ਜਲੰਧਰ

ਇੰਨੋਸੈਂਟ ਹਾਰਟਸ 'ਚ ਫੁੱਲਾਂ ਤੇ ਕੁਦਰਤੀ ਰੰਗਾ ਨਾਲ ਮਨਾਇਆ ਹੋਲੀ ਦਾ ਤਿਉਹਾਰ <br/>

ਅ

ਅਜੀਤ ਡੈਸਕ 04-03-2026

ਜਲੰਧਰ, 3 ਮਾਰਚ (ਪਵਨ ਖਰਬੰਦਾ)-ਇੰਨੋਸੈਂਟ ਹਾਰਟਸਪ੍ਰੀ-ਪ੍ਰਾਈਮਰੀ ਸਕੂਲ (ਗ੍ਰੀਨ ਮਾਡਲ ਟਾਊਨ, ਲੋਹਾਰਾਂ, ਕੈਂਟ-ਜੰਡਿਆਲਾ ਰੋਡ, ਨੂਰਪੁਰ ਰੋਡ 'ਤੇ ਕਪੂਰਥਲਾ ਰੋਡ) ਦੇ ਨੰਨੇ੍ਹ-ਮੁੰਨੇ ਬੱਚਿਆਂ ਤੇ ਇੰਨੋਸੈਂਟ ਹਾਰਟਸ ਕਾਲਜ ਆਫ਼ ਐਜੂਕੇਸ਼ਨ ਦੇ ਵਿਦਿਆਰਥੀ-ਅਧਿਆਪਕਾਂ ਨੇ ਉਤਸ਼ਾਹ ਤੇ ਖ਼ੁਸ਼ੀ ਨਾਲ ਆਰਗੈਨਿਕ ਹੌਲੀ ਮਨਾਈ | ਪ੍ਰੀ-ਪ੍ਰਾਈਮਰੀ ਸਕੂਲ ਵਿਚ ਛੋਟੇ-ਛੋਟੇ ਬੱਚਿਆਂ ਨੇ ਵਾਤਾਵਰਨ-ਮਿੱਤਰ ਤਰੀਕੇ ਨਾਲ ਫੁੱਲਾਂ ਤੇ ਰੰਗ-ਬਿਰੰਗੇ ਕਾਗ਼ਜ਼ਾਂ ਨਾਲ ਹੌਲੀ ਦਾ ਅਨੰਦ ਲਿਆ | ਸਫ਼ੈਦ ਪਹਿਰਾਵੇ ਵਿਚ ਸਜੇ ਨੰਨੇ੍ਹ ਬੱਚੇ ਆਪਣੇ ਅਧਿਆਪਕਾਂ ਨਾਲ ਤਿਲਕ ਹੌਲੀ ਅਤੇ ਪੇਪਰ ਹੌਲੀ ਖੇਡਦੇ ਹੋਏ ਬਹੁਤ ਖੁਸ਼ ਦਿਖਾਈ ਦਿੱਤੇ | ਦੂਜੇ ਪਾਸ ਇੰਨੋਸੈਂਟ ਹਾਰਟਸ ਕਾਲਜ ਆਫ਼ ਐਜੂਕੇਸ਼ਨ ਦੇ ਵਿਦਿਆਰਥੀ-ਅਧਿਆਪਕਾਂ ਨੇ 'ਇਕ ਭਾਰਤ ਸੇ੍ਰਸ਼ਠ ਭਾਰਤ' ਕਾਰਜਕ੍ਰਮ ਦੀ ਭਾਵਨਾ ਅਧੀਨ ਇਸ ਰੰਗਾਂ ਦੇ ਤਿਉਹਾਰ ਨੂੰ ਮਨਾਇਆ ਅਤੇ ਇਹ ਸੰਦੇਸ਼ ਦਿੱਤਾ ਕਿ ਹੌਲੀ ਪ੍ਰੇਮ, ਏਕਤਾ ਤੇ ਆਪਸੀ ਸਾਂਝ ਦਾ ਪ੍ਰਤੀਕ ਹੈ | ਇਸ ਮੌਕੇ 'ਕੁਦਰਤੀ ਅਤੇ ਵਾਤਾਵਰਨ-ਮਿੱਤਰ ਰੰਗ ਤਿਆਰ ਕਰਨ ਦਾ ਮੁਕਾਬਲਾ ਕਰਵਾਇਆ ਗਿਆ, ਜਿਸ ਵਿਚ ਵਿਦਿਆਰਥੀਆਂ ਨੇ ਫੁੱਲਾਂ ਅਤੇ ਸਬਜ਼ੀਆਂ ਦੀ ਵਰਤੋਂ ਕਰਕੇ ਰਚਨਾਤਮਿਕ ਢੰਗ ਨਾਲ ਸੁੰਦਰ ਰੰਗ ਤਿਆਰ ਕੀਤੇ | ਕਾਰਜਕ੍ਰਮ ਦਾ ਸਮਾਪਨ ਵਿਦਿਆਰਥੀ-ਅਧਿਆਪਕਾਂ ਵਲੋਂ ਫੁੱਲਾਂ ਤੇ ਜੈਵਿਕ ਰੰਗਾਂ ਨਾਲ ਹੋਲੀ ਮਨਾਉਂਦੇ ਹੋਏ ਕੀਤਾ, ਜਿਸ ਨਾਲ ਸਾਂਝ, ਏਕਤਾ ਤੇ ਵਾਤਾਵਰਨ ਪ੍ਰਤੀ ਜਾਗਰੂਕ ਜੀਵਨ ਦੇ ਮੁੱਲਾਂ ਨੂੰ ਹੋਰ ਮਜ਼ਬੂਤੀ ਮਿਲੀ |