ਨਵੀਂ ਦਿੱਲੀ, 13 ਅਪ੍ਰੈਲ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਯੂਨੀਵਰਸਿਟੀ ਦੇ ਨਵੇਂ ਸੈਸ਼ਨ 2026-27 ਪ੍ਰਤੀ ਮਈ ਮਹੀਨੇ ਰਜਿਸਟ੍ਰੇਸ਼ਨ ਸ਼ੁਰੂ ਹੋ ਜਾਵੇਗੀ | ਦਿੱਲੀ ਯੂਨੀਵਰਸਿਟੀ ਵਲੋਂ ਇਸ ਨਵੇਂ ਸੈਸ਼ਨ ਦੀ ਸ਼ੁਰੂਆਤ ਲਾਅ ਕੋਰਸਾਂ ਦੇ ਦਾਖ਼ਲੇ ਨਾਲ ਕਰਨ ਦੀ ਸੰਭਾਵਨਾ ਹੈ | ਕਾਮਨ ਲਾਅ ਦਾਖ਼ਲਾ ਪ੍ਰੀਖਿਆ ਟੈਸਟ ਦਾ ਨਤੀਜਾ ਆ ਚੁੱਕਿਆ ਹੈ | ਦਿੱਲੀ ਯੂਨੀਵਰਸਿਟੀ ਦੀ ਕੋਸ਼ਿਸ਼ ਹੈ ਕਿ ਅਪ੍ਰੈਲ ਮਹੀਨੇ ਦੇ ਆਖੀਰ ਤੱਕ ਇਸ ਨਾਲ ਜੁੜੇ ਹੋਏ ਕੋਰਸਾਂ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਜਾਵੇ, ਜਿਸ ਲਈ ਵਿਚਾਰ ਵੀ ਕੀਤਾ ਗਿਆ ਹੈ | ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਦਿੱਲੀ ਯੂਨੀਵਰਸਿਟੀ ਯੂ.ਜੀ. ਅਤੇ ਪੀ.ਜੀ. ਦੋਵਾਂ ਲਈ ਹੀ ਮਈ ਮਹੀਨੇ ਵਿਚ ਆਪਣਾ ਦਾਖ਼ਲੇ ਦਾ ਪੋਰਟਲ ਖੋਲ੍ਹੇਗੀ | ਇਸ ਸਾਲ ਇਕ ਸਾਲ ਦਾ ਪੀ.ਜੀ. ਦਾਖ਼ਲਾ ਵੀ ਸ਼ੁਰੂ ਹੋ ਰਿਹਾ ਹੈ, ਇਸ ਲਈ ਵੱਖਰੇ ਤੋਂ ਗਾਈਡਲਾਈਨ ਦਿੱਤੀ ਜਾਵੇਗੀ | ਦਿੱਲੀ ਯੂਨੀਵਰਸਿਟੀ ਦੀ ਕੋਸ਼ਿਸ਼ ਹੈ ਕਿ ਹਰ ਕੋਰਸ ਜਾਂ ਕਲਾਸਾਂ ਦਾ ਸਮੇਂ ਸਿਰ ਦਾਖ਼ਲਾ ਹੋ ਜਾਵੇ ਅਤੇ ਨਾਲ ਹੀ ਪੜ੍ਹਾਈ ਵੀ ਸ਼ੁਰੂ ਹੋ ਜਾਵੇ |
