓਾਡਾ' ਹੈ | ਇਹ ਫੁੱਟਬਾਲ ਇਕ ਇਨਰਸ਼ੀਅਲ ਮਾਪ ਯੂਨਿਟ ਸੈਂਸਰ ਨਾਲ ਲੈਸ ਹੈ, ਜੋ ਵੀਡੀਓ ਅਸਿਸਟੈਂਟ ਰੈਫਰੀ ਨੂੰ ਪ੍ਰਤੀ ਸਕਿੰਟ 500 ਵਾਰ ਡਾਟਾ ਭੇਜੇਗਾ | ਇਹ ਗੇਂਦ ਦੀ 3ਡੀ ਗਤੀ ਨੂੰ ਵੀ ਰਿਕਾਰਡ ਕਰੇਗਾ | ਇਹ ਸਹੀ ਆਫਸਾਈਡ ਫੈਸਲਿਆਂ ਨੂੰ ਸਮਰੱਥ ਬਣਾਏਗਾ | ਇਸ ਵਾਰ ਲਾਈਨਮੈਨ ਨਹੀਂ ਸਗੋਂ ਐਡਵਾਂਸਡ ਅਰਧ-ਆਟੋਮੇਟਿਡ ਤਕਨਾਲੋਜੀ ਗੇਂਦ ਦੇ ਆਫਸਾਈਡ ਹੋਣ ਦਾ ਫੈਸਲਾ ਕਰੇਗੀ | ਇਹ ਪੁਰਾਣੀ ਤਕਨਾਲੋਜੀ ਨੂੰ ਬਦਲ ਦੇਵੇਗਾ, ਜੋ 10 ਸੈਂਟੀਮੀਟਰ ਤੱਕ ਸ਼ੁੱਧਤਾ ਨਾਲ ਫੈਸਲੇ ਲੈ ਸਕਦੀ ਹੈ ਤੇ ਵੀ.ਏ.ਆਰ. ਦੀ ਬਜਾਏ ਸਿੱਧੇ ਰੈਫਰੀ ਦੇ ਈਅਰਪੀਸ 'ਤੇ ਰੀਅਲ-ਟਾਈਮ ਆਡੀਓ ਅਲਰਟ ਭੇਜੇਗੀ |
ਏ.ਆਈ. ਤੇ 3ਡੀ ਮਾਡਲ ਦੀ ਰਹੇਗੀ ਵਿਸ਼ੇਸ਼ ਭੂਮਿਕਾ
ਫੀਫਾ ਨੇ ਇਕ ਏ.ਆਈ.-ਅਧਾਰਤ 3ਡੀ. ਪਲੇਅਰ ਅਵਤਾਰ ਲਾਂਚ ਕੀਤਾ ਹੈ | ਇਹ ਇਕ ਡਿਜੀਟਲ ਸਕੈਨ ਤੋਂ ਹਰੇਕ ਖਿਡਾਰੀ ਦੇ ਸਰੀਰ ਦਾ ਇਕ 3ਡੀ ਮਾਡਲ ਬਣਾਏਗਾ | ਇਸਦੀ ਵਰਤੋਂ ਖਿਡਾਰੀਆਂ ਨੂੰ ਰੋਕਣ ਜਾਂ ਆਫਸਾਈਡ ਜਾਣ 'ਤੇ ਟਰੈਕ ਕਰਨ ਲਈ ਕੀਤੀ ਜਾਵੇਗੀ |