ਮਾਮਲਾ ਮਹਿਲਾ ਤੋਂ ਸੋਨੇ ਦੀ ਚੇਨੀ ਲੁੱਟਣ ਦਾ
ਲੁਟੇਰਿਆਂ ਨੂੰ ਕਾਬੂ ਕਰਨ ਲਈ ਕਾਰਵਾਈ ਜਾਰੀ - ਜਾਂਚ ਅਧਿਕਾਰੀ
ਚੁਗਿੱਟੀ/ ਜੰਡੂ ਸਿੰਘਾ,10 ਅਗਸਤ ( ਨਰਿੰਦਰ ਲਾਗੂ) ਬੀਤੇ ਕੱਲ੍ਹ ਥਾਣਾ ਰਾਮਾ ਮੰਡੀ ਅਧੀਨ ਆਉਂਦੇ ਕਿਸ਼ਨਪੁਰਾ ਚੌਂਕ ਦੇ ਨਜ਼ਦੀਕ ਮੋਟਰਸਾਈਕਲ ਸਵਾਰ ਨਕਾਬਪੋਸ਼ ਲੁਟੇਰਿਆਂ ਵਲੋਂ ਇੱਕ ਮਹਿਲਾ ਤੋਂ ਉਸਦੀ ਸੋਨੇ ਦੀ ਚੈਨ ਲੁੱਟਣ ਦੇ ਮਾਮਲੇ ਵਿਚ ਗੁਨਾਹਗਾਰਾਂ ਦੀ ਗ੍ਰਿਫਤਾਰੀ ਲਈ ਪੁਲਿਸ ਵੱਲੋਂ ਕਾਰਵਾਈ ਕੀਤੀ ਜਾ ਰਹੀ ਹੈ। ਇਹ ਜਾਣਕਾਰੀ ਗੱਲਬਾਤ ਦੌਰਾਨ ਜਾਂਚ ਅਧਿਕਾਰੀ ਏ.
ਚੁਗਿੱਟੀ/ ਜੰਡੂ ਸਿੰਘਾ,10 ਅਗਸਤ ( ਨਰਿੰਦਰ ਲਾਗੂ) ਬੀਤੇ ਕੱਲ੍ਹ ਥਾਣਾ ਰਾਮਾ ਮੰਡੀ ਅਧੀਨ ਆਉਂਦੇ ਕਿਸ਼ਨਪੁਰਾ ਚੌਂਕ ਦੇ ਨਜ਼ਦੀਕ ਮੋਟਰਸਾਈਕਲ ਸਵਾਰ ਨਕਾਬਪੋਸ਼ ਲੁਟੇਰਿਆਂ ਵਲੋਂ ਇੱਕ ਮਹਿਲਾ ਤੋਂ ਉਸਦੀ ਸੋਨੇ ਦੀ ਚੈਨ ਲੁੱਟਣ ਦੇ ਮਾਮਲੇ ਵਿਚ ਗੁਨਾਹਗਾਰਾਂ ਦੀ ਗ੍ਰਿਫਤਾਰੀ ਲਈ ਪੁਲਿਸ ਵੱਲੋਂ ਕਾਰਵਾਈ ਕੀਤੀ ਜਾ ਰਹੀ ਹੈ। ਇਹ ਜਾਣਕਾਰੀ ਗੱਲਬਾਤ ਦੌਰਾਨ ਜਾਂਚ ਅਧਿਕਾਰੀ ਏ.ਐਸ.ਆਈ.ਸੇਵਾ ਸਿੰਘ ਵਲੋਂ ਦਿੱਤੀ ਗਈ। ਵਰਣਨਯੋਗ ਹੈ ਕਿ ਕੋਮਲ ਨਾਮਕ ਇੱਕ ਮਹਿਲਾ ਜੋ ਕਿ ਆਪਣੇ ਪਤੀ ਨਾਲ ਬਾਬਾ ਬਾਲਕ ਨਾਥ ਮੰਦਿਰ ਕਿਸ਼ਨਪੁਰਾ ਚੌਂਕ ਵਿਖੇ ਮੱਥਾ ਟੇਕਣ ਗਈ ਸੀ ਜਦੋਂ ਉਹ ਘਰ ਵਾਪਸੀ ਦੌਰਾਨ ਗੁਰਦੁਆਰਾ ਵਾਲੀ ਗਲੀ ਹਰਦੀਪ ਨਗਰ ਦੇ ਲਾਗੇ ਪਹੁੰਚੇ ਤਾਂ ਚਿੱਟੇ ਰੰਗ ਦੇ ਮੋਟਰਸਾਈਕਲ ‘ਤੇ ਸਵਾਰ ਨਕਾਬਪੋਸ਼ 2 ਲੁਟੇਰਿਆਂ ਨੇ ਆਪਣਾ ਮੋਟਰਸਾਈਕਲ ਉਨ੍ਹਾਂ ਦੇ ਪਿਛੇ ਲਗਾ ਲਿਆ। ਉਨ੍ਹਾਂ ਚੌ ਇੱਕ ਨੇ ਉਕਤ ਮਹਿਲਾ ਨੂੰ ਪਿਸਤੌਲ ਵਰਗਾ ਕੋਈ ਹਥਿਆਰ ਦਿਖਾਕੇ ਉਸ ਨੂੰ ਡਰਾਉਂਦੇ ਹੋਏ ਔਰਤ ਦੇ ਗਲ਼ੇ ਵਿੱਚ ਪਾਈ ਹੋਈ ਸੋਨੇ ਦੀ ਚੈਨ ਉਤਾਰ ਲਈ ਤੇ ਮੌਕੇ ਤੋਂ ਫ਼ਰਾਰ ਹੋ ਗਏ। ਜਿਸ ਤੋਂ ਬਾਅਦ ਪੀੜਤਾ ਵਲੋਂ ਥਾਣਾ ਰਾਮਾ ਮੰਡੀ ਦੀ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਵੱਲੋਂ ਮਾਮਲਾ ਦਰਜ ਕਰ ਕੇ ਦੋਸ਼ੀਆਂ ਨੂੰ ਫੜਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
