ਸ਼ਾਇਦ ਮੇਰੇ ਫੁੱਟਬਾਲ ਕਰੀਅਰ ਦਾ ਇਹ ਆਖਰੀ ਸਾਲ ਹੋਵੇ-ਰੋਨਾਲਡੋ
ਰਿਆਦ, 17 ਅਗਸਤ (ਏਜੰਸੀ)-ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਨੇ ਕਿਹਾ ਹੈ ਕਿ ਮੌਜੂਦਾ ਸਾਊਦੀ ਪ੍ਰੋ ਲੀਗ ਸੀਜ਼ਨ ਸੰਭਾਵਤ ਤੌਰ ’ਤੇ ਉਸਦੇ ਪੇਸ਼ੇਵਰ ਕਰੀਅਰ ਦਾ ਆਖਰੀ ਹੋਵੇਗਾ। 41 ਸਾਲਾ ਖਿਡਾਰੀ ਦਾ ਸਾਊਦੀ ਅਰਬ ਦੇ ਕਲੱਬ ਅਲ-ਨਾਸਰ ਨਾਲ ਇਕਰਾਰਨਾਮਾ ਅਗਲੇ ਜੂਨ ’ਚ ਖਤਮ ਹੋ ਰਿਹਾ ਹੈ, ਅਤੇ ਉਸਨੇ ਇਕ ਮੈਗਜ਼ੀਨ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਇਕ ਹੋਰ ਇਕਰਾਰਨਾਮਾ ਅਸੰਭਵ ਹੈ।
ਰਿਆਦ, 17 ਅਗਸਤ (ਏਜੰਸੀ)-ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਨੇ ਕਿਹਾ ਹੈ ਕਿ ਮੌਜੂਦਾ ਸਾਊਦੀ ਪ੍ਰੋ ਲੀਗ ਸੀਜ਼ਨ ਸੰਭਾਵਤ ਤੌਰ ’ਤੇ ਉਸਦੇ ਪੇਸ਼ੇਵਰ ਕਰੀਅਰ ਦਾ ਆਖਰੀ ਹੋਵੇਗਾ। 41 ਸਾਲਾ ਖਿਡਾਰੀ ਦਾ ਸਾਊਦੀ ਅਰਬ ਦੇ ਕਲੱਬ ਅਲ-ਨਾਸਰ ਨਾਲ ਇਕਰਾਰਨਾਮਾ ਅਗਲੇ ਜੂਨ ’ਚ ਖਤਮ ਹੋ ਰਿਹਾ ਹੈ, ਅਤੇ ਉਸਨੇ ਇਕ ਮੈਗਜ਼ੀਨ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਇਕ ਹੋਰ ਇਕਰਾਰਨਾਮਾ ਅਸੰਭਵ ਹੈ। ਰੋਨਾਲਡੋ ਨੇ ਕਿਹਾ ਕਿ ਸ਼ਾਇਦ ਇਹ ਫੁੱਟਬਾਲ ਵਿਚ ਮੇਰਾ ਆਖਰੀ ਸਾਲ ਹੈ। ਮੈਂ ਇਕ ਸ਼ਾਨਦਾਰ ਵਿਰਾਸਤ ਪਿੱਛੇ ਛੱਡਣਾ ਚਾਹੁੰਦਾ ਹਾਂ। ਰੋਨਾਲਡੋ, ਜਿਸਨੇ ਹੁਣ ਤੱਕ ਆਪਣੇ ਕਰੀਅਰ ’ਚ 976 ਗੋਲ ਕੀਤੇ ਹਨ, ਨੇ ਇਸ ਮਹੀਨੇ ਦੇ ਸ਼ੁਰੂ ’ਚ ਆਪਣੀ ਲੰਬੇ ਸਮੇਂ ਦੀ ਸਾਥੀ ਜਾਰਜੀਨਾ ਰੋਡਰਿਗਜ਼ ਨਾਲ ਵਿਆਹ ਕੀਤਾ। ਉਸਨੇ ਕਿਹਾ ਕਿ ਮੈਂ ਆਪਣੇ ਭਵਿੱਖ ਦੀ ਪੂਰੀ ਯੋਜਨਾ ਬਣਾਈ ਹੈ। ਮੇਰੇ ਕੋਲ ਆਪਣੇ ਆਪ ਨੂੰ ਰੁੱਝੇ ਰੱਖਣ ਲਈ ਬਹੁਤ ਸਾਰੀਆਂ ਚੀਜ਼ਾਂ ਹਨ ਜਿਨ੍ਹਾਂ ਵਿਚ ਸਿਰਫ਼ ਇਕ ਦਾ ਨਾਂਅ ਦੇਣਾ ਮੁਸ਼ਕਲ ਹੈ। ਫੁੱਟਬਾਲ ਛੱਡਣਾ ਇਕ ਵੱਡਾ ਖਾਲੀਪਣ ਪੈਦਾ ਕਰ ਸਕਦਾ ਹੈ, ਇਸ ਲਈ ਤੁਹਾਨੂੰ ਇਸਨੂੰ ਸਿਰਫ਼ ਇਕ ਦੀ ਬਜਾਏ ਕਈ ਤਰੀਕਿਆਂ ਨਾਲ ਭਰਨਾ ਪਵੇਗਾ।
