ਹਾਲੈਂਡ ਦੇ ਪਿਤਾ ਨੇ ਰੈਫ਼ਰੀ ’ਤੇ ਉਠਾਏ ਸਵਾਲ

ਮਿਆਮੀ, 12 ਜੁਲਾਈ (ਇੰਟ.)-ਫੀਫਾ ਵਿਸ਼ਵ ਕੱਪ 2026 ਦੇ ਕੁਆਰਟਰ ਫਾਈਨਲ ’ਚ ਨਾਰਵੇ ਦੀ ਹਾਰ ਨੇ ਵਿਵਾਦ ਛੇੜ ਦਿੱਤਾ ਹੈ। ਮੈਚ ਤੋਂ ਬਾਅਦ, ਸਟਾਰ ਸਟ੍ਰਾਈਕਰ ਏਰਲਿੰਗ ਹਾਲੈਂਡ ਦੇ ਪਿਤਾ ਤੇ ਸਾਬਕਾ ਫੁੱਟਬਾਲਰ ਅਲਫ-ਇੰਗੇ ਹਾਲੈਂਡ ਨੇ ਰੈਫਰੀ ਦੇ ਫੈਸਲਿਆਂ ’ਤੇ ਸਵਾਲ ਉਠਾਏ। ਮੈਚ ਦੌਰਾਨ 2 ਵੱਡੇ ਫੈਸਲਿਆਂ ਤੋਂ ਨਾਰਵੇਈ ਟੀਮ ਸਪੱਸ਼ਟ ਤੌਰ ’ਤੇ ਨਿਰਾਸ਼ ਸੀ, ਅਤੇ ਹਾਰ ਤੋਂ ਬਾਅਦ ਵਿਵਾਦ ਸੋਸ਼ਲ ਮੀਡੀਆ ’ਤੇ ਫੈਲ ਗਿਆ। ਅਲਫ-ਇੰਗੇ ਨੇ ਇਕ ਪੋਸਟ ’ਚ ਵਿਅੰਗ ਕਰਦੇ ਹੋਏ ਲਿਖਿਆ ਕਿ ‘ਬੇਲਿੰਘਮ ਅਤੇ ਰੈਫਰੀ ਬਹੁਤ ਵਧੀਆ’। ਨਾਰਵੇਈ ਟੀਮ ਮੈਚ ’ਚ 2 ਵੱਡੇ ਫੈਸਲਿਆਂ, ਇਕ ਗੇਂਦ ਦਾ ਕੇਬਲ ਨੂੰ ਛੁਹਣਾ ਤੇ ਦੂਜਾ ਵੀ.ਏ.ਆਰ. ਕਾਰਨ ਗੋਲ ਰੱਦ ਹੋਣ ਤੋਂ ਨਾਰਾਜ਼ ਸੀ।