ਭਾਜਪਾ ਦੇ ਰਾਜ ਵਿੱਚ ਸਮਾਜ ਦਾ ਹਰ ਵਰਗ ਮੁੱਢਲੀਆਂ ਸਹੂਲਤਾਂ ਲਈ ਤਰਸ ਰਿਹਾ ਹੈ- ਅਭੈ ਚੌਟਾਲਾ

ਸਿਰਸਾ, 12 ਜੁਲਾਈ (ਭੁਪਿੰਦਰ ਪੰਨੀਵਾਲੀਆ)- ਇੰਡੀਅਨ ਨੈਸ਼ਨਲ ਲੋਕ ਦਲ (ਇਨੈਲੋ) ਦੇ ਰਾਸ਼ਟਰੀ ਪ੍ਰਧਾਨ ਅਭੈ ਸਿੰਘ ਚੌਟਾਲਾ ਨੇ ਕਿਹਾ ਕਿ ਭਾਜਪਾ ਦੇ ਰਾਜ ਵਿੱਚ ਸਮਾਜ ਦਾ ਹਰ ਵਰਗ ਮੁੱਢਲੀਆਂ ਸਹੂਲਤਾਂ ਲਈ ਤਰਸ ਰਿਹਾ ਹੈ ਅਤੇ ਸਰਕਾਰ ਪੂਰੀ ਤਰ੍ਹਾਂ ਉਦਾਸੀਨ ਬਣੀ ਹੋਈ ਹੈ। ਅੱਜ ਅਭੈ ਸਿੰਘ ਚੌਟਾਲਾ ਨੇ ਆਪਣੇ ਐਲਨਾਬਾਦ ਹਲਕੇ ਵਿੱਚ ਆਪਣੇ ਚਾਰ ਦਿਨਾਂ ਜਨ ਸੰਪਰਕ ਮੁਹਿੰਮ ਦੇ ਦੂਜੇ ਦਿਨ ਪਿੰਡ ਬੱਕਰੀਆਂਵਾਲੀ, ਨਿਰਬਾਨ, ਰੂਪਵਾਸ, ਰਾਇਪੁਰ, ਬਾਰਾਸਰੀ, ਢੂਕੜਾ, ਬਰੂਵਾਲੀ-2, ਮਾਧੋਸਿੰਘਾਨਾ, ਗੁਡੀਆ ਖੇੜਾ, ਜਮਾਲ, ਕੁਤਿਆਣਾ, ਜੋੜਕੀਆਂ, ਰਾਮਪੁਰਾ ਢਿੱਲੋਂ, ਗੁਸਾਈਆਣਾ, ਖੇੜੀ, ਰਾਜਪੁਰਾ ਸਾਹਨੀ, ਹੰਜੀਰਾ ਅਤੇ ਲੁਦੇਸਰ ਦੇ ਪਿੰਡ ਵਾਸੀਆਂ ਨਾਲ ਮੁਲਾਕਾਤ ਕੀਤੀ। ਇਨੈਲੋ ਆਗੂ ਅਭੈ ਸਿੰਘ ਚੌਟਾਲਾ ਨੇ ਕਿਹਾ ਕਿ ਕਾਂਗਰਸ ਦੇ ਰਾਜ ਦੇ ਪਹਿਲੇ ਦਸ ਸਾਲਾਂ ਦੌਰਾਨ ਅਤੇ ਹੁਣ ਭਾਜਪਾ ਦੇ ਰਾਜ ਵਿੱਚ ਸਿਰਸਾ ਜ਼ਿਲ੍ਹੇ ਨਾਲ ਸਿਆਸੀ ਤੌਰ ‘ਤੇ ਮਤਰੇਈ ਮਾਂ ਵਾਲਾ ਸਲੂਕ ਕੀਤਾ ਗਿਆ ਹੈ, ਜਿਸਦੇ ਨਤੀਜੇ ਵਜੋਂ ਜ਼ਿਲ੍ਹੇ ਵਿੱਚ ਆਮ ਲੋਕਾਂ ਲਈ ਸਹੂਲਤਾਂ ਦੀ ਸਪੱਸ਼ਟ ਘਾਟ ਹੈ। ਪੇਂਡੂ ਖੇਤਰਾਂ ਵਿੱਚ ਪਸ਼ੂਆਂ ਲਈ ਪੀਣ ਵਾਲੇ ਪਾਣੀ ਦੀ ਵਿਆਪਕ ਘਾਟ ਹੈ, ਜਿਸ ਕਾਰਨ ਪਿੰਡਾਂ ਦੇ ਲੋਕਾਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਇਨੈਲੋ ਨੂੰ ਹੋਰ ਵੀ ਮਜ਼ਬੂਤ ਕਰਨ ਅਤੇ ਇਸਨੂੰ ਸੱਤਾ ਵਿੱਚ ਲਿਆਉਣ ਤਾਂ ਜੋ ਹਰਿਆਣਾ ਨੂੰ ਸੱਚਮੁੱਚ ਵਿਕਾਸ ਦੇ ਰਾਹ ‘ਤੇ ਪਾਇਆ ਜਾ ਸਕੇ, ਜਿਸ ਨਾਲ ਸਮਾਜ ਦੇ ਹਰ ਵਰਗ ਨੂੰ ਲਾਭ ਪਹੁੰਚ ਸਕੇ। ਉਨ੍ਹਾਂ ਪਿੰਡ ਵਾਸੀਆਂ ਨੂੰ ਦੱਸਿਆ ਕਿ ਕਿਵੇਂ ਸਾਬਕਾ ਮੁੱਖ ਮੰਤਰੀ ਓਮ ਪ੍ਰਕਾਸ਼ ਚੌਟਾਲਾ ਨੇ ਆਪਣੇ ਕਾਰਜਕਾਲ ਦੌਰਾਨ ਘੱਗਰ ਨਦੀ ਤੋਂ ਐਲਨਾਬਾਦ ਹਲਕੇ ਵਿੱਚ ਕਈ ਨਹਿਰਾਂ ਪੁੱਟੀਆਂ ਸਨ, ਜਿਸ ਕਾਰਨ ਬਾਗਾਂ ਦੇ ਰੂਪ ਵਿੱਚ ਹਰਿਆਲੀ ਹੈ। ਇਸ ਦੌਰੇ ਦੌਰਾਨ ਇਨੈਲੋ ਜ਼ਿਲ੍ਹਾ ਪ੍ਰਧਾਨ ਜਸਵੀਰ ਸਿੰਘ ਜੱਸਾ, ਪਵਨ ਬੈਨੀਵਾਲ, ਵਿਨੋਦ ਬੈਨੀਵਾਲ, ਹੁਸ਼ਿਆਰ ਸਿੰਘ ਖੋਡ, ਸੁਰੇਂਦਰ ਬਾਨਾ, ਯੂਥ ਇਨੈਲੋ ਜ਼ਿਲ੍ਹਾ ਪ੍ਰਧਾਨ ਭਗਵਾਨ ਕੋਟਲੀ, ਧਰਮਵੀਰ ਨੈਨ, ਗੁਰਵਿੰਦਰ ਸਿੰਘ ਸਰਪੰਚ, ਸੂਰਜ ਭਾਨ ਬੋਮਰਾ, ਵਿਨੋਦ ਰੋਜ਼, ਜ਼ਿਲ੍ਹਾ ਕੌਂਸਲਰ ਪ੍ਰਤੀਨਿਧੀ ਜਸਵੀਰ ਸ਼ੀਲੂ ਅਤੇ ਹੋਰ ਬਹੁਤ ਸਾਰੇ ਆਗੂ ਉਹਨਾਂ ਨਾਲ ਮੌਜੂਦ ਸਨ।