ਨਡਾਲਾ, 23 ਅਪ੍ਰੈਲ (ਰਘਬਿੰਦਰ ਸਿੰਘ)-ਸਰਕਾਰੀ ਐਲੀਮੈਂਟਰੀ ਸਕੂਲ ਦੇ ਹੋਣਹਾਰ ਅਧਿਆਪਕ ਕੰਵਲਜੀਤ ਸਿੰਘ ਨੰਗਲ ਲੁਬਾਣਾ ਦੀਆਂ ਅਣਥੱਕ ਯਤਨਾਂ ਸਦਕਾ ਪਿੰਡ ਮਕਸੂਦਪੁਰ ਦੇ ਅਮਰੀਕ ਸਿੰਘ, ਉਨ੍ਹਾਂ ਦੀ ਪਤਨੀ ਕਮਲਜੀਤ ਕੌਰ, ਬੇਟਾ ਸਰਬਜੀਤ ਸਿੰਘ ਕੈਨੇਡਾ, ਨੂੰ ਹ ਅਮਨਦੀਪ ਕੌਰ ਦੁਆਰਾ ਸਰਕਾਰੀ ਐਲੀਮੈਂਟਰੀ ਸਕੂਲ ਮਕਸੂਦਪੁਰ 'ਚ ਪੜ੍ਹਦੇ ਸਮੂਹ ਵਿਦਿਆਰਥੀਆਂ ਨੂੰ ਕਾਪੀਆਂ, ਬੈਗ, ਪੈੱਨ ਪੈਨਸਿਲ ਤੇ ਹੋਰ ਲੋੜੀਂਦੀ ਸਟੇਸ਼ਨਰੀ ਭੇਟ ਕੀਤੀ ਗਈ | ਇਸ ਸੰਬੰਧੀ ਅਧਿਆਪਕ ਕੰਵਲਜੀਤ ਸਿੰਘ ਨੰਗਲ ਲੁਬਾਣਾ ਨੇ ਦੱਸਿਆ ਕਿ ਉਪਰੋਕਤ ਤੋਂ ਇਲਾਵਾ ਸਤਨਾਮ ਸਿੰਘ ਤੇ ਉਨ੍ਹਾਂ ਦਾ ਪਰਿਵਾਰ ਲਗਾਤਾਰ ਇਸ ਸਕੂਲ ਲਈ ਹਮੇਸ਼ਾ ਸਮਰਪਿਤ ਰਹਿੰਦਾ ਹੈ | ਜਦ ਵੀ ਸਕੂਲ ਦੀ ਕੋਈ ਵਸਤੂ ਖ਼ਰਾਬ ਹੋਵੇ, ਉਹ ਤੁਰੰਤ ਨਵੀਂ ਭੇਜ ਦਿੰਦੇ ਹਨ | ਮਾਸਟਰ ਕਵਲਜੀਤ ਸਿੰਘ ਨੰਗਲ ਵਲੋਂ ਪੂਰੇ ਪਰਿਵਾਰ ਦਾ ਪੂਰੇ ਨਗਰ ਦੇ ਦਾਨੀ ਸੱਜਣਾਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਹੈੱਡ ਟੀਚਰ ਹਰਦੀਪ ਕੌਰ, ਕੰਵਲਜੀਤ ਸਿੰਘ, ਮੁਨੀਸ਼ ਦੱਤ, ਅਮਨਦੀਪ ਕੌਰ ਅਮਨਦੀਪ ਕੌਰ, ਆਸਮੀਨ, ਮਨਜੀਤ ਸਿੰਘ, ਗੁਰਵਿੰਦਰ ਸਿੰਘ ਤੂਰ ਪ੍ਰਧਾਨ ਕਿਸਾਨ ਯੂਨੀਅਨ ਹਾਜ਼ਰ ਸਨ |
