ਹਰਿਆਣਾ ਦੀ ਗਤਕਾ ਟੀਮ ਨੇ 46 ਤਗਮੇ ਜਿੱਤ ਕੇ ਸੂਬੇ ਦਾ ਮਾਣ ਵਧਾਇਆ - ਸਵਰਨ ਸਿੰਘ
ਰਤੀਆ, 4 ਅਕਤੂਬਰ (ਬੇਅੰਤ ਕੌਰ ਮੰਡੇਰ)- ਹਰਿਆਣਾ ਗਤਕਾ ਐਸੋਸੀਏਸ਼ਨ ਦੇ ਚੇਅਰਮੈਨ ਸਵਰਨ ਸਿੰਘ ਰਤੀਆ ਨੇ ਖਿਡਾਰੀਆਂ, ਕੋਚਾਂ ਅਤੇ ਪੂਰੀ ਹਰਿਆਣਾ ਟੀਮ ਦਾ ਜੰਮੂ-ਕਸ਼ਮੀਰ ਤੋਂ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਇੱਥੇ ਪਹੁੰਚਣ ’ਤੇ ਨਿੱਘਾ ਸਵਾਗਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਹਰਿਆਣਾ ਦੀ ਟੀਮ ਨੇ 29 ਸਤੰਬਰ ਤੋਂ 1 ਅਕਤੂਬਰ ਤੱਕ ਸ੍ਰੀਨਗਰ ਜੰਮੂ-ਕਸ਼ਮੀਰ ਦੇ ਸ਼ੇਰ-ਏ-ਕਸ਼ਮੀਰ ਇਨਡੋਰ ਸਪੋਰਟਸ ਕੰਪਲੈਕਸ ਵਿਖੇ ਹੋਈ ਸੀਨੀਅਰ ਰਾਸ਼ਟਰੀ ਗਤਕਾ ਚੈਂਪੀਅਨਸ਼ਿਪ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਨਾਲ ਕੁੱਲ 46 ਤਗਮੇ ਜਿੱਤ ਕੇ ਸੂਬੇ ਦਾ ਨਾਮ ਰੌਸ਼ਨ ਕੀਤਾ ਹੈ।
ਰਤੀਆ, 4 ਅਕਤੂਬਰ (ਬੇਅੰਤ ਕੌਰ ਮੰਡੇਰ)- ਹਰਿਆਣਾ ਗਤਕਾ ਐਸੋਸੀਏਸ਼ਨ ਦੇ ਚੇਅਰਮੈਨ ਸਵਰਨ ਸਿੰਘ ਰਤੀਆ ਨੇ ਖਿਡਾਰੀਆਂ, ਕੋਚਾਂ ਅਤੇ ਪੂਰੀ ਹਰਿਆਣਾ ਟੀਮ ਦਾ ਜੰਮੂ-ਕਸ਼ਮੀਰ ਤੋਂ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਇੱਥੇ ਪਹੁੰਚਣ ’ਤੇ ਨਿੱਘਾ ਸਵਾਗਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਹਰਿਆਣਾ ਦੀ ਟੀਮ ਨੇ 29 ਸਤੰਬਰ ਤੋਂ 1 ਅਕਤੂਬਰ ਤੱਕ ਸ੍ਰੀਨਗਰ ਜੰਮੂ-ਕਸ਼ਮੀਰ ਦੇ ਸ਼ੇਰ-ਏ-ਕਸ਼ਮੀਰ ਇਨਡੋਰ ਸਪੋਰਟਸ ਕੰਪਲੈਕਸ ਵਿਖੇ ਹੋਈ ਸੀਨੀਅਰ ਰਾਸ਼ਟਰੀ ਗਤਕਾ ਚੈਂਪੀਅਨਸ਼ਿਪ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਨਾਲ ਕੁੱਲ 46 ਤਗਮੇ ਜਿੱਤ ਕੇ ਸੂਬੇ ਦਾ ਨਾਮ ਰੌਸ਼ਨ ਕੀਤਾ ਹੈ। ਹਰਿਆਣਾ ਟੀਮ ਦੀ ਅਗਵਾਈ ਕਰਨ ਵਾਲੇ ਗੁਰੂ ਨਾਨਕ ਡਿਫੈਂਸ ਅਕੈਡਮੀ ਦੇ ਡਾਇਰੈਕਟਰ ਗੁਰਜੀਤ ਸਿੰਘ ਨੇ ਦੱਸਿਆ ਕਿ ਅੰਕੁਸ਼ ਹਾਂਸੀ, ਆਰੀਅਨ ਜਿੰਦ, ਹਰਦੀਪ ਸਿੰਘ, ਜਗਜੋਤ ਸਿੰਘ ਹਿਸਾਰ, ਜੁਗਜੀਤ ਸਿੰਘ ਹਿਸਾਰ, ਕੁਲਵੀਰ ਸਿੰਘ ਅਤੇ ਰਣਜੀਤ ਸਿੰਘ ਫ਼ਤਿਹਾਬਾਦ ਨੇ ਲੜਕਿਆਂ ਦੇ ਅੰਡਰ-19 ਡੈਮੋ ਟੀਮ ਮੁਕਾਬਲੇ ’ਚ ਚਾਂਦੀ ਦੇ ਤਗਮੇ ਜਿੱਤੇ। ਇਸ ਦੌਰਾਨ ਹਰਦੀਪ ਸਿੰਘ ਫ਼ਤਿਹਾਬਾਦ ਨੇ ਵਿਅਕਤੀਗਤ ਡੈਮੋ ਈਵੈਂਟ ’ਚ ਕਾਂਸੀ ਦਾ ਤਗਮਾ ਜਿੱਤ ਕੇ ਹਰਿਆਣਾ ਦਾ ਮਾਣ ਵਧਾਇਆ। ਅੰਕਿਤ ਜਿੰਦ, ਗੌਰਵ ਪਾਣੀਪਤ, ਗੁਰਬਚਨ ਸਿੰਘ, ਗੁਰਸਿਮਰਨ ਪਾਣੀਪਤ, ਹਰਜੀਤ ਸਿੰਘ, ਹਰਮਨਦੀਪ ਸਿੰਘ ਫ਼ਤਿਹਾਬਾਦ, ਹਰਸਿਮਰਨ ਸਿੰਘ, ਜਸਵੰਤ ਸਿੰਘ ਸਿਰਸਾ, ਮਨਿੰਦਰ ਸਿੰਘ, ਰਵੀ ਕੁਮਾਰ ਫ਼ਤਿਹਾਬਾਦ ਅਤੇ ਸ਼ਰਨਜੋਤ ਸਿੰਘ ਤੂਰ ਹਿਸਾਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 25 ਸਾਲ ਦੀ ਉਮਰ ਦੇ ਡੈਮੋ ਈਵੈਂਟ ’ਚ ਚਾਂਦੀ ਦੇ ਤਗਮੇ ਜਿੱਤੇ। ਗੁਰਬਾਜ਼ ਸਿੰਘ ਫ਼ਤਿਹਾਬਾਦ ਨੇ ਇਸੇ ਉਮਰ ਸਮੂਹ ’ਚ ਵਿਅਕਤੀਗਤ ਫੈਰੀ ਸੋਟੀ ਈਵੈਂਟ ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ। ਗੁਰਬਾਜ਼ ਸਿੰਘ, ਜਸ਼ਨਦੀਪ ਸਿੰਘ, ਪਰਮ ਸਿੰਘ ਅਤੇ ਸਾਗਰ ਸਿੰਘ ਫ਼ਤਿਹਾਬਾਦ ਨੇ ਫੈਰੀ ਸੋਟੀ ਟੀਮ ਈਵੈਂਟ ’ਚ ਕਾਂਸੀ ਦੇ ਤਗਮੇ ਜਿੱਤੇ। ਸਰਬਜੀਤ ਸਿੰਘ ਯਮੁਨਾਨਗਰ ਨੇ 30 ਸਾਲ ਦੀ ਉਮਰ ਦੇ ਵਿਅਕਤੀਗਤ ਡੈਮੋ ਈਵੈਂਟ ’ਚ ਚਾਂਦੀ ਦਾ ਤਗਮਾ, ਭੁਪਿੰਦਰ ਸਿੰਘ ਫ਼ਤਿਹਾਬਾਦ, ਹਰਬੰਸ ਸਿੰਘ ਫ਼ਤਿਹਾਬਾਦ ਅਤੇ ਸੁਸ਼ੀਲ ਕੁਮਾਰ ਹਾਂਸੀ ਨੇ ਸਿੰਗਲ ਸੋਟੀ ਟੀਮ ਈਵੈਂਟ ’ਚ ਕਾਂਸੀ ਦੇ ਤਗਮੇ ਜਿੱਤੇ। ਮਹਿਲਾ ਵਰਗ ’ਚ ਕੋਮਲ ਸਿਰਸਾ ਨੇ 19 ਸਾਲ ਉਮਰ ਵਰਗ ਵਿਚ ਵਿਅਕਤੀਗਤ ਫ਼ਰੀ ਸੋਟੀ ਮੁਕਾਬਲੇ ’ਚ ਚਾਂਦੀ, 25 ਸਾਲ ਉਮਰ ਵਰਗ ’ਚ ਅਮਨਦੀਪ ਕੌਰ ਸਿਰਸਾ, ਖੁਸ਼ਵਿੰਦਰ ਫ਼ਤਿਹਾਬਾਦ, ਨੇਹਾ ਕਰਨਾਲ, ਪਾਇਲ ਕਰਨਾਲ, ਸਿਮਰਨਜੀਤ ਕੌਰ ਫ਼ਤਿਹਾਬਾਦ ਨੇ ਚਾਂਦੀ ਦੇ ਤਗਮੇ ਜਿੱਤੇ। ਮਹਿਲਾ ਟੀਮ ਦੇ ਡੈਮੋ ਮੁਕਾਬਲੇ ਵਿਚ ਅੰਸ਼ੁਲ ਭਿਵਾਨੀ, ਆਰਤੀ ਕੈਥਲ, ਭਟੇਰੀ ਹਾਂਸੀ, ਹੁਸਨਪ੍ਰੀਤ ਕੌਰ ਫ਼ਤਿਹਾਬਾਦ, ਭਟੇਰੀ ਫ਼ਤਿਹਾਬਾਦ, ਮਨੂ ਹਾਂਸੀ, ਸੀਆ ਡਾਬਰ ਹਾਂਸੀ, ਸੁਮਨ ਨੇ ਕਾਂਸੀ ਦੇ ਤਗਮੇ ਜਿੱਤ ਕੇ ਹਰਿਆਣਾ ਦਾ ਨਾਂਅ ਰੌਸ਼ਨ ਕੀਤਾ। ਸੋਨਾਲੀ ਸਿਰਸਾ ਨੇ 30 ਸਾਲ ਉਮਰ ਵਰਗ ਦੇ ਵਿਅਕਤੀਗਤ ਡੈਮੋ ਮੁਕਾਬਲੇ ਵਿਚ ਕਾਂਸੀ ਦਾ ਤਗਮਾ ਜਿੱਤਿਆ। ਟੀਮ ਦੀ ਅਗਵਾਈ ਗੁਰਜੀਤ ਸਿੰਘ ਰਤੀਆ ਨੇ ਕੀਤੀ। ਤਕਨੀਕੀ ਟੀਮ ਵਿਚ ਬਲਤੇਜ ਸਿੰਘ ਸਿਰਸਾ ਅਤੇ ਗੁਰਧਿਆਨ ਸਿੰਘ ਸ਼ਾਮਲ ਸਨ। ਟੀਮ ਦੇ ਨਾਲ ਡੈਮੋ ਕੋਚ ਪ੍ਰਭਸ਼ਰਨ ਸਿੰਘ ਟੋਹਾਣਾ, ਫਾਈਟ ਕੋਚ ਸੁਖਚੈਨ ਸਿੰਘ ਫ਼ਤਿਹਾਬਾਦ, ਟੀਮ ਮੈਨੇਜਰ ਰਣਜੀਤ ਕੌਰ ਹਿਸਾਰ, ਸਹਾਇਕ ਗੁਰਵੰਸ਼ ਸਿੰਘ ਉਕਲਾਨਾ, ਮੀਡੀਆ ਸਲਾਹਕਾਰ ਅਵੀ ਸਿੰਘ ਫ਼ਤਿਹਾਬਾਦ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ। ਚੇਅਰਮੈਨ ਸਵਰਨ ਸਿੰਘ ਰਤੀਆ ਨੇ ਖਿਡਾਰੀਆਂ, ਕੋਚਾਂ ਅਤੇ ਹਰਿਆਣਾ ਟੀਮ ਦੀ ਪੂਰੀ ਟੀਮ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ ਅਤੇ ਭਵਿੱਖ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ। ਇਸ ਮੌਕੇ ਪ੍ਰਿੰਸੀਪਲ ਜਸਬੀਰ ਕੌਰ, ਮੁੱਖ ਕੋਚ ਸੁਮਿਤ ਕੁਮਾਰ ਜੀਂਦ, ਗਤਕਾ ਕੋਚ ਚੰਦ ਸਿੰਘ ਸੰਗਰੂਰ, ਪ੍ਰੋਫੈਸਰ ਬਨਵਾਰੀ ਲਾਲ ਰਾਜਸਥਾਨ, ਪ੍ਰੋਫੈਸਰ ਅਨੁਜ ਕੁਮਾਰ ਰਾਜਸਥਾਨ, ਕਸ਼ਮੀਰ ਸਿੰਘ ਲਾਲੀ ਆਦਿ ਹਾਜ਼ਰ ਸਨ।
