ਜਲੰਧਰ

ਟਿੱਪਰ ਤੇ ਟਰੱਕ ਦੀ ਟੱਕਰ 'ਚ ਟਰੱਕ ਚਾਲਕ ਦੀ ਮੌਤ, ਦੋ ਜ਼ਖਮੀ <br/>

ਕਾਲਾ ਬੱਕਰਾ ਨਜ਼ਦੀਕ ਹੋਏ ਸੜਕ ਹਾਦਸੇ ਵਿੱਚ ਬੁਰੀ ਤਰਾਂ ਨੁਕਸਾਨਿਆ ਗਿਆ ਟਿੱਪਰ ਤੇ ਕੈਬਨ ਵਿਚ ਫਸੇ ਚਾਲਕ ਦੇ ਸਾਥੀ ਨੂੰ ਬਾਹਰ ਕੱਢਦੇ ਹੋਏ ਐੱਸ.ਐੱਸ.ਐੱਫ. ਟੀਮ ਦੇ ਕਰਮਚਾਰੀ ਤੇ ਸਥਾਨਕ ਲੋਕ | ਤਸਵੀਰਾਂ - ਹੁਸਨ ਲਾਲ <br/> 04-02-2026

ਕਿਸ਼ਨਗੜ੍ਹ, 3 ਫਰਵਰੀ (ਹੁਸਨ ਲਾਲ)-ਜਲੰਧਰ ਪਠਾਨਕੋਟ ਕੌਮੀ ਸ਼ਾਹ ਮਾਰਗ ਤੇ ਸਥਿਤ ਅੱਡਾ ਕਾਲਾ ਬੱਕਰਾ ਨਜ਼ਦੀਕ ਟਿੱਪਰ ਤੇ ਟਰੱਕ ਦੀ ਟੱਕਰ ਵਿਚ ਇਕ ਵਿਅਕਤੀ ਦੀ ਮੌਤ ਅਤੇ ਦੋ ਦੇ ਜ਼ਖਮੀ ਹੋਣ ਦੀ ਖ਼ਬਰ ਹੈ | ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ ਮੁਦਸਰ ਪੁੱਤਰ ਬਕਸੀਰ ਬਾਬਾ ਵਾਸੀ ਜੰਮੂ ਕਸ਼ਮੀਰ ਆਪਣੇ ਟਰੱਕ ਵਿਚ ਸਮਾਨ ਲੋਡ ਕਰਕੇ ਜੰਮੂ ਤੋਂ ਜਲੰਧਰ ਵੱਲ ਨੂੰ ਜਾ ਰਿਹਾ ਸੀ ਜਦ ਉਹ ਅੱਡਾ ਕਾਲਾ ਬੱਕਰਾ ਨਜ਼ਦੀਕ ਪਹੁੰਚਿਆ ਤਾਂ ਉਸ ਦੇ ਟਰੱਕ ਦਾ ਟਾਇਰ ਹਾਈਵੇ ਤੇ ਹੀ ਪੈਂਚਰ ਹੋ ਗਿਆ ਤੇ ਉਹ ਆਪਣੇ ਟਰੱਕ ਦਾ ਟਾਇਰ ਬਦਲਣ ਲਈ ਜੈੱਕ ਲਗਾ ਰਿਹਾ ਸੀ ਤਾਂ ਭੋਗਪੁਰ ਵੱਲੋਂ ਆ ਰਿਹਾ ਇਕ ਬਜਰੀ ਨਾਲ ਭਰਿਆ ਟਿੱਪਰ ਉਸ ਦੇ ਟਰੱਕ ਪਿੱਛੇ ਜੋਰ ਨਾਲ ਟਕਰਾ ਗਿਆ ਟੱਕਰ ਤੋਂ ਬਾਅਦ ਮੁਦਸਰ ਦੇ ਟਰੱਕ ਦਾ ਟਾਇਰ ਹੀ ਉਸ ਉੱਤੋਂ ਦੀ ਲੰਘ ਗਿਆ, ਜਿਸ ਦੀ ਮੌਕੇ ਤੇ ਹੀ ਮੌਤ ਹੋ ਗਈ | ਟੱਕਰ ਇੰਨੀ ਭਿਆਨਕ ਸੀ ਕਿ ਟਿਪਰ ਦਾ ਕੈਬਨ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਜਿਸ ਵਿਚ ਡਰਾਈਵਰ ਬਖਸ਼ੀਸ਼ ਸਿੰਘ ਪੁੱਤਰ ਗਗਨਦੀਪ ਸਿੰਘ ਵਾਸੀ ਪਿੰਡ ਬੁੱਢਾਬੜ ਮੁਕੇਰੀਆਂ ਤੇ ਉਸ ਦਾ ਸਾਥੀ ਗੰਭੀਰ ਰੂਪ ਵਿੱਚ ਜਖਮੀ ਹੋ ਗਏ ਜਿਨ੍ਹਾਂ ਨੂੰ ਐੱਸ. ਐੱਸ. ਐੱਫ. ਦੀ ਟੀਮ ਵੱਲੋਂ ਸਥਾਨਕ ਲੋਕਾਂ ਦੀ ਮਦਦ ਨਾਲ ਬਾਹਰ ਕੱਢ ਕੇ ਨਜ਼ਦੀਕੀ ਹਸਪਤਾਲ ਵਿਖੇ ਇਲਾਜ ਲਈ ਪਹੁੰਚਾਇਆ ਗਿਆ | ਜਿੱਥੇ ਟਿੱਪਰ ਡਰਾਈਵਰ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ | ਐੱਸ.ਐੱਸ. ਐੱਫ. ਦੀ ਟੀਮ ਵਲੋਂ ਦੋਵੇਂ ਵਾਹਨਾਂ ਨੂੰ ਸਾਈਡ ਤੇ ਕਰਵਾ ਕੇ ਆਵਾਜਾਈ ਨੂੰ ਸੁਚਾਰੂ ਢੰਗ ਨਾਲ ਚਾਲੂ ਕਰਵਾਇਆ ਗਿਆ ਸੀ |

ਪਿਛਲੀ ਖ਼ਬਰ ਪਾਕਿ ਸਰਕਾਰ ਨੇ ਬਲੋਚ ਵਿਦਰੋਹੀਆਂ ਨਾਲ ਗੱਲਬਾਤ ਤੋਂ ਕੀਤਾ ਇਨਕਾਰ ਅਗਲੀ ਖ਼ਬਰ ਮਜੀਠੀਆ ਨੂੰ ਜ਼ਮਾਨਤ ਮਿਲਣ ਨਾਲ 'ਆਪ' ਦੀ ਸਿਆਸੀ ਬਦਲਾਖੋਰੀ ਬੇਨਕਾਬ ਹੋਈ- ਐਡ: ਕੋਹਾੜ

ਟਿੱਪਰ ਤੇ ਟਰੱਕ ਦੀ ਟੱਕਰ 'ਚ ਟਰੱਕ ਚਾਲਕ ਦੀ ਮੌਤ, ਦੋ ਜ਼ਖਮੀ <br/>

ਸੰਬੰਧਿਤ ਖ਼ਬਰਾਂ