ਟੋਹਾਣਾ/ਜਾਖ਼ਲ, 26 ਫ਼ਰਵਰੀ (ਮਨਜੀਤ ਸਿੰਘ)-ਟੋਹਾਣਾ ਨਵੇਂ ਬੱਸ ਅੱਡੇ ਤੋਂ ਆਈ. ਟੀ. ਆਈ. ਨੂੰ ਜਾਣ ਵਾਲੀਆਂ ਬੱਸਾਂ ਵਿਚ ਵਿਦਿਆਰਥੀ ਬਹੁਤ ਜੋਖ਼ਮ ਭਰਿਆ ਸਫ਼ਰ ਕਰ ਰਹੇ ਦੇਖੇ ਜਾ ਰਹੇ ਹਨ | ਇਸ ਸੰਬੰਧੀ ਇਕ ਵੀਡੀਓ ਵੀ ਵਾਇਰਲ ਹੋਈ, ਜਿਸ ਵਿਚ ਨਵੇਂ ਬੱਸ ਅੱਡੇ ਤੋਂ ਆਈ. ਟੀ. ਆਈ. ਸਿੰਬਲ ਰੋਡ 'ਤੇ ਜਾਣ ਵਾਲੀ ਬੱਸ ਪੂਰੀ ਤਰ੍ਹਾਂ ਭਰੀ ਹੋਈ ਹੁੰਦੀ ਹੈ ਜਿਸ 'ਤੇ ਆਈ. ਟੀ. ਆਈ. ਦੇ ਵਿਦਿਆਰਥੀ ਬਾਰੀਆਂ ਤੋਂ ਬਾਹਰ ਲਮਕੇ ਹੋਏ ਦਿਖਾਈ ਦਿੰਦੇ ਹਨ | ਜਦਕਿ ਰੋਡਵੇਜ਼ ਵਲੋਂ ਦੋ ਸਿਟੀ ਬੱਸਾਂ ਵੀ ਚਲਾਈਆਂ ਗਈਆਂ ਸਨ ਜਿਸ 'ਤੇ ਜਾਣ ਦੀ ਬਜਾਏ ਇਹ ਵਿਦਿਆਰਥੀ ਹੋਰਨਾਂ ਬੱਸਾਂ ਉੱਪਰ ਜਾਂਦੇ ਹਨ, ਜੋ ਕਿ ਭੀੜ ਹੋਣ ਕਾਰਨ ਉਹ ਆਪਣਾ ਸਫ਼ਰ ਬਾਰੀਆਂ ਵਿਚੋਂ ਦੀ ਬਾਹਰ ਲਮਕ ਕੇ ਕਰ ਰਹੇ ਹੁੰਦੇ ਹਨ | ਇਸ ਸੰਬੰਧੀ ਪ੍ਰਸ਼ਾਸਨ ਨੇ ਬਹੁਤ ਵਾਰ ਵਿਦਿਆਰਥੀਆਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਸਮਝਦੇ ਨਹੀਂ | ਅਗਰ ਬੱਸ ਰੁਕਦੀ ਹੈ ਤਾਂ ਪੁਲਿਸ ਨੂੰ ਦੇਖ ਕੇ ਵਿਦਿਆਰਥੀ ਉਰ੍ਹੇ-ਪਰ੍ਹੇ ਹੋ ਜਾਂਦੇ ਹਨ |