ਫਗਵਾੜਾ, 12 ਅਪ੍ਰੈਲ (ਅਸ਼ੋਕ ਕੁਮਾਰ ਵਾਲੀਆ)-ਸ਼ੋ੍ਰਮਣੀ ਅਕਾਲੀ ਦਲ ਪੁਨਰ ਸੁਰਜੀਤ ਵਲੋਂ ਦੁਆਬੇ ਦੀ ਜਰਨੈਲ ਬੀਬੀ ਜਗੀਰ ਕੌਰ ਨੂੰ ਇਸਤਰੀ ਵਿੰਗ ਦਾ ਸੂਬਾਈ ਪ੍ਰਧਾਨ ਬਣਾਉਣ ਤੇ ਗਿਆਨੀ ਹਰਪ੍ਰੀਤ ਸਿੰਘ ਨੇ ਦੁਆਬੇ ਨੂੰ ਬਹੁਤ ਵੱਡਾ ਮਾਣ ਦਿੱਤਾ | ਇਸ ਸੰਬੰਧੀ ਜਤਿੰਦਰਪਾਲ ਸਿੰਘ ਪਲਾਹੀ, ਗੁਰਮੁਖ ਸਿੰਘ, ਜਸਵੀਰ ਸਿੰਘ ਭੁੱਲਾਰਾਈ, ਸਰਬਜੀਤ ਸਿੰਘ ਚਾਨਾ, ਇੰਦਰਜੀਤ ਸਿੰਘ ਬਸਰਾ, ਪਤਵਿੰਦਰ ਸਿੰਘ ਛਾਬੜਾ ਤੇ ਹੋਰਨਾਂ ਨੇ ਆਖਿਆ ਕਿ ਬੀਬੀ ਜਗੀਰ ਕੌਰ ਇਕ ਬੇਦਾਗ ਸ਼ਖ਼ਸੀਅਤ ਹਨ ਤੇ ਲੰਬੇ ਸਮੇਂ ਸਿਆਸਤ ਨਾਲ ਜੁੜੇ ਹੋਏ ਹਨ ਉਨ੍ਹਾਂ ਨੂੰ ਮਾਣ ਦੇਣਾ ਦੁਆਬੇ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ | ਉਨ੍ਹਾਂ ਨੇ ਇਹ ਵੀ ਆਖਿਆ ਬੀਬੀ ਜਗੀਰ ਕੌਰ ਨੂੰ ਪ੍ਰਧਾਨ ਬਣਾ ਕੇ ਸ਼ੋ੍ਰਮਣੀ ਅਕਾਲੀ ਦਲ ਪੁਨਰ ਸੁਰਜੀਤ ਨੇ ਦੁਆਬੇ ਦਾ ਮਾਣ ਵਧਾਇਆ ਅਤੇ ਬਾਕੀ ਸਾਰੀਆਂ ਰਾਜਨੀਤੀ ਪਾਰਟੀਆਂ ਦੁਆਬੇ ਨੂੰ ਅਣਗੌਲਿਆ ਕਰੀ ਜਾਂਦੀਆਂ ਹਨ | ਇਸ ਮੌਕੇ ਚਾਚਾ ਸਤੀਸ਼ ਪ੍ਰਭਾਕਾਰ, ਨਾਜ਼ਰ ਸਿੰਘ ਨਸੀਰਾਬਾਦ, ਕੈਪਟਨ ਸੋਹਨ ਸਿੰਘ, ਬਿੱਟੂ ਵਾਲੀਆ, ਜਗਜੀਤ ਸਿੰਘ, ਸੰਨੀ ਚਾਨਾ, ਲਖਵੀਰ ਸਿੰਘ, ਕੁਲਦੀਪ ਸਿੰਘ ਆਦਿ ਹਾਜ਼ਰ ਸਨ |
