ਟੋਹਾਣਾ ’ਚ ਮਹਾਰਾਜਾ ਅਗਰਸੈਨ ਜੈਅੰਤੀ ਦੀਆਂ ਤਿਆਰੀਆਂ ਜ਼ੋਰਾਂ ’ਤੇ
ਟੋਹਾਣਾ, 26 ਸਤੰਬਰ (ਮਨਜੀਤ ਸਿੰਘ)- ਅਗਰਵਾਲ ਸਭਾ, ਯੁਵਾ ਅਗਰਵਾਲ ਸਭਾ ਤੇ ਮਹਿਲਾ ਅਗਰਵਾਲ ਕਮੇਟੀ ਟੋਹਾਣਾ ਵੱਲੋਂ ਸੂਰਜਵੰਸ਼ੀ ਮਹਾਰਾਜਾ ਅਗਰਸੈਨ ਜੈਅੰਤੀ ਨੂੰ ਸਮਰਪਿਤ ਸਮਾਗਮ ਦੀਆਂ ਤਿਆਰੀਆਂ ਜ਼ੋਰਾਂ ’ਤੇ ਚੱਲ ਰਹੀਆਂ ਹਨ। ਇਸ ਸਬੰਧੀ ਸਭਾ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਵੱਲੋਂ ਸ਼ਹਿਰ ਦੇ ਵੱਖ-ਵੱਖ ਬਾਜ਼ਾਰਾਂ, ਦੁਕਾਨਾਂ ਅਤੇ ਵਪਾਰਕ ਅਦਾਰਿਆਂ ’ਚ ਜਾ ਕੇ ਜੈਅੰਤੀ ਸਮਾਗਮ ਦੇ ਸੱਦਾ ਪੱਤਰ ਵੰਡੇ ਗਏ।
ਟੋਹਾਣਾ, 26 ਸਤੰਬਰ (ਮਨਜੀਤ ਸਿੰਘ)- ਅਗਰਵਾਲ ਸਭਾ, ਯੁਵਾ ਅਗਰਵਾਲ ਸਭਾ ਤੇ ਮਹਿਲਾ ਅਗਰਵਾਲ ਕਮੇਟੀ ਟੋਹਾਣਾ ਵੱਲੋਂ ਸੂਰਜਵੰਸ਼ੀ ਮਹਾਰਾਜਾ ਅਗਰਸੈਨ ਜੈਅੰਤੀ ਨੂੰ ਸਮਰਪਿਤ ਸਮਾਗਮ ਦੀਆਂ ਤਿਆਰੀਆਂ ਜ਼ੋਰਾਂ ’ਤੇ ਚੱਲ ਰਹੀਆਂ ਹਨ। ਇਸ ਸਬੰਧੀ ਸਭਾ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਵੱਲੋਂ ਸ਼ਹਿਰ ਦੇ ਵੱਖ-ਵੱਖ ਬਾਜ਼ਾਰਾਂ, ਦੁਕਾਨਾਂ ਅਤੇ ਵਪਾਰਕ ਅਦਾਰਿਆਂ ’ਚ ਜਾ ਕੇ ਜੈਅੰਤੀ ਸਮਾਗਮ ਦੇ ਸੱਦਾ ਪੱਤਰ ਵੰਡੇ ਗਏ। ਇਸ ਮੌਕੇ ਅਗਰਵਾਲ ਸਭਾ ਦੇ ਪ੍ਰਧਾਨ ਰਮੇਸ਼ ਗੋਇਲ, ਰੋਸ਼ਨ ਜਿੰਦਲ, ਵਿਕਾਸ ਸਿੰਗਲਾ ਸਮੇਤ ਯੁਵਾ ਅਗਰਵਾਲ ਸਭਾ ਦੇ ਹੋਰ ਮੈਂਬਰ ਹਾਜ਼ਰ ਸਨ। ਸੰਸਥਾ ਵੱਲੋਂ ਦੱਸਿਆ ਗਿਆ ਕਿ ਜੈਅੰਤੀ ਸਮਾਗਮ ’ਚ ਟੋਹਾਣਾ ਦੇ ਪ੍ਰਮੁੱਖ ਉਦਯੋਗਪਤੀ ਟੇਕ ਚੰਦ ਮੋਦੀ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਨਗੇ। ਨਗਰ ਪਾਲਿਕਾ ਟੋਹਾਣਾ ਦੇ ਚੇਅਰਮੈਨ ਨਰੇਸ਼ ਬਾਂਸਲ ਤੇ ਉਦਯੋਗਪਤੀ ਮਹੇਸ਼ ਜੈਨ (ਪਿੰਟਾ) ਸਮਾਗਮ ਦੀ ਪ੍ਰਧਾਨਗੀ ਕਰਨਗੇ। ਸਮਾਜ ਸੇਵੀ ਵਿਕਰਮ ਗਰਗ ਤੇ ਸੁਨੀਤਾ ਜੈਨ ਧਰਮਪਤਨੀ ਸੁਰਿੰਦਰ ਜੈਨ (ਡੀਲਕਸ ਵਾਲੇ) ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਣਗੇ। ਐਡਵੋਕੇਟ ਨਿਸ਼ਾਂਤ ਜੈਨ, ਸਾਬਕਾ ਪ੍ਰਧਾਨ ਯੁਵਾ ਅਗਰਵਾਲ ਸਭਾ ਟੋਹਾਣਾ ਮੁੱਖ ਮਹਿਮਾਨ ਹੋਣਗੇ। ਮੁੱਖ ਸਮਾਗਮ 11 ਅਕਤੂਬਰ 2026, ਐਤਵਾਰ ਨੂੰ ਸ਼ਾਮ 6:15 ਵਜੇ ਸ੍ਰੀ ਰਾਮ ਭਵਨ, ਟੋਹਾਣਾ ਵਿਖੇ ਹੋਵੇਗਾ। ਇਸ ਤੋਂ ਪਹਿਲਾਂ ਸਵੇਰੇ 8:15 ਵਜੇ ਮਹਾਰਾਜਾ ਅਗਰਸੈਨ ਚੌਕ ਵਿਖੇ ਹਵਨ ਯੱਗ ਕਰਵਾਇਆ ਜਾਵੇਗਾ।
