9 ਟਰੇਨਰਾਂ ਨੂੰ ਗਰੀਨ ਬੈਲਟ ਤੇ ਇਕ ਟਰੇਨਰ ਨੂੰ ਬਰਾਊਨ ਬੈਲਟ ਮਿਲੀ
ਨਵੀਂ ਦਿੱਲੀ, 25 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਪੁਲਿਸ ਦੀ ਸਪੈਸ਼ਲ ਪੁਲਿਸ ਯੂਨਿਟ ਫਾਰ ਵੂਮੈਨ ਐਂਡ ਚਿਲਡਰਨ (ਐਸ.
ਨਵੀਂ ਦਿੱਲੀ, 25 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਪੁਲਿਸ ਦੀ ਸਪੈਸ਼ਲ ਪੁਲਿਸ ਯੂਨਿਟ ਫਾਰ ਵੂਮੈਨ ਐਂਡ ਚਿਲਡਰਨ (ਐਸ.ਪੀ.ਯੂ.ਡਬਲਿਊ.ਏ.ਸੀ.) ਦੀ ਸੈਲਫ ਡਿਫੈਂਸ ਟੀਮ ਨੇ ਦਿੱਲੀ ਜੁਡੋ ਕੌਂਸਲ ਦੇ ਸਹਿਯੋਗ ਨਾਲ ਸੈਲਫ ਟਰੇਨਰਾਂ ਲਈ ਬੈਲਟ ਅਪਗ੍ਰੇਡੇਸ਼ਨ ਟੈਸਟ ਕਰਵਾਇਆ। 10 ਸੈਲਫ ਡਿਫੈਂਸ ਪੁਲਿਸ ਕਰਮਚਾਰੀਆਂ ਨੇ ਇਸ ਟੈਸਟ ਵਿਚ ਭਾਗ ਲਿਆ। ਜਿਸ ਦਾ ਮੁਲਾਂਕਣ ਦਿੱਲੀ ਜੁਡੋ ਕੌਂਸਲ ਦੇ ਅਧਿਕਾਰਤ ਪ੍ਰੀਖਿਅਕਾਂ ਦੁਆਰਾ ਜੁਡੋ ਦੇ ਨਿਰਧਾਰਤ ਮਾਪਢੰਡਾਂ ਅਤੇ ਨਿਯਮਾਂ ਅਨੁਸਾਰ ਕੀਤਾ। ਟੈਸਟ ਵਿਚ ਪਾਸ ਹੋਣ ਵਾਲੇ 9 ਟਰੇਨਰਾਂ ਨੂੰ ਗਰੀਨ ਬੈਲਟ ਪ੍ਰਦਾਨ ਕੀਤੇ ਗਏ ਜਦਕਿ ਇਕ ਟਰੇਨਰ ਨੂੰ ਬਰਾਊਨ ਬੈਲਟ ਪ੍ਰਦਾਨ ਕੀਤਾ ਗਿਆ। ਦੇਵਤੋਸ਼ ਕੁਮਾਰ, ਸੁਰਿੰਦਰ ਸਿੰਘ (ਆਈ.ਪੀ.ਐਸ.) ਵਧੀਕ ਕਮਿਸ਼ਨਰ ਆਫ਼ ਪੁਲਿਸ ਨੇ ਗਰੀਨ ਬੈਲਟ ਅਤੇ ਬਰਾਊਨ ਬੈਲਟ ਪ੍ਰਦਾਨ ਕੀਤੇ। ਵਰਨਣਯੋਗ ਹੈ ਕਿ ਇਹ ਪਹਿਲ ਸਵੈ-ਰੱਖਿਆ ਵਿੰਗ ਦੇ ਆਪਣੇ ਟਰੇਨਰਾਂ ਦੀ ਸਮਰੱਥਾ ਨਿਰਮਾਣ, ਹੁਨਰ ਵਧਾਉਣ ਅਤੇ ਪੇਸ਼ੇਵਰ ਅਪਗ੍ਰੇਡੇਸ਼ਨ ਵੱਲ ਨਿਰੰਤਰ ਯਤਨਾਂ ਦਾ ਹਿੱਸਾ ਹੈ
