ਫਗਵਾੜਾ, 24 ਜਨਵਰੀ (ਅਸ਼ੋਕ ਕੁਮਾਰ ਵਾਲੀਆ)-ਥਾਣਾ ਰਾਵਲਪਿੰਡੀ ਪੁਲਿਸ ਨੇ ਨਸ਼ੇ ਦਾ ਸੇਵਨ ਕਰਨ ਵਾਲੇ ਤਿੰਨ ਨੌਜਵਾਨਾਂ ਤੇ ਐਨ.ਡੀ.ਐਸ. ਐਕਟ ਤਹਿਤ ਪਰਚਾ ਦਰਜ ਕੀਤਾ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਹੌਲਦਾਰ ਵਿਜੈ ਮੱਲ ਨੇ ਦੱਸਿਆ ਕਿ ਪੁਲਿਸ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਇੰਦਰਜੀਤ ਮਾਹੀ ਪੁੱਤਰ ਗੁਰਮੁਖ ਰਾਮ ਵਾਸੀ ਰਾਵਲਪਿੰਡੀ, ਰਣਜੀਤ ਕੁਮਾਰ ਮਾਹੀ ਪੁੱਤਰ ਸੁਰਿੰਦਰ ਕੁਮਾਰ ਰਾਵਲਪਿੰਡੀ, ਗਗਨਦੀਪ ਪੁੱਤਰ ਹੰਸ ਰਾਜ ਵਾਸੀ ਰਾਣੀਪੁਰ ਕੰਬੋਆਂ ਜੋ ਪਿੰਡ ਰਾਮਗੜ੍ਹ ਜਾਂਦੇ ਰਾਹ 'ਤੇ ਬਣੀ ਬੇ-ਆਬਾਦ ਮੋਟਰ ਦੇ ਕਮਰੇ ਵਿਚ ਨਸ਼ੇ ਦੇ ਧੰੂਏਾ ਦਾ ਸੇਵਨ ਕਰ ਰਹੇ ਸਨ | ਪੁਲਿਸ ਨੇ ਮੌਕੇ 'ਤੇ ਕਾਬੂ ਕਰ ਇਨ੍ਹਾਂ ਨੌਜਵਾਨਾਂ ਕੋਲ ਇੱਕ ਸਿਲਵਰ ਪੇਪਰ ਜਿਸ ਉੱਪਰ ਹੈਰੋਇਨ ਲੱਗੀ ਹੋਈ, ਇੱਕ ਲਾਈਟਰ ਤੇ ਦੱਸ ਰੁਪਏ ਦਾ ਨੋਟ ਪਾਈਪ ਨੁਮਾ ਬਰਾਮਦ ਕੀਤਾ ਗਿਆ |
