ਅਸਮਿਤਾ ਖੋ -ਖੋ ਸਿਟੀ ਟੂਰਨਾਮੈਂਟ ਜਲੰਧਰ ਵਿਖੇ 21 ਨੂੰ

ਜਲੰਧਰ, 17 ਸਤੰਬਰ (ਡਾ ਜਤਿੰਦਰ ਸਾਬੀ)-ਸਪੋਰਟਸ ਅਥਾਰਟੀ ਆਫ ਇੰਡੀਆ ਵਲੋਂ ਖੇਲੋ ਇੰਡੀਆ ਬੈਨਰ ਹੇਠ ਅਸਮਿਤਾ ਖੋ-ਖੋ ਸਿਟੀ ਟੂਰਨਾਮੈਂਟ ਲੜਕੀਆਂ ਤੇ ਔਰਤਾਂ ਦੇ ਮੁਕਾਬਲੇ ਔਰਤਾਂ ਦੀ ਬੇਹਤਰੀ ਤੇ ਤਰੱਕੀ ਲਈ ਅਤੇ ਉਨ੍ਹਾਂ ਨੂੰ ਸਮਾਜ ਵਿੱਚ ਸੁਤੰਤਰ, ਮਜਬੂਤ ਤੇ ਆਤਮ ਨਿਰਭਰ ਬਣਾਉਣ ਲਈ ਪੂਰੇ ਭਾਰਤ ਦੇਸ਼ ਵਿੱਚ ਕਰਵਾਏ ਜਾ ਰਹੇ ਹਨ। ਇਸੇ ਲੜੀ ਅਧੀਨ ਪੰਜਾਬ ਖੋ-ਖੋ ਐਸੋਸੀਏਸ਼ਨ ਵਲੋਂ ਪ੍ਰਾਪਤ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜਲੰਧਰ ਜਿਲਾ ਖੋ-ਖੋ ਐਸੋਸੀਏਸ਼ਨ ਵੀ ਲੜਕੀਆਂ ਤੇ ਔਰਤਾਂ ਦਾ ਜੂਨੀਅਰ (ਅੰਡਰ 18 ਸਾਲ) ਅਤੇ ਸੀਨੀਅਰ ਉਮਰ ਵਰਗਾਂ ਵਿੱਚ ਇੱਕ ਦਿਨਾਂ ਅਸਮਿਤਾ ਖੋ-ਖੋ ਸਿਟੀ ਟੂਰਨਾਮੈਂਟ ਮਿਤੀ 21 ਸਤੰਬਰ ਨੂੰ ਸੈਂਟ ਜੋਸਫ ਸਕੂਲ ਸੂਰਾਨੂਸੀ ਵਿਖੇ ਕਰਵਾਉਣ ਜਾ ਰਹੀ ਹੈ।