ਲੀਲਾਧਰ ਸੈਣੀ ਰਾਸ਼ਟਰੀ ਸੈਣੀ ਸਭਾ ਹਰਿਆਣਾ ਦੇ ਹਲਕਾ ਪ੍ਰਧਾਨ ਬਣੇ
ਫ਼ਤਿਹਾਬਾਦ, 4 ਅਗਸਤ (ਹਰਬੰਸ ਸਿੰਘ ਮੰਡੇਰ)- ਰਾਸ਼ਟਰੀ ਸੈਣੀ ਸਭਾ ਹਰਿਆਣਾ ਨੇ ਸੰਗਠਨ ਨੂੰ ਮਜ਼ਬੂਤ ਕਰਨ ਅਤੇ ਸਮਾਜਿਕ ਗਤੀਵਿਧੀਆਂ ਨੂੰ ਤੇਜ਼ ਕਰਨ ਦੇ ਉਦੇਸ਼ ਨਾਲ ਫ਼ਤਿਹਾਬਾਦ ਜ਼ਿਲ੍ਹੇ ’ਚ ਆਪਣੀ ਕਾਰਜਕਾਰੀ ਕਮੇਟੀ ਦਾ ਵਿਸਥਾਰ ਕੀਤਾ ਹੈ। ਸੂਬਾ ਪ੍ਰਧਾਨ ਜਸਬੀਰ ਸੈਣੀ ਦੀ ਅਗਵਾਈ ਹੇਠ ਜ਼ਿਲ੍ਹਾ ਪ੍ਰਧਾਨ ਸੰਦੀਪ ਸੈਣੀ ਨੇ ਭਾਈਚਾਰੇ ਦੇ ਗਿਆਨਵਾਨ ਤੇ ਪ੍ਰਭਾਵਸ਼ਾਲੀ ਮੈਂਬਰਾਂ ਦੀ ਸਹਿਮਤੀ ਨਾਲ ਨਵੇਂ ਅਹੁਦੇਦਾਰਾਂ ਨੂੰ ਨਿਯੁਕਤੀ ਪੱਤਰ ਸੌਂਪੇ।
ਫ਼ਤਿਹਾਬਾਦ, 4 ਅਗਸਤ (ਹਰਬੰਸ ਸਿੰਘ ਮੰਡੇਰ)- ਰਾਸ਼ਟਰੀ ਸੈਣੀ ਸਭਾ ਹਰਿਆਣਾ ਨੇ ਸੰਗਠਨ ਨੂੰ ਮਜ਼ਬੂਤ ਕਰਨ ਅਤੇ ਸਮਾਜਿਕ ਗਤੀਵਿਧੀਆਂ ਨੂੰ ਤੇਜ਼ ਕਰਨ ਦੇ ਉਦੇਸ਼ ਨਾਲ ਫ਼ਤਿਹਾਬਾਦ ਜ਼ਿਲ੍ਹੇ ’ਚ ਆਪਣੀ ਕਾਰਜਕਾਰੀ ਕਮੇਟੀ ਦਾ ਵਿਸਥਾਰ ਕੀਤਾ ਹੈ। ਸੂਬਾ ਪ੍ਰਧਾਨ ਜਸਬੀਰ ਸੈਣੀ ਦੀ ਅਗਵਾਈ ਹੇਠ ਜ਼ਿਲ੍ਹਾ ਪ੍ਰਧਾਨ ਸੰਦੀਪ ਸੈਣੀ ਨੇ ਭਾਈਚਾਰੇ ਦੇ ਗਿਆਨਵਾਨ ਤੇ ਪ੍ਰਭਾਵਸ਼ਾਲੀ ਮੈਂਬਰਾਂ ਦੀ ਸਹਿਮਤੀ ਨਾਲ ਨਵੇਂ ਅਹੁਦੇਦਾਰਾਂ ਨੂੰ ਨਿਯੁਕਤੀ ਪੱਤਰ ਸੌਂਪੇ। ਇਸ ਵਿਸਥਾਰ ਦੇ ਹਿੱਸੇ ਵਜੋਂ ਲੀਲਾਧਰ ਸੈਣੀ ਨੂੰ ਰਾਸ਼ਟਰੀ ਸੈਣੀ ਸਭਾ ਹਰਿਆਣਾ ਦਾ ਫ਼ਤਿਹਾਬਾਦ ਹਲਕਾ ਮੁਖੀ ਨਿਯੁਕਤ ਕੀਤਾ ਗਿਆ। ਆਪਣੀਆਂ ਜ਼ਿੰਮੇਵਾਰੀਆਂ ਸੰਭਾਲਦਿਆਂ ਨਵ-ਨਿਯੁਕਤ ਹਲਕਾ ਮੁਖੀ ਲੀਲਾਧਰ ਸੈਣੀ ਨੇ ਉਮੀਦ ਪ੍ਰਗਟ ਕੀਤੀ ਕਿ ਉਹ ਸਮਾਜ ਦੇ ਸਾਰੇ ਵਰਗਾਂ ਨਾਲ ਜੁੜਨਗੇ ਅਤੇ ਸਮਾਜਿਕ ਉੱਨਤੀ ਲਈ ਅਣਥੱਕ ਕੰਮ ਕਰਨਗੇ। ਨਵੇਂ ਅਹੁਦੇਦਾਰਾਂ ਨੂੰ ਵਧਾਈ ਦਿੰਦਿਆਂ ਜ਼ਿਲ੍ਹਾ ਪ੍ਰਧਾਨ ਸੰਦੀਪ ਸੈਣੀ ਨੇ ਉਮੀਦ ਪ੍ਰਗਟ ਕੀਤੀ ਕਿ ਸਾਰੇ ਅਹੁਦੇਦਾਰ ਸਮਾਜ ਲਈ ਜ਼ਮੀਨੀ ਪੱਧਰ ’ਤੇ ਕੰਮ ਕਰਨਗੇ। ਉਨ੍ਹਾਂ ਕਿਹਾ ਕਿ ਰਾਸ਼ਟਰੀ ਸੈਣੀ ਸਭਾ ਜ਼ਮੀਨੀ ਪੱਧਰ ’ਤੇ ਕੰਮ ਕਰਨ ਵਾਲੇ ਅਤੇ ਮਿਹਨਤੀ ਵਿਅਕਤੀਆਂ ਨੂੰ ਤਰਜੀਹ ਦਿੰਦੀ ਹੈ। ਨਵੀਂ ਐਲਾਨੀ ਗਈ ਜ਼ਿਲ੍ਹਾ ਕਾਰਜਕਾਰੀ ਕਮੇਟੀ ’ਚ ਸੈਣੀ ਸਭਾ ਦੀ ਪ੍ਰਧਾਨ ਇੰਦਰਾ ਸੈਣੀ ਨੂੰ ਜ਼ਿਲ੍ਹਾ ਕਾਰਜਕਾਰੀ ਕਮੇਟੀ ਦਾ ਮੈਂਬਰ ਨਿਯੁਕਤ ਕੀਤਾ ਗਿਆ ਹੈ। ਫ਼ਕੀਰ ਚੰਦ ਸੈਣੀ ਨੂੰ ਜ਼ਿਲ੍ਹਾ ਸੰਗਠਨ ਸਕੱਤਰ, ਮਹਿੰਦਰ ਸੈਣੀ ਨੂੰ ਜ਼ਿਲ੍ਹਾ ਖ਼ਜ਼ਾਨਚੀ, ਲੀਲ੍ਹੂ ਰਾਮ ਸੈਣੀ ਨੂੰ ਜ਼ਿਲ੍ਹਾ ਜਨਰਲ ਸਕੱਤਰ ਅਤੇ ਪ੍ਰਮੋਦ ਸੈਣੀ ਨੂੰ ਜ਼ਿਲ੍ਹਾ ਮੀਡੀਆ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ। ਉਪ-ਪ੍ਰਧਾਨ ਦੇ ਅਹੁਦੇ ਰੋਹਤਾਸ਼ ਸੈਣੀ, ਸਾਬਕਾ ਕੌਂਸਲਰ ਰਾਜਕੁਮਾਰ ਸੈਣੀ, ਹਰਦਿਆਲ ਸੈਣੀ, ਸ਼ੰਕਰ ਸੈਣੀ ਅਤੇ ਸੰਦੀਪ ਸੈਣੀ ਨੂੰ ਸੌਂਪੇ ਗਏ ਹਨ। ਇਸ ਤੋਂ ਇਲਾਵਾ ਕ੍ਰਿਸ਼ਨਾ ਸੈਣੀ, ਅਨਿਲ ਸੈਣੀ ਕਿਰਾੜਾ, ਵਿਨੋਦ ਸੈਣੀ ਭਾਟੀਆ ਕਲੋਨੀ, ਪ੍ਰਦੀਪ ਸੈਣੀ ਹੰਸ ਕਲੋਨੀ ਅਤੇ ਰਾਧੇਸ਼ਿਆਮ ਨੂੰ ਜ਼ਿਲ੍ਹਾ ਸਕੱਤਰ ਨਿਯੁਕਤ ਕੀਤਾ ਗਿਆ। ਉਨ੍ਹਾਂ ਨਿਰਸਵਾਰਥਤਾ ਨਾਲ ਭਾਈਚਾਰੇ ਦੀ ਸੇਵਾ ਕਰਨ, ਹਰ ਗਰੀਬ ਅਤੇ ਲੋੜਵੰਦ ਵਿਅਕਤੀ ਦੀ ਮਦਦ ਲਈ ਹਮੇਸ਼ਾ ਤਿਆਰ ਰਹਿਣ ਦਾ ਪ੍ਰਣ ਲਿਆ। ਇਸ ਮੌਕੇ ਸਾਬਕਾ ਪ੍ਰਧਾਨ ਤਿਲੋਕ ਸੈਣੀ, ਮਾਰਕਿਟ ਕਮੇਟੀ ਸਕੱਤਰ ਮਹਾਬੀਰ ਸੈਣੀ, ਪਿਆਰੇ ਲਾਲ ਸੈਣੀ, ਮੋਹਨ ਲਾਲ ਸੈਣੀ, ਸੁਰੇਂਦਰ ਸੈਣੀ, ਰਾਜਕੁਮਾਰ ਸੈਣੀ ਰਾਜੂ, ਨਵੀਨ ਸੈਣੀ, ਬਬਲੂ ਸੈਣੀ, ਜੈ ਸਿੰਘ ਸੈਣੀ, ਦੀਪਕ ਸੈਣੀ, ਸਚਿਨ ਸੈਣੀ, ਸਾਹਿਲ ਸੈਣੀ ਭਾਟੀਆ ਕਲੋਨੀ, ਵਿਨੋਦ ਸੈਣੀ, ਰਾਹੁਲ ਸੈਣੀ, ਵਿਕਾਸ ਸੈਣੀ ਭਾਟੀਆ ਆਦਿ ਹਾਜ਼ਰ ਸਨ।
