ਸ੍ਰੀ ਮੁਕਤਸਰ ਸਾਹਿਬ, 9 ਅਪ੍ਰੈਲ (ਹਰਮਹਿੰਦਰ ਪਾਲ)-ਪੰਜਾਬ ਰਾਜ ਦਿਹਾਤੀ ਆਜੀਵਕਾ ਮਿਸ਼ਨ ਦੇ ਜ਼ਿਲ੍ਹਾ ਪ੍ਰੋਗਰਾਮ ਮੈਨੇਜਰ ਰਮਣੀਕ ਸ਼ਰਮਾ ਦੀ ਜਗ੍ਹਾ 'ਤੇ ਸੁਖਵਿੰਦਰ ਸਿੰਘ ਚੱਠਾ ਜੋ ਕਿ ਆਪਣੀਆਂ ਸੇਵਾਵਾਂ ਬਠਿੰਡਾ ਵਿਖੇ ਨਿਭਾਅ ਰਹੇ ਹਨ, ਨੂੰ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ | ਅੱਜ ਉਨ੍ਹਾਂ ਸਥਾਨਕ ਦਫ਼ਤਰ ਵਧੀਕ ਡਿਪਟੀ ਕਮਿਸ਼ਨਰ ਵਿਖੇ ਆਪਣਾ ਅਹੁਦਾ ਸੰਭਾਲਿਆ | ਇਸ ਮੌਕੇ ਸੰਕਲਪ ਐਜੂਕੇਸ਼ਨਲ ਵੈੱਲਫ਼ੇਅਰ ਸੁਸਾਇਟੀ (ਰਜਿ.) ਦੇ ਪ੍ਰਧਾਨ ਨਰਿੰਦਰ ਸਿੰਘ ਸੰਧੂ ਨੇ ਉਨ੍ਹਾਂ ਨਾਲ ਮਿਲਣੀ ਕਰਦਿਆਂ ਸਵਾਗਤ ਕੀਤਾ | ਸ. ਸੰਧੂ ਨੇ ਦੱਸਿਆ ਕਿ ਸੁਖਵਿੰਦਰ ਸਿੰਘ ਚੱਠਾ ਨੌਕਰੀ ਤੋਂ ਪਹਿਲਾਂ ਨੈਸ਼ਨਲ ਪੱਧਰ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਸਫ਼ਲਤਾਪੂਰਵਕ ਚਲਾ ਚੁੱਕੇ ਹਨ | ਇਸ ਮੌਕੇ ਭਵਕੀਰਤ ਸਿੰਘ ਸੰਧੂ, ਸ਼ਿਵਰਾਜ ਸਿੰਘ ਬੀ.ਪੀ.ਐੱਮ. ਤੇ ਜੋਨੀ ਕੁਮਾਰ ਐੱਮ.ਆਈ.ਐੱਸ. ਮੌਜੂਦ ਸਨ |
