ਫੀਫਾ ਵਿਸ਼ਵ ਕੱਪ ਦੀਆਂ 'ਡਾਰਕ ਹੌਰਸ' ਟੀਮਾਂ ਦਾ ਹੋਵੇਗਾ ਅਹਿਮ ਕਿਰਦਾਰ <br/>

ਨਿਊਯਾਰਕ, 8 ਜੂਨ (ਇੰਟ.)-2026 ਵਿਸ਼ਵ ਕੱਪ ਸ਼ੁਰੂ ਹੋਣ 'ਚ ਸਿਰਫ਼ ਤਿੰਨ ਦਿਨ ਬਾਕੀ ਹਨ¢ ਦੁਨੀਆ ਭਰ ਦੇ ਖੇਡ ਪ੍ਰੇਮੀ ਜਿੱਤਣ ਲਈ ਆਪਣੀਆਂ ਮਨਪਸੰਦ ਟੀਂਮਾਂ ਦੀ ਜਿੱਤ ਦੇ ਦਾਅਵੇ ਕਰ ਰਹੇ ਹਨ ਪਰ ਫੁੱਟਬਾਲ ਇਤਿਹਾਸ ਦਰਸਾਉਂਦਾ ਹੈ ਕਿ ਅਸਲ ਉਤਸ਼ਾਹ ਉਨ੍ਹਾਂ ਟੀਮਾਂ ਦੇ ਮੈਚਾਂ ਦੌਰਾਨ ਆਉਂਦਾ ਹੈ, ਜਿਨ੍ਹਾਂ ਨੂੰ 'ਡਾਰਕ ਹੌਰਸ' ਨਾਂਅ ਨਾਲ ਜਾਣਿਆ ਜਾਂਦਾ ਹੈ | ਇਹ ਮਜ਼ਬੂਤ ??ਟੀਮਾਂ ਲਈ ਇਕ ਟੈਗ ਬਣ ਗਿਆ ਹੈ ਜੋ ਰਵਾਇਤੀ ਚੈਂਪੀਅਨ ਨਾ ਹੋਣ ਦੇ ਬਾਵਜੂਦ, ਕਿਸੇ ਵੀ ਵੱਡੀ ਟੀਮ ਨੂੰ ਹਾਰ ਮੰਨਣ ਲਈ ਮਜਬੂਰ ਕਰ ਸਕਦੀਆਂ ਹਨ | ਹਾਲਾਂਕਿ, ਇਹ ਟੈਗ ਕਈ ਵਾਰ ਖ਼ਤਰਨਾਕ ਸਾਬਤ ਹੋ ਸਕਦਾ ਹੈ | ਉਦਾਹਰਣ ਵਜੋਂ, ਯੂਰੋ 2020 'ਚ ਤੁਰਕੀ ਨੂੰ ਇਕ ਡਾਰਕ ਹਾਰਸ ਮੰਨਿਆ ਗਿਆ ਸੀ, ਪਰ ਇਹ ਆਪਣੇ ਤਿੰਨੋਂ ਗਰੁੱਪ ਮੈਚ ਹਾਰ ਗਿਆ | ਪਿਛਲੇ ਵਿਸ਼ਵ ਕੱਪ 'ਚ, ਸਰਬੀਆ ਇਕ ਵੀ ਮੈਚ ਜਿੱਤੇ ਬਿਨਾਂ ਆਪਣੇ ਗਰੁੱਪ 'ਚ ਸਭ ਤੋਂ ਹੇਠਾਂ ਰਿਹਾ | ਇਸਦੇ ਉਲਟ, 2014 'ਚ ਕੋਸਟਾ ਰੀਕਾ, ਇੰਗਲੈਂਡ, ਇਟਲੀ ਤੇ ਉਰੂਗਵੇ ਵਰਗੀਆਂ ਵੱਡੀਆਂ ਟੀਮਾਂ ਗਰੁੱਪ 'ਚ ਸਿਖਰ 'ਤੇ ਰਹੀਆਂ ਅਤੇ 2022 ਵਿਚ, ਮੋਰੋਕੋ ਸੈਮੀਫਾਈਨਲ 'ਚ ਪਹੁੰਚਣ ਵਾਲਾ ਪਹਿਲਾ ਅਫਰੀਕੀ ਦੇਸ਼ ਬਣਿਆ | ਡਾਰਕ ਹੌਰਸ ਟੀਮਾਂ ਕੋਲ ਅਕਸਰ ਪ੍ਰਤਿਭਾ ਦੀ ਸੁਨਹਿਰੀ ਪੀੜ੍ਹੀ ਹੁੰਦੀ ਹੈ, ਤੇ, ਇਕ ਨਿਯਮ ਦੇ ਤੌਰ 'ਤੇ ਸਾਬਕਾ ਜੇਤੂ 'ਡਾਰਕ ਹੌਰਸ' ਨਹੀਂ ਹੋ ਸਕਦੇ, ਸ਼ਾਇਦ ਉਰੂਗਵੇ ਤੋਂ ਇਲਾਵਾ, ਕਿਉਂਕਿ ਉਨ੍ਹਾਂ ਨੇ ਵਿਸ਼ਵ ਕੱਪ ਖਿਤਾਬ 1950 'ਚ ਜਿੱਤਿਆ ਸੀ |
