ਇਹ ਟੀਮ ਕਦੇ ਉਮੀਦ ਨਹੀਂ ਛੱਡਦੀ-ਮੈਸੀ, ਕਿਹਾ, ਅਰਜਨਟੀਨਾ ਦੀ ਜਿੱਤ ਤੋਂ ਬਹੁਤ ਖੁਸ਼

ਕੈਨਸਸ ਸਿਟੀ, 12 ਜੁਲਾਈ (ਏਜੰਸੀ)-ਮਹਾਨ ਅਰਜਨਟੀਨਾ ਫੁੱਟਬਾਲਰ ਲਿਓਨਲ ਮੈਸੀ ਨੇ ਆਪਣੀ ਟੀਮ ਦੇ ਜਜ਼ਬੇ ਤੇ ਲੜਨ ਦੀ ਭਾਵਨਾ ਦੀ ਪ੍ਰਸ਼ੰਸਾ ਕੀਤੀ। ਫੀਫਾ ਵਿਸ਼ਵ ਕੱਪ ਵਿਚ ਸਭ ਤੋਂ ਵੱਧ ਸਕੋਰ ਕਰਨ ਵਾਲੇ ਮੈਸੀ ਨੇ ਇਸ ਕੁਆਰਟਰਫਾਈਨਲ ਮੈਚ ’ਚ ਕੋਈ ਗੋਲ ਨਹੀਂ ਕੀਤਾ, ਪਰ ਉਹ ਆਪਣੀ ਟੀਮ ਨੂੰ ਉਤਸ਼ਾਹਿਤ ਕਰਦੇ ਹੋਏ ਆਖਰੀ ਸੀਟੀ ਤੱਕ ਮੈਦਾਨ ’ਤੇ ਰਿਹਾ। ਮੈਸੀ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਮੈਂ ਇਸ ਜਿੱਤ ਤੋਂ ਬਹੁਤ ਖੁਸ਼ ਹਾਂ। ਸੋਸ਼ਲ ਮੀਡੀਆ ‘ਤੇ ਜਿੱਤ ਦਾ ਜਸ਼ਨ ਮਨਾਉਂਦੇ ਹੋਏ, ਮੈਸੀ ਨੇ ਸਖ਼ਤ ਸੰਘਰਸ਼ ਵਾਲੀ ਜਿੱਤ ਦੀਆਂ ਕਈ ਫੋਟੋਆਂ ਸਾਂਝੀਆਂ ਕੀਤੀਆਂ ਤੇ ਟੀਮ ਦੀ ਮਾਨਸਿਕ ਤਾਕਤ ’ਤੇ ਜ਼ੋਰ ਦਿੱਤਾ। ਉਸਨੇ ਇੰਸਟਾਗ੍ਰਾਮ ‘ਤੇ ਲਿਖਿਆ, ‘ਇੱਕ ਵਾਰ ਫਿਰ ਸਾਨੂੰ ਸੰਘਰਸ਼ ਕਰਨਾ ਪਿਆ, ਪਰ ਇਹ ਟੀਮ ਕਦੇ ਉਮੀਦ ਨਹੀਂ ਛੱਡਦੀ। ਅਸੀਂ ਇਕ ਵਾਰ ਫਿਰ ਦੁਨੀਆ ਦੀਆਂ ਚਾਰ ਸਭ ਤੋਂ ਵਧੀਆ ਟੀਮਾਂ ਵਿਚੋਂ ਇੱਕ ਹਾਂ। ਆਓ ਅੱਗੇ ਵਧੀਏ।”