ਕਪੂਰਥਲਾ, 24 ਜਨਵਰੀ (ਸਡਾਨਾ)- ਵੰਦੇ ਮਾਤਰਮ ਰਾਸ਼ਟਰੀ ਗੀਤ ਦੇ 150 ਸਾਲ ਪੂਰੇ ਹੋਣ ਸਬੰਧੀ ਰੇਲਵੇ ਸੁਰੱਖਿਆ ਫੋਰਸ ਆਰ.ਸੀ.ਐਫ. ਵਲੋਂ ਇਕ ਸਾਈਕਲ ਰੈਲੀ ਕੱਢੀ ਗਈ ਜਿਸ ਦੀ ਅਗਵਾਈ ਆਈ.ਜੀ. ਰੇਨੂੰ ਪੀ. ਛਿੱਬਰ ਨੇ ਕੀਤੀ | ਇਹ ਸਾਈਕਲ ਰੈਲੀ ਰੇਲ ਕੋਚ ਫ਼ੈਕਟਰੀ ਵਰਕਸ਼ਾਪ ਤੋਂ ਸ਼ੁਰੂ ਹੋ ਕੇ ਵੱਖ-ਵੱਖ ਇਲਾਕਿਆਂ ਵਿਚੋਂ ਹੁੰਦੀ ਹੋਈ ਵਾਪਸ ਵਰਕਸ਼ਾਪ ਨੇੜੇ ਪਹੁੰਚ ਕੇ ਸਮਾਪਤ ਹੋਈ | ਇਸ ਮੌਕੇ ਏ.ਐਸ.ਸੀ. ਸਤੀਸ਼ ਕੁਮਾਰ, ਅਰਜੁਨ, ਨਿਰੀਖਕ ਮੁਹੰਮਦ ਆਰੀਫ, ਕੇ.ਪੀ. ਸਿੰਘ ਤੇ ਰੇਲਵੇ ਸੁਰੱਖਿਆ ਫੋਰਸ ਦੇ ਜਵਾਨ ਹਾਜ਼ਰ ਸਨ |
