ਮਲਸੀਆਂ, 3 ਫਰਵਰੀ (ਦਲਜੀਤ ਸਿੰਘ ਸਚਦੇਵਾ)-ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਐਡਵੋਕੇਟ ਬਚਿੱਤਰ ਸਿੰਘ ਕੋਹਾੜ ਨੇ ਮਾਝੇ ਦੇ ਜਰਨੈਲ ਵਜੋਂ ਜਾਣੇ ਜਾਂਦੇ ਸ਼੍ਰੋਮਣੀ ਅਕਾਲੀ ਦਲ ਦੇ ਦਿੱਗਜ ਆਗੂ ਤੇ ਸਾਬਕਾ ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੂੰ ਮਾਣਯੋਗ ਸੁਪਰੀਮ ਕੋਰਟ ਵਲੋਂ ਜ਼ਮਾਨਤ ਦੇਣ ਦੇ ਫ਼ੈਸਲੇ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਇਹ ਸੱਚ ਦੀ ਜਿੱਤ ਹੈ ਤੇ 'ਆਪ' ਦੀ ਸਿਆਸੀ ਬਦਲਾਖੋਰੀ ਵੀ ਬੇਨਕਾਬ ਹੋਈ ਹੈ | ਕੋਹਾੜ ਨੇ ਕਿਹਾ ਕਿ ਮਜੀਠੀਆ ਵਲੋਂ ਆਪਣੀ ਬੁਲੰਦ ਆਵਾਜ਼ ਨਾਲ ਸਰਕਾਰ ਦੀਆਂ ਨਾਕਾਮੀਆਂ ਤੇ ਲੋਕ ਮਾਰੂ ਨੀਤੀਆਂ ਉਜਾਗਰ ਕੀਤੀਆਂ ਗਈਆਂ ਸਨ, ਜੋ ਕਿ ਸਰਕਾਰ ਨੂੰ ਬਰਦਾਸ਼ਤ ਨਹੀਂ ਹੋਇਆ | ਸਰਕਾਰ ਵਲੋਂ ਸਿਆਸੀ ਬਦਲਾਖੋਰੀ ਦੀ ਨੀਤੀ ਤਹਿਤ ਮਜੀਠੀਆ ਖ਼ਿਲਾਫ਼ ਆਮਦਨ ਤੋਂ ਵੱਧ ਜਾਇਦਾਦ ਦਾ ਝੂਠਾ ਕੇਸ ਪਾਇਆ ਗਿਆ ਸੀ, ਪਰ ਸਰਕਾਰ ਸੁਪਰੀਮ ਕੋਰਟ ਵਿਚ ਇਸ ਮਾਮਲੇ 'ਚ ਸਬੂਤ ਪੇਸ਼ ਨਹੀਂ ਕਰ ਸਕੀ, ਜਿਸ ਕਾਰਨ ਮਾਣਯੋਗ ਕੋਰਟ ਵਲੋਂ ਜ਼ਮਾਨਤ ਦਿੱਤੀ ਗਈ | ਕੋਹਾੜ ਨੇ ਕਿਹਾ ਕਿ ਮਜੀਠੀਆ ਨੂੰ ਜ਼ਮਾਨਤ ਮਿਲਣ ਕਾਰਨ ਨਿਰਪੱਖ ਨਿਆਂ ਪ੍ਰਣਾਲੀ 'ਤੇ ਭਰੋਸਾ ਹੋਰ ਮਜ਼ਬੂਤ ਹੋਇਆ ਹੈ | ਇਸ ਮੌਕੇ ਜਥੇ: ਕੇਵਲ ਸਿੰਘ ਰੂਪੇਵਾਲੀ, ਤਜਿੰਦਰ ਸਿੰਘ ਰਾਮਪੁਰ, ਜਥੇ: ਬਾਵਾ ਸਿੰਘ ਕੰਗ ਕਲਾਂ, ਜਥੇ: ਚਰਨ ਸਿੰਘ ਸਿੰਧੜ, ਜਥੇ: ਤੇਜਾ ਸਿੰਘ ਮਾਣਕਪੁਰ, ਜਥੇ: ਦਲਜੀਤ ਸਿੰਘ ਕਾਹਲੋਂ, ਜਥੇ: ਬਲਵਿੰਦਰ ਸਿੰਘ ਕੰਗ ਬਿੱਲੀ ਚੁਹਾਰਮੀ, ਸੁਰਜੀਤ ਸਿੰਘ ਨਿਹਾਲੂਵਾਲ, ਹਰਵਿੰਦਰ ਸਿੰਘ ਸਿੱਧੂ ਬਿੱਲੀ ਚਾਓ, ਤਲਵੰਤ ਸਿੰਘ ਤਿੱਲਾ, ਰਾਮ ਸਿੰਘ ਬੱਗਾ, ਬਲਕਾਰ ਸਿੰਘ, ਬਾਬਾ ਜਗਰ ਸਿੰਘ ਪੰਡੋਰੀ, ਅੰਮਿ੍ਤ ਸਿੰਘ ਈਦਾ, ਬਹਾਦਰ ਸਿੰਘ ਔਲਖ 'ਤੇ ਹੋਰਨਾਂ ਨੇ ਮਜੀਠੀਆ ਸੰਬੰਧੀ ਆਏ ਫ਼ੈਸਲੇ 'ਤੇ ਖ਼ੁਸ਼ੀ ਦਾ ਇਜਹਾਰ ਕੀਤਾ ਹੈ |
