ਦਾਦਾ ਕਾਲੋਨੀ ਦਾ ਹਸਪਤਾਲ ਸ਼ੁਰੂ ਨਹੀਂ ਕਰਵਾ ਸਕੇ ਕਾਂਗਰਸੀ ਵਿਧਾਇਕ- ਭੰਡਾਰੀ
ਜਲੰਧਰ , 10 ਅਕਤੂਬਰ ( ਸ਼ਿਵ )- ਵਿਧਾਇਕ ਬਾਵਾ ਹੈਨਰੀ ਵਲੋਂ ਅੱਜ ਜਲੰਧਰ ਦੇ ਸਿਵਲ ਹਸਪਤਾਲ ਪਹੁੰਚਣ ’ ਤੇ ਪੰਜਾਬ ਸਰਕਾਰ ਦੇ ਸਾਬਕਾ ਮੁੱਖ ਸੰਸਦੀ ਸਕੱਤਰ ਅਤੇ ਜਲੰਧਰ ਉੱਤਰੀ ਦੇ ਸਾਬਕਾ ਵਿਧਾਇਕ ਕੇ . ਡੀ .
ਜਲੰਧਰ , 10 ਅਕਤੂਬਰ ( ਸ਼ਿਵ )- ਵਿਧਾਇਕ ਬਾਵਾ ਹੈਨਰੀ ਵਲੋਂ ਅੱਜ ਜਲੰਧਰ ਦੇ ਸਿਵਲ ਹਸਪਤਾਲ ਪਹੁੰਚਣ ’ ਤੇ ਪੰਜਾਬ ਸਰਕਾਰ ਦੇ ਸਾਬਕਾ ਮੁੱਖ ਸੰਸਦੀ ਸਕੱਤਰ ਅਤੇ ਜਲੰਧਰ ਉੱਤਰੀ ਦੇ ਸਾਬਕਾ ਵਿਧਾਇਕ ਕੇ . ਡੀ . ਭੰਡਾਰੀ ਨੇ ਉਨ੍ਹਾਂ ’ ਤੇ ਸਵਾਲ ਚੁੱਕੇ ਹਨ । ਭੰਡਾਰੀ ਨੇ ਕਿਹਾ ਕਿ ਚੋਣਾਂ ਨੇੜੇ ਆਉਂਦਿਆਂ ਹੀ ਵਿਧਾਇਕ ਨੂੰ ਇਸ ਤਰ੍ਹਾਂ ਦੀਆਂ ਸਰਗਰਮੀਆਂ ਕਿਉਂ ਯਾਦ ਆਉਣ ਲੱਗਦੀਆਂ ਹਨ । ਕੇ . ਡੀ . ਭੰਡਾਰੀ ਨੇ ਆਪਣਾ ਇਕ ਜਾਰੀ ਬਿਆਨ ਵਿਚ ਕਿਹਾ ਹੈ ਕਿ ਕਿਹਾ ਕਿ ਜਲੰਧਰ ਉੱਤਰੀ ਹਲਕੇ ਦੀ ਦਾਦਾ ਕਾਲੋਨੀ ਵਿਚ ਲੋਕਾਂ ਨੂੰ ਸਿਹਤ ਸਹੂਲਤਾਂ ਦੇਣ ਲਈ ਹਸਪਤਾਲ ਦੀ ਇਮਾਰਤ ਦਾ ਨਿਰਮਾਣ ਸਾਲ 2016 ਵਿਚ ਭਾਜਪਾ - ਅਕਾਲੀ ਦਲ ਸਰਕਾਰ ਦੇ ਕਾਰਜਕਾਲ ਦੌਰਾਨ ਮੁਕੰਮਲ ਹੋ ਗਿਆ ਸੀ । ਉਨ੍ਹਾਂ ਅਨੁਸਾਰ ਸਾਲ 2017 ਵਿੱਚ ਵਿਧਾਇਕ ਬਣਨ ਤੋਂ ਬਾਅਦ ਬਾਵਾ ਹੈਨਰੀ ਨੇ ਇਸ ਦਾ ਸਿਰਫ਼ ਉਦਘਾਟਨ ਕੀਤਾ ਸੀ । ਭੰਡਾਰੀ ਨੇ ਦਾਅਵਾ ਕੀਤਾ ਕਿ ਉਸ ਸਮੇਂ 30 ਬਿਸਤਰਿਆਂ ਵਾਲੇ ਇਸ ਹਸਪਤਾਲ ਵਿਚ ਦੋ ਆਪ੍ਰੇਸ਼ਨ ਥੀਏਟਰ ਵੀ ਬਣਾਏ ਗਏ ਸਨ , ਪਰ ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਇਸ ਨੂੰ ਹਸਪਤਾਲ ਤੋਂ ਡਿਸਪੈਂਸਰੀ ਵਿੱਚ ਤਬਦੀਲ ਕਰ ਦਿੱਤਾ ਗਿਆ । ਕਾਂਗਰਸ ਵਿਧਾਇਕ ਸਾਡੇ ਨੌ ਸਾਲ ਬਾਅਦ ਵੀ ਇਹ ਹਸਪਤਾਲ ਸ਼ੁਰੂ ਨਹੀਂ ਕਰਵਾ ਸਕੇ ।
