ਜਲੰਧਰ

ਲਾਂਬੜਾ ਤੋਂ ਜਲੰਧਰ ਰੋਡ ’ਤੇ ਬਿਨਾਂ ਨੰਬਰੀ ਵਾਹਨਾਂ ਦੀ ਭਰਮਾਰ, ਲੋਕਾਂ ਨੇ ਕੀਤੀ ਕਾਰਵਾਈ ਦੀ ਮੰਗ

ਅ

ਅਜੀਤ ਡੈਸਕ 20-06-2026

ਲਾਬੜਾ 19 ਜੂਨ (ਗੁਰਮੇਲ ਸਿੰਘ) ਲਾਂਬੜਾ ਤੋਂ ਜਲੰਧਰ ਰੋਡ ਤੇ ਬਿਨਾਂ ਨੰਬਰ ਪਲੇਟਾਂ ਵਾਲੇ ਵਾਹਨਾਂ ਦੀ ਆਵਾਜਾਈ ਲਗਾਤਾਰ ਵੱਧ ਰਹੀ ਹੈ। ਜਿਸ ਕਾਰਨ ਆਮ ਲੋਕਾਂ ਵਿੱਚ ਚਿੰਤਾ ਪਾਈ ਜਾ ਰਹੀ ਹੈ ਇਲਾਕਾ ਵਾਸੀਆਂ ਦਾ ਕਹਿਣਾ ਹੈ ਕਿ ਟਰੈਫਿਕ ਪੁਲਿਸ ਵੱਲੋਂ ਆਮ ਅਤੇ ਗਰੀਬ ਲੋਕਾਂ ਦੇ ਤਾਂ ਮੋਟੇ -ਮੋਟੇ ਚਲਾਨ ਕੱਟੇ ਜਾ ਰਹੇ ਹਨ, ਪਰ ਬਿਨਾਂ ਨੰਬਰ ਵਾਹਨ ਬੇਖੌਫ ਸੜਕਾਂ ਤੇ ਘੁੰਮ ਰਹੇ ਹਨ। ਲੋਕਾਂ ਦਾ ਦੋਸ਼ ਹੈ ਕਿ ਕਈ ਵਾਹਨ ਨਾ ਸਿਰਫ ਬਿਨਾਂ ਨੰਬਰ ਪਲੇਟਾਂ ਤੇ ਚੱਲ ਰਹੇ ਹਨ ਸਗੋਂ ਕੁਝ ਵਾਨਾਂ ਦੇ ਕਾਗਜ਼ਾਤ ਵੀ ਸ਼ੱਕ ਦੇ ਘੇਰੇ ਵਿੱਚ ਹਨ, ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਵਾਹਨ ਪੁਲਿਸ ਨਾਕਿਆ ਤੋਂ ਵੀ ਬਿਨਾਂ ਕਿਸੇ ਰੋਕ ਟੋਕ ਦੇ ਲੰਘ ਜਾਂਦੇ ਹਨ ।ਇਲਾਕਾ ਨਿਵਾਸੀਆਂ ਨੇ ਜਿਲਾ ਪ੍ਰਸ਼ਾਸਨ ਅਤੇ ਟਰੈਫਿਕ ਪੁਲਿਸ ਤੋਂ ਮੰਗ ਕੀਤੀ ਹੈ ਕਿ ਬਿਨਾਂ ਨੰਬਰੀ ਵਾਹਨ ਖਿਲਾਫ ਵਿਸ਼ੇਸ਼ ਮੁਹਿੰਮ ਚਲਾ ਕੇ ਸਖਤ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਸੜਕ ਸੁਰੱਖਿਆ ਸਬੰਧੀ ਕਾਨੂੰਨ ਬਣਾਇਆ ਜਾਵੇ ਕਾਨੂੰਨ ਸਭ ਲਈ ਇੱਕ ਸਾਰ ਲਾਗੂ ਹੋਵੇ। ਇਹੋ ਜਿਹੇ ਬਿਨਾਂ ਨੰਬਰੀ ਵਾਹਨ ਜਿਆਦਾਤਰ ਵੱਧ ਰਹੀਆਂ ਵਾਰਦਾਤਾਂ ਵਿਚ ਵੀ ਵੱਡਾ ਰੋਲ ਕਰਦੇ ਹਨ ਪ੍ਰਸ਼ਾਸਨ ਨੂੰ ਇਸ ਵੱਲ ਖਾਸ ਧਿਆਨ ਦੇਣ ਦੀ ਲੋੜ ਹੈ ਤਾਂ ਜੋ ਹਲਕੇ ਵਿੱਚ ਵੱਧ ਰਹੀਆਂ ਵਾਰਦਾਤਾਂ ਨੂੰ ਰੋਕਿਆ ਜਾ ਸਕੇ।