ਸ਼ਫਾਲੀ ਵਰਮਾ ਏਸ਼ਿਆਈ ਖੇਡਾਂ ’ਚ ਸੈਂਕੜਾ ਜੜਨ ਵਾਲੀ ਪਹਿਲੀ ਬੱਲੇਬਾਜ਼ ਬਣੀ
ਨਿਸ਼ਿਨ (ਜਪਾਨ ), 20 ਸਤੰਬਰ ( ਯੂ . ਐਨ .
ਨਿਸ਼ਿਨ (ਜਪਾਨ ), 20 ਸਤੰਬਰ ( ਯੂ . ਐਨ . ਆਈ .)- ਬੰਗਲਾਦੇਸ਼ ਖ਼ਿਲਾਫ਼ 114 ਦੌੜਾਂ ਦੀ ਵੱਡੀ ਜਿੱਤ ਨਾਲ ਮੌਜੂਦਾ ਚੈਂਪੀਅਨ ਭਾਰਤ ਨੇ ਮੰਗਲਵਾਰ ਨੂੰ ਹੋਣ ਵਾਲੇ ਫਾਈਨਲ ’ ਚ ਪ੍ਰਵੇਸ਼ ਕਰ ਲਿਆ ਹੈ । ਸ਼ਫਾਲੀ ਵਰਮਾ ਦੇ ਪਹਿਲੇ ਟੀ -20 ਅੰਤਰਰਾਸ਼ਟਰੀ ਸੈਂਕੜੇ ਸਦਕਾ ਸ੍ਰੀਲੰਕਾ ਨਾਲ ਖਿਤਾਬੀ ਮੁਕਾਬਲੇ ਦਾ ਮੰਚ ਤਿਆਰ ਹੋ ਗਿਆ ਹੈ । ਸਲਾਮੀ ਬੱਲੇਬਾਜ਼ ਸ਼ਫਾਲੀ ਵਰਮਾ ਦੀਆਂ 49 ਗੇਂਦਾਂ ’ ਤੇ ਅਜੇਤੂ 100 ਦੌੜਾਂ ( ਚੌਕੇ : 3 ਛੱਕੇ : 9) ਸਦਕਾ ਭਾਰਤ ਨੇ 4 ਵਿਕਟਾਂ ’ ਤੇ 195 ਦੌੜਾ ਬਣਾਈਆਂ , ਜਿਸ ਤੋਂ ਬਾਅਦ ਭਾਰਤੀ ਗੇਂਦਬਾਜ਼ਾਂ ਨੇ ਬੰਗਲਾਦੇਸ਼ ਦੀ ਪੂਰੀ ਟੀਮ ਨੂੰ 81 ਦੌੜਾਂ ‘ ਤੇ ਆਊਟ ਕਰ ਦਿੱਤਾ । ਇਸ ਦੇ ਨਾਲ ਹੀ ਸਫ਼ਾਲੀ ਵਰਮਾ ਏਸ਼ਿਆਈ ਖੇਡਾਂ ’ ਚ ਸੈਂਕੜਾ ਜੜਨ ਵਾਲੀ ਪਹਿਲੀ ਬੱਲੇਬਾਜ਼ ਬਣੀ ਗਈ ਹੈ । ਦੂਜੇ ਪਾਸੇ , ਸ੍ਰਮਿਤੀ ਮੰਧਾਨਾ ਟੀ -20 ਕ੍ਰਿਕਟ ’ ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਬੱਲੇਬਾਜ਼ ਬਣ ਗਈ ਹੈ । ਉਸ ਨੇ ਨਿਊਜ਼ੀਲੈਂਡ ਦੀ ਸੂਜੀ ਬੇਟਸ ਨੂੰ ਪਿੱਛੇ ਛੱਡਦਿਆਂ 4765 ਦੌੜਾਂ ਪੂਰੀਆਂ ਕੀਤੀਆਂ । ਮੰਧਾਨਾ ਹੁਣ ਮਹਿਲਾ ਅੰਤਰਰਾਸ਼ਟਰੀ ਕ੍ਰਿਕਟ ’ ਚ ਤਿੰਨਾਂ ਸਰੂਪਾਂ ਨੂੰ ਮਿਲਾ ਕੀ ਵੀ ਸਭ ਤੋਂ ਵੱਧ ਦੌੜਾਂ (10964) ਬਣਾਉਣ ਵਾਲੀ ਬੱਲੇਬਾਜ਼ ਹੈ । ਉਸ ਨੇ ਟੀ -20 ਫਾਰਮੈਟ ਵਿਚ ਆਪਣੇ 100 ਛੱਕੇ ਵੀ ਪੂਰੇ ਕੀਤੇ ।
