ਮਲੋਟ, 1 ਜੂਨ (ਪਾਟਿਲ)-ਮਲੋਟ ਸ਼ਹਿਰ ਦੇ ਝਾਂਬ ਗੈਸਟ ਹਾਊਸ ਵਿਖੇ ਯੂਥ ਕਾਂਗਰਸ ਦੀ ਵਿਸ਼ੇਸ਼ ਮੀਟਿੰਗ ਹੋਈ | ਇਸ ਮੀਟਿੰਗ ਵਿਚ ਵਿਸ਼ੇਸ਼ ਤੌਰ 'ਤੇ ਆਜ਼ਾਦ ਬਹਾਦੁਰ (ਜ਼ੋਨਲ ਰਿਟਰਨਿੰਗ ਅਧਿਕਾਰੀ) ਯੂਥ ਕਾਂਗਰਸ ਇਲੈਕਸ਼ਨ ਅਥਾਰਟੀ ਵਜੋਂ ਪਹੁੰਚੇ | ਇਸ ਮੌਕੇ ਯੂਥ ਕਾਂਗਰਸ ਦੀ ਮੀਟਿੰਗ ਬਲਾਕ ਮਲੋਟ ਸ਼ਹਿਰੀ ਦੇ ਪ੍ਰਧਾਨ ਸ਼ਿਵ ਕੁਮਾਰ ਸ਼ਿਵਾ ਦੀ ਰਹਿਨੁਮਾਈ ਹੇਠ ਹੋਈ | ਸ਼ਿਵ ਕੁਮਾਰ ਸ਼ਿਵਾ ਨੇ ਦੱਸਿਆ ਕਿ ਅੱਜ ਹਾਈਕਮਾਂਡ ਵਲੋਂ ਯੂਥ ਕਾਂਗਰਸ ਦੇ ਇਲੈਕਸ਼ਨ ਦੇ ਸੰਬੰਧ ਵਿਚ ਜ਼ੋਨਲ ਰਿਟਰਨਿੰਗ ਅਧਿਕਾਰੀ ਨੇ ਕਿਹਾ ਹੈ ਕਿ 3 ਤਾਰੀਕ ਤੱਕ ਜੋ ਉਮੀਦਵਾਰ ਚੋਣਾਂ ਵਿਚ ਹਿੱਸਾ ਲੈ ਰਹੇ ਹਨ, ਉਹ ਵੋਟਾਂ ਦੀ ਸੋਧ ਕਰਵਾ ਸਕਦੇ ਹਨ | ਉਨ੍ਹਾਂ ਕਿਹਾ ਕਿ ਵੋਟਾਂ ਦੀ ਸੋਧ ਤੋਂ ਬਾਅਦ ਇਸ ਮਹੀਨੇ ਦੇ ਆਖ਼ਰ ਤੱਕ ਉਮੀਦਵਾਰਾਂ ਦੀ ਜਿੱਤ ਦਾ ਫ਼ੈਸਲਾ ਆ ਜਾਵੇਗਾ | ਇਸ ਮੌਕੇ ਜ਼ਿਲ੍ਹਾ ਯੂਥ ਪ੍ਰਧਾਨ ਮਲਕੀਤ ਸਿੰਘ, ਅਰਮਾਨ ਭੁੱਲਰ, ਅਮਰਿੰਦਰ ਸਿੰਘ ਬੀਨੀ ਮਾਨ, ਨਵਦੀਪ ਸਿੰਘ, ਮਾਨਵ ਭੁੱਲਰ, ਅਨਮੋਲ ਸੰਧੂ, ਹਰਕੀਰਤ ਸਿੰਘ (ਹਲਕਾ ਸ੍ਰੀ ਮੁਕਤਸਰ ਸਾਹਿਬ) ਤੋਂ ਯੂਥ ਆਗੂ ਹਾਜ਼ਰ ਸਨ |
