ਮੇਅਰ ਵਨੀਤ ਧੀਰ ਨੇ ਰੰਗਲਾ ਵਿਹੜਾ ਕੋਲ ਨਾਜਾਇਜ਼ ਹੋ ਰਹੀ ਪਾਰਕਿੰਗ ਫੀਸ ਵਸੂਲੀ ਪਰਚੀ ਦੇ ਮਾਮਲੇ ਵਿਚ ਨਿਗਮ ਦੀ ਸੰਯੁਕਤ ਕਮਿਸ਼ਨਰ ਮਨਦੀਪ ਕੌਰ ਨੂੰ ਕਾਰਵਾਈ ਲਈ ਕਮਿਸ਼ਨਰ ਨਾਲ ਗੱਲਬਾਤ ਕਰਨ ਲਈ ਕਿਹਾ ਹੈ | ਦੱਸਿਆ ਜਾਂਦਾ ਹੈ ਕਿ ਮੇਅਰ ਵਨੀਤ ਧੀਰ ਦੇ ਧਿਆਨ ਵਿਚ ਜਦੋਂ ਆਇਆ ਕਿ ਰੰਗਲਾ ਵਿਹੜਾ ਦੇ ਨਾਲ ਹੀ ਨਾਜਾਇਜ਼ ਹੀ ਗੱਡੀਆਂ ਲਗਾ ਕੇ ਪਾਰਕਿੰਗ ਫੀਸ ਵਸੂਲੀ ਕੀਤੀ ਜਾ ਰਹੀ ਹੈ | ਇਸ ਬਾਰੇ ਪਹਿਲਾਂ ਵੀ ਪੁਲਿਸ ਨੂੰ ਲਿਖਿਆ ਗਿਆ ਸੀ ਤੇ ਉਨ੍ਹਾਂ ਨੇ ਮਨਦੀਪ ਕੌਰ ਨੂੰ ਹਦਾਇਤ ਦਿੰਦੇ ਹੋਏ ਕਿਹਾ ਕਿ ਇਸ ਬਾਰੇ ਉਹ ਨਿਗਮ ਕਮਿਸ਼ਨਰ ਸੰਦੀਪ ਰਿਸ਼ੀ ਨਾਲ ਦੁਬਾਰਾ ਗੱਲਬਾਤ ਕਰਕੇ ਇਸ ਮਸਲੇ ਬਾਰੇ ਪੁਲਿਸ ਨੂੰ ਕਾਰਵਾਈ ਕਰਨ ਦੀ ਸਿਫਾਰਸ਼ ਕਰਨ | ਇਸ ਤਰ੍ਹਾਂ ਨਾਲ ਨਾਜਾਇਜ ਪਾਰਕਿੰਗ ਵਸੂਲੀ ਦਾ ਕੰਮ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ |