ਮਾਨਸਾ, 6 ਅਪ੍ਰੈਲ (ਸੱਭਿ.ਪ੍ਰਤੀ)- ਸਥਾਨਕ ਜੈ ਮਾਂ ਮੰਦਰ ਵਿਖੇ ਭਗਤ ਮਾਲਾ ਦੀ ਕਥਾ ਦੀ ਸ਼ੁਰੂਆਤ ਕੀਤੀ ਗਈ | ਪਹਿਲੇ ਦਿਨ ਸ੍ਰੀ ਸੁਧੀਰ ਕੁਮਾਰ ਜੀ ਰਾਜਪੂਰੇ ਵਾਲਿਆਂ ਨੇ ਕਥਾ ਸੁਣਾਉਂਦਿਆਂ ਦੱਸਿਆ ਕਿ ਭਗਤ ਮਾਲਾ ਦੀ ਕਥਾ ਸੁਣਨ ਨਾਲ ਕਸ਼ਟ ਦੂਰ ਹੁੰਦੇ ਹਨ | ਉਨ੍ਹਾਂ ਕਿਹਾ ਕਿ ਸ਼ਰਧਾਲੂਆਂ ਨੂੰ ਆਪਣੇ ਜੀਵਨ 'ਚ ਵਰਿੰਦਾਵਨ ਧਾਮ ਜ਼ਰੂਰ ਜਾਣਾ ਚਾਹੀਦਾ ਹੈ ਕਿਉਂਕਿ ਧਾਮ ਜਾ ਕੇ ਸਭ ਕਸ਼ਟ ਦੂਰ ਹੋ ਜਾਂਦੇ ਹਨ | ਜੋਤੀ ਪ੍ਰਚੰਡ ਦੀ ਰਸਮ ਅੰਮਿ੍ਤਪਾਲ ਮਿੱਤਲ ਵਲੋਂ ਨਿਭਾਈ ਗਈ ਅਤੇ ਪੰਡਿਤ ਨਵਰਾਜ ਸ਼ਾਸਤਰੀ ਨੇ ਵਿਧੀ ਅਨੁਸਾਰ ਪੂਜਾ ਕਰਵਾਈ | ਬਿੰਦਰਪਾਲ ਗਰਗ ਨੇ ਦੱਸਿਆ ਕਿ ਇਹ ਕਥਾ 6 ਤੋਂ 12 ਅਪ੍ਰੈਲ ਤੱਕ ਹੋਵੇਗੀ | ਇਸ ਮੌਕੇ ਰਾਜ ਕੁਮਾਰ ਮਿੱਤਲ, ਕਿ੍ਸ਼ਨ ਮਦਾਨ, ਵਿਨੋਦ ਕੁਮਾਰ ਬਾਂਸਲ, ਰਜੀਵ ਕੁਮਾਰ, ਨਿਤਿਨ ਖੁੰਗਰ, ਭਗਵਾਨ ਦਾਸ, ਵਿਜੇ ਕੁਮਾਰ, ਅਭਿਸ਼ੇਕ ਜੈਨ, ਕਿ੍ਸ਼ਨ ਕੁਮਾਰ, ਕਿ੍ਸ਼ਨ ਲਾਲ, ਨਿਸ਼ਾ ਹੰਸ ਆਦਿ ਹਾਜ਼ਰ ਸਨ |