ਜ਼ਿਕਰਯੋਗ ਹੈ ਕਿ ਸਹਿ-ਮੇਜ਼ਬਾਨ ਮੈਕਸੀਕੋ ਟੀਮ 2026 'ਚ ਅਜੇਤੂ ਰਹੀ ਹੈ | ਟੀਮ ਨੇ ਪਿਛਲੇ ਸੀਜ਼ਨ 'ਚ ਗੋਲਡ ਕੱਪ ਨੇਸ਼ਨਜ਼ ਲੀਗ ਜਿੱਤੀ ਸੀ | 1994 ਅਤੇ 2018 ਦੇ ਵਿਚਕਾਰ, ਮੈਕਸੀਕੋ ਗਰੁੱਪ ਪੜਾਅ ਤੋਂ ਅੱਗੇ ਵਧਣ 'ਚ ਕਾਮਯਾਬ ਰਿਹਾ ਹੈ ਪਰ ਕਦੇ ਵੀ ਨਾਕਆਊਟ ਪੜਾਅ ਤੱਕ ਨਹੀਂ ਪਹੁੰਚਿਆ ਹੈ | 2022 ਵਿੱਚ, ਟੀਮ ਗਰੁੱਪ ਪੜਾਅ ਤੋਂ ਬਾਹਰ ਹੋ ਗਈ ਸੀ |
ਨਾਰਵੇ ਲਗਭਗ 28 ਸਾਲਾਂ ਬਾਅਦ ਵਿਸ਼ਵ ਕੱਪ ਵਿਚ ਵਾਪਸ ਆਇਆ ਹੈ | ਨਾਰਵੇ ਨੇ ਯੂਰਪੀਅਨ ਕੁਆਲੀਫਾਇੰਗ ਵਿਚ ਸਭ ਤੋਂ ਵੱਧ 37 ਗੋਲ ਕੀਤੇ ਹਨ | ਹਾਲਾਂਕਿ, ਵਿਸ਼ਵ ਕੱਪ 'ਚ ਟੀਮ ਫਰਾਂਸ, ਸੇਨੇਗਲ ਤੇ ਇਰਾਕ ਦੇ ਨਾਲ 'ਗਰੁੱਪ ਆਫ਼ ਡੈਥ' ਵਿਚ ਹੈ |
ਸੇਨੇਗਲ ਕੋਚ ਥਿਆਵ ਦੀ ਅਗਵਾਈ ਹੇਠ 31 ਵਿੱਚੋਂ ਸਿਰਫ਼ ਚਾਰ ਮੈਚ ਹਾਰੀ ਹੈ | ਅਫ਼ਰੀਕੀ ਕੱਪ ਆਫ਼ ਨੇਸ਼ਨਜ਼ ਦੇ ਫਾਈਨਲ 'ਚ ਮੋਰੋਕੋ ਨੂੰ 1-0 ਨਾਲ ਹਰਾਉਣ ਤੋਂ ਬਾਅਦ ਇਸ ਸਾਲ ਟਰਾਫੀ ਵਿਵਾਦ ਕਾਰਨ ਉਨ੍ਹਾਂ ਦਾ ਮਹਾਂਦੀਪੀ ਖਿਤਾਬ ਰੱਦ ਕਰ ਦਿੱਤਾ ਗਿਆ ਸੀ | ਇਸ ਨਾਲ ਟੀਮ ਹੋਰ ਵੀ ਇਕਜੁੱਟ ਦਿਖਾਈ ਦਿੱਤੀ ਹੈ |
ਜਾਪਾਨ ਆਪਣੇ ਦੋਵਾਂ ਕੁਆਲੀਫਾਇੰਗ ਗਰੁੱਪਾਂ 'ਚ ਸਿਖਰ 'ਤੇ ਰਿਹਾ ਤੇ 30 ਗੋਲਾਂ ਨਾਲ ਏਸ਼ੀਆ 'ਚ ਸਭ ਤੋਂ ਵੱਧ ਸਕੋਰ ਕਰਨ ਵਾਲੀ ਟੀਮ ਰਹੀ | ਹਾਲਾਂਕਿ, ਟੀਮ ਨੇ ਕਦੇ ਵੀ ਵਿਸ਼ਵ ਕੱਪ ਨਾਕਆਊਟ ਨਹੀਂ ਜਿੱਤਿਆ ਹੈ |
ਜਦੋਂ ਤੋਂ ਕੋਚ ਸੇਬੇਸਟੀਅਨ ਬੇਕਾਸੇ ਨੇ ਅਹੁਦਾ ਸੰਭਾਲਿਆ ਹੈ, ਇਕਵਾਡੋਰ ਨੇ ਆਪਣੇ 19 ਮੈਚਾਂ ਵਿਚੋਂ ਸੱਤ ਜਿੱਤੇ ਹਨ, 11 ਡਰਾਅ ਹੋਏ ਹਨ ਅਤੇ ਸਿਰਫ਼ ਇਕ ਵਿਚ ਹਾਰਿਆ ਹੈ | ਉਹ 2006 ਤੋਂ ਬਾਅਦ ਪਹਿਲੀ ਵਾਰ ਨਾਕਆਊਟ ਦÏਰ 'ਚ ਪਹੁੰਚਣ 'ਤੇ ਨਜ਼ਰਾਂ ਟਿਕਾਈ ਬੈਠੇ ਹਨ |