ਵਰਿਆਣਾ ਡੰਪ 'ਤੇ ਕੂੜਾ ਸੁੱਟਣ ਜਾ ਰਹੀਆਂ ਗੱਡੀਆਂ ਨੂੰ ਲੋਕਾਂ ਨੇ ਧਰਨਾ ਲਗਾ ਕੇ ਰੋਕਿਆ, ਲੱਗਾ ਜਾਮ
ਅਜੀਤ ਡੈਸਕ
04-02-2026
ਉਨ੍ਹਾਂ ਤੋਂ ਬਾਅਦ ਨਗਰ ਨਿਗਮ ਜੁਆਇੰਟ ਕਮਿਸ਼ਨਰ ਸੁਮਨਦੀਪ ਕੌਰ ਵੀ ਪਹੁੰਚੇ | ਉਨ੍ਹਾਂ ਲੋਕਾਂ ਨੂੰ ਭਰੋਸਾ ਦਵਾਇਆ ਕੀ ਜਿਹੜਾ ਸੜਕ ਦੇ ਵਿਚ ਕੂੜਾ ਪਿਆ ਹੈ, ਉਸ ਨੂੰ ਜਲਦੀ ਹੀ ਚੁਕਾਇਆ ਜਾਵੇਗਾ ਤੇ ਸੜਕ ਸਾਫ਼ ਕਰਵਾਈ ਜਾਵੇਗੀ | ਅਧਿਕਾਰੀਆਂ ਵਲੋਂ ਦਿੱਤੇ ਗਏ ਭਰੋਸੇ ਤੋਂ ਬਾਅਦ ਲੋਕਾਂ ਵਲੋਂ ਧਰਨਾ ਖ਼ਤਮ ਕੀਤਾ ਗਿਆ | ਇਸ ਮੌਕੇ ਧਰਮਿੰਦਰ ਮਿਸ਼ਰਾ, ਰਵੀ ਪਟੇਲ, ਕੁੰਦਨ ਸ੍ਰੀਵਾਸਤਵ, ਜਤਿੰਦਰ , ਪ੍ਰਤਾਪ ਹਾਜ਼ਰ ਸਨ | ਲੋਕਾਂ ਦਾ ਕਹਿਣਾ ਸੀ ਕਿ ਜੇਕਰ ਦੁਬਾਰਾ ਸੜਕਾਂ 'ਤੇ ਕੂੜੇ ਦੇ ਢੇਰ ਲੱਗੇ ਤਾਂ ਉਹ ਨਿਗਮ ਦਫ਼ਤਰ ਦਾ ਘਿਰਾਓ ਕਰਨਗੇ |
ਨਿਗਮ ਦੀਆਂ ਨਵੀਆਂ 17 ਗੱਡੀਆਂ ਦੀਆਂ ਬੈਟਰੀਆਂ ਚੋਰੀ, ਕਾਨੂੰਨੀ ਕਾਰਵਾਈ ਕਰਨ ਦੀ ਹਦਾਇਤ
ਜਲੰਧਰ, ਨਗਰ ਨਿਗਮ ਨੇ ਲੰਬੇ ਸਮੇਂ ਤੋਂ ਨਿਗਮ ਦੀ ਪੁਰਾਣੀ ਵਰਕਸ਼ਾਪ ਵਾਲੀ ਜਗ੍ਹਾ ਵਿਚ ਕੂੜਾ ਚੁੱਕਣ ਵਾਲੀਆਂ ਗੱਡੀਆਂ ਖ਼ਰੀਦ ਕੇ ਰੱਖੀਆਂ ਹਨ, ਪਰ ਉਨ੍ਹਾਂ ਦੀ ਵਰਤੋਂ ਨਾ ਕਰਨ ਕਰਕੇ ਉਨ੍ਹਾਂ 17 ਗੱਡੀਆਂ ਦੀਆਂ ਬੈਟਰੀਆਂ ਚੋਰੀ ਹੋ ਗਈਆਂ ਹਨ | ਮੇਅਰ ਵਨੀਤ ਧੀਰ ਨੇ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇਸ ਮਾਮਲੇ ਕੇਸ ਦਰਜ ਕਰਵਾਉਣ ਦੀ ਹਦਾਇਤ ਦਿੱਤੀ ਹੈ | ਨਗਰ ਨਿਗਮ ਵਲੋਂ ਛੋਟੇ ਹਾਥੀ ਜਿਹੜੇ ਕਿ ਸੀ. ਐੱਨ. ਜੀ. ਨਾਲ ਚੱਲਦੇ ਹਨ | ਉਹ ਪੁਰਾਣੀ ਵਰਕਸ਼ਾਪ ਦੀ ਪਾਰਕਿੰਗ ਵਿਚ ਲਾਵਾਰਸ ਖੜੇ ਕੀਤੇ ਹੋਏ ਹਨ | ਉਨ੍ਹਾਂ ਨੂੰ ਡਰਾਈਵਰਾਂ ਨੂੰ ਨਹੀਂ ਦਿੱਤਾ ਗਿਆ ਕਿਉਂਕਿ ਉਨ੍ਹਾਂ ਨੂੰ ਚਲਾਉਣ ਵਾਲਾ ਕੋਈ ਨਹੀਂ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਹੈ ਕਰੋੜਾਂ ਰੁਪਏ ਦੇ ਸਮਾਨ ਨੂੰ ਬਾਹਰ ਧੁੱਪ ਖੜ੍ਹਾ ਕੀਤਾ ਹੋਇਆ ਹੈ ਤੇ ਇਨ੍ਹਾਂ ਦੀ ਦੇਖਰੇਖ ਨਹੀਂ ਕੀਤੀ ਜਾ ਰਹੀ ਹੈ | ਜੇਕਰ ਸੀ. ਐੱਨ. ਜੀ. ਵਾਲੇ ਆਟੋ ਨਹੀਂ ਚਲਾਉਣੇ ਸਨ ਤਾਂ ਇਨ੍ਹਾਂ ਦੀ ਖ਼ਰੀਦ ਕਿਉਂ ਕੀਤੀ | ਪਹਿਲਾਂ ਹੀ ਡੀਜ਼ਲ ਵਾਲੇ ਆਟੋ ਲੈਣੇ ਚਾਹੀਦੇ ਸਨ | ਇਨ੍ਹਾਂ ਗੱਡੀਆਂ ਦੀਆਂ ਬੈਟਰੀਆਂ ਚੋਰੀ ਹੋਣ ਦੀ ਕਾਫ਼ੀ ਚਰਚਾ ਹੋ ਰਹੀ ਹੈ |
