ਫਗਵਾੜਾ, 10 ਮਾਰਚ (ਹਰਜੋਤ ਸਿੰਘ ਚਾਨਾ)-ਪੰਜਾਬ ਸਰਕਾਰ ਵਲੋਂ ਸ਼ੁਰੂ ਕੀਤੀ ਗਈ ਮੁੱਖ ਮੰਤਰੀ ਸਿਹਤ ਯੋਜਨਾ ਤਹਿਤ ਲੋਕਾਂ ਨੂੰ ਸਹੂਲਤ ਦੇਣ ਲਈ ਕਾਰਡ ਬਣਾਉਣ ਦਾ ਕੰਮ ਤਹਿਸੀਲ ਕੰਪਲੈਕਸ 'ਚ ਬਣੇ ਸੁਵਿਧਾ ਕੇਂਦਰ 'ਚ ਸ਼ੁਰੂ ਕਰ ਦਿੱਤਾ ਹੈ | ਜਾਣਕਾਰੀ ਦਿੰਦਿਆਂ ਐਸ. ਡੀ. ਐਮ. ਰਣਦੀਪ ਸਿੰਘ ਹੀਰ ਨੇ ਦੱਸਿਆ ਕਿ ਇਸ ਕਾਰਡ ਨਾਲ ਹਰ ਵਿਅਕਤੀ 10 ਲੱਖ ਰੁਪਏ ਦਾ ਇਲਾਜ ਕਰਵਾ ਸਕਦਾ ਹੈ | ਇਸ ਦੌਰਾਨ ਉਨ੍ਹਾਂ ਅਧਿਕਾਰੀਆਂ ਨਾਲ ਮੀਟਿੰਗ ਵੀ ਕੀਤੀ | ਉਨ੍ਹਾਂ ਕਿਹਾ ਕਿ ਇਸ ਕੇਂਦਰ 'ਚ ਕਾਰਡ ਬਣਾਉਣ ਦਾ ਕੰਮ ਐਤਵਾਰ ਤੱਕ ਜਾਰੀ ਰਹੇਗਾ | ਇਸੇ ਦੌਰਾਨ ਆਮ ਆਦਮੀ ਪਾਰਟੀ ਦੇ 28 ਨੰਬਰ ਵਾਰਡ ਦੇ ਪ੍ਰਧਾਨ ਸੁਖਦੇਵ ਸਿੰਘ ਲੱਲ ਦੀ ਅਗਵਾਈ ਹੇਠ ਵੀ ਅਰਬਨ ਅਸਟੇਟ ਵਿਖੇ ਕੈਂਪ ਲਗਾਇਆ, ਜਿਸ 'ਚ 95 ਕਾਰਡ ਬਣਾਏ ਗਏ ਇਸ ਮੌਕੇ ਕੁਲਵੰਤ ਸਿੰਘ ਭਿੰਡਰ, ਭੁਪਿੰਦਰ ਸਿੰਘ ਪਾਂਬਲਾ, ਰਜਿੰਦਰ ਸਿੰਘ ਚੌਹਾਨ, ਜਗਦੀਸ਼ ਸਿੰਘ ਵਿਰਦੀ ਸ਼ਾਮਿਲ ਸਨ |
