ਜਲੰਧਰ, 8 ਮਈ (ਸ਼ਿਵ)-ਵਾਰਡ ਨੰਬਰ 37 ਦੀ ਕਾਂਗਰਸੀ ਦੀ ਕੌਂਸਲਰ ਸ੍ਰੀਮਤੀ ਸਰਬਜੀਤ ਕੌਰ ਦੀ ਅਗਵਾਈ ਵਿਚ ਅੱਜ ਇਕ ਵਫ਼ਦ ਨੇ ਮੇਅਰ ਵਨੀਤ ਧੀਰ ਨੂੰ ਮੰਗ ਪੱਤਰ ਦੇ ਕੇ 66 ਫੁੱਟੀ ਰੋਡ ਵਾਈਟ ਡਾਇਮੰਡ ਦੇ ਨੇੜੇ ਚੌਕ ਬਣਵਾਉਣ ਅਤੇ ਇਸ ਦਾ ਨਾਮ ਸੰਤ ਬਾਬਾ ਮੁਰਾਲੇ ਵਾਲੇ ਮਾਰਗ ਰੱਖਣ ਦੀ ਮੰਗ ਕੀਤੀ ਗਈ | ਇਸ ਮੌਕੇ ਬਾਬਾ ਮੱਖਣ ਸ਼ਾਹ ਲੁਬਾਣਾ ਸੁਸਾਇਟੀ ਰਜਿ. ਦੇ ਆਗੂ ਵੀ ਮੌਜੂਦ ਸਨ, ਜਿਨਾਂ ਵਿਚ ਯੂਥ ਆਗੂ ਹਰਲਗਨ ਸਿੰਘ, ਪ੍ਰਧਾਨ ਮੋਹਿੰਦਰ ਸਿੰਘ, ਅਵਤਾਰ ਸਿੰਘ, ਇੰਜ. ਪਰਮਿੰਦਰਜੀਤ ਸਿੰਘ, ਡਾ. ਕਰਨੈਲ ਸਿੰਘ, ਇੰਸਪੈਕਟਰ ਭੁਪਿੰਦਰ ਸਿੰਘ, ਪ੍ਰਤਾਪ ਸਿੰਘ ਹਾਜਰ ਸਨ | ਮੇਅਰ ਵਨੀਤ ਧੀਰ ਨੇ ਵਫ਼ਦ ਨੂੰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਇਸ ਮੰਗ ਨੂੰ ਪਹਿਲ ਦੇ ਆਧਾਰ 'ਤੇ ਪੂਰਾ ਕਰਵਾਇਆ ਜਾਵੇਗਾ ਤਾਂ ਜੋ ਇਸ ਨਾਲ ਲੋਕਾਂ ਦੀ ਮੰਗ ਪੂਰੀ ਹੋ ਸਕੇ |
