ਫਗਵਾੜਾ, 28 ਅਪੈ੍ਰਲ (ਹਰਜੋਤ ਸਿੰਘ ਚਾਨਾ)-ਇਥੋਂ ਦੇ ਜੀ. ਟੀ. ਰੋਡ 'ਤੇ ਸਥਿਤ ਇਕ ਰਿਸੋਰਟ 'ਚੋਂ ਸਾਮਾਨ ਚੋਰੀ ਹੋਣ ਦੇ ਸੰਬੰਧ 'ਚ ਸਤਨਾਮਪੁਰਾ ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤਕਰਤਾ ਕੁਲਵਿੰਦਰ ਲਾਲ ਪੁੱਤਰ ਰੇਸ਼ਮ ਲਾਲ ਵਾਸੀ ਗੋਹਾਵਰ ਨੇ ਦੱਸਿਆ ਕਿ ਉਹ ਕੋਨਿਕਾ ਰਿਸੋਰਟ 'ਚ ਬਤੌਰ ਸੁਪਰਵਾਈਜ਼ਰ ਡਿਊਟੀ ਕਰਦਾ ਹੈ | 21 ਅਪੈ੍ਰਲ ਨੂੰ ਸਮਾਗਮ ਤੋਂ ਬਾਅਦ ਉਹ ਰਿਸੋਰਟ ਤੋਂ ਘਰ ਨੂੰ ਚੱਲੇ ਗਏ ਸੀ ਬਾਅਦ 'ਚ ਚੌਕੀਦਾਰ ਬਾਹਰੋਂ ਹੀ ਦੇਖਭਾਲ ਕਰਦੇ ਹਨ ਤੇ ਅੰਦਰ ਨਹੀਂ ਜਾ ਸਕਦੇ ਤੇ ਰਿਸੋਰਟ ਨਾਲ ਲੱਗੀ ਚਾਰਦੀਵਾਰੀ 'ਚ ਕਾਫ਼ੀ ਸਾਮਾਨ ਪਿਆ ਸੀ ਜੋ ਸਮਾਗਮ ਲਈ ਵਰਤਿਆ ਜਾਂਦਾ ਹੈ ਉਸ ਜਗ੍ਹਾ ਕੋਈ ਵਿਅਕਤੀ ਗੱਡੀ ਅੰਦਰ ਲੈ ਕੇ ਆਏ ਤੇ 30 ਲੋਹੇ ਦੇ ਬੀਮ, 10 ਲੋਹੇ ਦੇ ਪਿੱਲਰ, 40 ਲੋਹੇ ਦੇ ਟੇਬਲ ਚੋਰੀ ਕਰਕੇ ਲੈ ਗਏ | ਜਿਸ ਸੰਬੰਧ 'ਚ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
