ਸੁਭਾਨਪੁਰ, 5 ਫ਼ਰਵਰੀ (ਸਤਨਾਮ ਸਿੰਘ)-ਡਾਇਰੈਕਟੋਰੇਟ ਆਰਯੂਵੇਦਾ ਪੰਜਾਬ ਤੇ ਜ਼ਿਲ੍ਹਾ ਆਯੁਰਵੈਦਿਕ ਡਾ: ਕੁਸਮ ਗੁਪਤਾ ਦੀ ਅਗਵਾਈ ਹੇਠ ਸੁਭਾਨਪੁਰ ਦੇ ਗੁਰਦੁਆਰਾ ਸਾਹਿਬ ਵਿਖੇ ਮੁਫ਼ਤ ਕੈਂਪ ਲਗਾਇਆ ਗਿਆ | ਕੈਂਪ ਦਾ ਉਦਘਾਟਨ ਡਾ: ਕੁਸਮ ਗੁਪਤਾ ਤੇ ਪਿੰਡ ਦੇ ਮੋਹਤਬਰ ਵਿਅਕਤੀਆਂ ਨੇ ਕੀਤਾ | ਇਸ ਮੌਕੇ ਕੈਂਪ ਦੌਰਾਨ ਡਾ: ਰੁਪਿੰਦਰ ਕੌਰ ਨੇ ਦੱਸਿਆ ਕਿ ਇਸ ਆਯੁਰਵੈਦਿਕ ਤੇ ਹੋਮਿਓਪੈਥਿਕ ਮੁਫ਼ਤ ਕੈਂਪ ਵਿਚ ਜਿਵੇਂ ਬੁਖ਼ਾਰ ਖਾਂਸੀ, ਪੇਟ ਰੋਗ, ਜੋੜਾਂ ਦੇ ਦਰਦ, ਸ਼ੂਗਰ, ਮਹਿਲਾ ਰੋਗ, ਬੀ.ਪੀ, ਕੰਨਾ ਤੇ ਅੱਖਾਂ ਦੀਆਂ ਬਿਮਾਰੀਆਂ ਦੇ ਇਲਾਜ ਸੰਬੰਧੀ ਮਰੀਜ਼ਾਂ ਚੈੱਕਅਪ ਕੀਤਾ | ਉਨ੍ਹਾਂ ਨੂੰ ਦਵਾਈਆਂ ਵੀ ਮੁਫ਼ਤ ਦਿੱਤੀਆਂ ਗਈਆਂ | ਇਸ ਮੌਕੇ ਕੈਂਪ ਵਿਚ ਆਯੁਰਵੈਦ ਸੰਬੰਧੀ 469 ਮਰੀਜ਼ ਤੇ ਹੋਮਿਓਪੈਥੀ ਸਬੰਧੀ 315 ਮਰੀਜ਼ਾਂ ਨੇ ਲਾਹਾ ਲਿਆ | ਇਸ ਮੌਕੇ ਡਾ: ਕੁਸਮ ਗੁਪਤਾ ਨੇ ਹਾਜ਼ਰ ਲੋਕਾਂ ਨੂੰ ਆਯੁਰਵੈਦਿਕ ਤੇ ਹੋਮਿਓਪੈਥਿਕ ਪ੍ਰਣਾਲੀ ਰਾਹੀਂ ਇਲਾਜ ਕਰਾਉਣ ਦੀ ਅਪੀਲ ਕੀਤੀ | ਉਨਾਂ ਕਿਹਾ ਕਿ ਇਹਨਾਂ ਦਵਾਈਆਂ ਨਾਲ ਮਰੀਜ਼ਾਂ ਨੂੰ ਕੋਈ ਵੀ ਸਾਈਡ ਇਫੈਕਟ ਨਹੀਂ ਹੁੰਦਾ | ਇਸ ਮੌਕੇ ਡਾ: ਰੁਪਿੰਦਰ ਕੌਰ, ਡਾ; ਰੇਖਾ, ਡਾ: ਜੇਯੂਰ ਰਹਿਮਾਨ, ਡਾ: ਤਰਲੋਕ ਵਿਰਦੀ, ਡਾ: ਮਨਪ੍ਰੀਤ ਕੌਰ.ਡਾ: ਰੇਸ਼ਮ ਸਿੰਘ, ਸਰੀਤਾ ਰਾਣੀ, ਮਾਲਤੀ, ਅਜੇ ਕੁਮਾਰ, ਸ਼ੇਰ ਸਿੰਘ ਆਦਿ ਹਾਜ਼ਰ ਸਨ |