ਜਲੰਧਰ, 10 ਮਈ (ਪਵਨ ਖਰਬੰਦਾ)-ਪੁਲਿਸ ਡੀ.ਏ.ਵੀ. ਪਬਲਿਕ ਸਕੂਲ ਜਲੰਧਰ ਵਿਖੇ ਮਾਂ ਦਿਵਸ ਬਹੁਤ ਉਤਸ਼ਾਹ ਨਾਲ ਮਨਾਇਆ ਗਿਆ | ਪਿ੍ੰਸੀਪਲ ਡਾ. ਰਸ਼ਮੀ ਵਿਜ ਨੇ ਆਪਣੀ ਸ਼ਾਨਦਾਰ ਮੌਜੂਦਗੀ ਨਾਲ ਇਸ ਮੌਕੇ ਨੂੰ ਹੋਰ ਵੀ ਖਾਸ ਬਣਾਇਆ | ਪ੍ਰੋਗਰਾਮ ਦੀ ਸ਼ੁਰੂਆਤ ਸਿੰਫਨੀ ਕਲੱਬ ਵਲੋਂ ਇੱਕ ਸੰਗੀਤਕ ਪ੍ਰਦਰਸ਼ਨ ਨਾਲ ਹੋਈ | ਤੇਜਸਵੀ ਹਾਊਸ ਵਲੋਂ ਇੱਕ ਛੋਟੇ ਨਾਟਕ ਅਤੇ ਨਾਚ ਪ੍ਰਦਰਸ਼ਨ ਨੇ ਸਾਡੇ ਜੀਵਨ ਵਿੱਚ ਮਾਵਾਂ ਦੀ ਮਹੱਤਵਪੂਰਨ ਭੂਮਿਕਾ ਅਤੇ ਉਨ੍ਹਾਂ ਪ੍ਰਤੀ ਸ਼ੁਕਰਗੁਜ਼ਾਰ ਹੋਣ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ | ਵਿਦਿਆਰਥੀਆਂ ਨੇ ਸੁਪਰਵਾਈਜ਼ਰ ਅਮਿਤਾ ਰਾਠੌਰ, ਸੋਨੀਆ ਕੁਕਰੇਜਾ ਅਤੇ ਉਰਵਸ਼ੀ ਅਰੋੜਾ ਦੀ ਅਗਵਾਈ ਹੇਠ ਕਰਵਾਈ ਗਈ ਇਸ ਗਤੀਵਿਧੀ ਵਿੱਚ ਉਤਸ਼ਾਹ ਨਾਲ ਹਿੱਸਾ ਲਿਆ | ਮਾਂ ਦਿਵਸ ਮੌਕੇ ਦੂਸਰੀ ਤੋਂ ਪੰਜਵੀਂ ਜਮਾਤ ਦੇ ਬੱਚਿਆਂ ਦੀਆਂ ਮਾਵਾਂ ਲਈ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਕੀਤਾ ਗਿਆ | ਜਿਊਰੀ ਵਿੱਚ ਕੁਲਵੰਤ ਕੌਰ, ਸੁਰੂਚੀ ਸ਼ਰਮਾ, ਸੋਨੂ ਕਪੂਰ ਅਤੇ ਜਸਪ੍ਰੀਤ ਸ਼ਾਹੀ ਸ਼ਾਮਿਲ ਸਨ | ਦੂਸਰੀ ਜਮਾਤ ਤੋਂ ਪੰਜਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਮਾਂ ਦਿਵਸ ਨੂੰ ਸਮਰਪਿਤ ਗੀਤਾਂ 'ਤੇ ਸੁੰਦਰ ਨਾਚ ਪੇਸ਼ ਕੀਤੇ | ਕਵਿਤਾ ਲੇਖਣ 'ਚ ਭਾਨੂ ਪਿ੍ਆ ਨੇ ਪਹਿਲਾ ਸਥਾਨ, ਨੇਹਾ ਢੀਂਗਰਾ ਨੇ ਦੂਸਰਾ ਅਤੇ ਪਰਮਜੀਤ ਕੁਮਾਰੀ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ | ਕਾਰਡ ਮੇਕਿੰਗ 'ਚ ਮੇਘਾ ਚੌਹਾਨ ਅਤੇ ਨੇਹਾ ਨੇ ਪਹਿਲਾ ਸਥਾਨ, ਅਲਪੀ ਅਤੇ ਜੋਤੀ ਨੇ ਦੂਸਰਾ ਅਤੇ ਸਾਕਸ਼ੀ ਅਤੇ ਅਰੀਨਾ ਵਰਮਾ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ | ਫੁੱਲਾਂ ਦੀ ਵਿਵਸਥਾ 'ਚ ਮੇਘਾ ਚੌਹਾਨ ਨੇ ਪਹਿਲਾ ਸਥਾਨ, ਰੀਤਾ ਨਾਇਰ ਨੇ ਦੂਸਰਾ ਅਤੇ ਪਰਮਜੀਤ ਕੁਮਾਰੀ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ | ਨੋ-ਫਾਇਰ ਕੁਕਿੰਗ 'ਚ ਇਸ਼ਮੀਤ ਕੌਰ ਅਤੇ ਰੁਚਿਕਾ ਗੁਪਤਾ ਨੇ ਪਹਿਲਾ, ਪਦਮਾ ਅਤੇ ਜਸਪ੍ਰੀਤ ਕੌਰ ਨੇ ਦੂਸਰਾ ਅਤੇ ਦਲਜੀਤ ਕੌਰ ਅਤੇ ਰਜਨੀ ਢੱਲ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ | ਮਾਡਲਿੰਗ ਸ਼੍ਰੇਣੀ ਵਿੱਚ ਸਵਾਤੀ ਮਦਨ ਨੂੰ 'ਬੈਸਟ ਐਲੀਗੈਂਟ ਮੰਮੀ', ਚੇਤਨਾ ਨੂੰ 'ਮੋਸਟ ਕਾਨਫੀਡੈਂਟ ਮੰਮੀ', ਇਸ਼ਮੀਤ ਨੂੰ 'ਮੋਸਟ ਟੈਲੇਂਟੇਡ ਮੰਮੀ', ਪੂਜਾ ਸਾਂਵਾਲ ਨੂੰ 'ਮੋਸਟ ਚਾਰਮਿੰਗ ਸਮਾਈਲ' ਦਾ ਖਿਤਾਬ ਅਤੇ ਸਰਿਤਾ ਅਤੇ ਨਿਧੀ ਨੂੰ 'ਬੈਸਟ ਡਰੈੱਸਡ ਮੰਮੀ' ਦਾ ਖਿਤਾਬ ਦਿੱਤਾ ਗਿਆ | ਪ੍ਰੋਗਰਾਮ ਦੇ ਅੰਤ ਵਿੱਚ ਪਿ੍ੰਸੀਪਲ ਡਾ. ਰਸ਼ਮੀ ਵਿਜ ਨੇ ਸਾਰੇ ਭਾਗੀਦਾਰਾਂ ਦਾ ਧੰਨਵਾਦ ਕੀਤਾ ਅਤੇ ਦਿਨ ਨੂੰ ਖਾਸ ਬਣਾਉਣ ਲਈ ਉਨ੍ਹਾਂ ਦੀ ਪ੍ਰਸ਼ੰਸਾ ਕੀਤੀ |
