ਫਗਵਾੜਾ, 5 ਮਈ (ਹਰਜੋਤ ਸਿੰਘ ਚਾਨਾ)-ਇੱਕ ਵਿਅਕਤੀ ਪਾਸੋਂ ਕਾਰ ਤੇ ਉਸਦਾ ਸਾਮਾਨ ਖੋਹ ਕੇ ਲੈ ਜਾਣ ਦੇ ਸਬੰਧ 'ਚ ਸਦਰ ਪੁਲਿਸ ਨੇ ਦੋ ਵਿਅਕਤੀਆਂ ਖ਼ਿਲਾਫ਼ ਧਾਰਾ 304 ਬੀਐੱਨਐੱਸ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਯੁਵਰਾਜ ਧੁੰਨਾ ਪੁੱਤਰ ਸ਼ਾਮ ਸੁੰਦਰ ਵਾਸੀ ਪੰਚਾਇਤ ਘਰ ਮਾਹਿਲਪੁਰ ਨੇ ਪੁਲਿਸ ਨੂੰ ਦਿੱਤੀ ਜਾਣਕਾਰੀ 'ਚ ਦੱਸਿਆ ਕਿ ਉਹ ਆਪਣੀ ਹਾਂਡਾ ਸਿਟੀ ਕਾਰ 'ਚ ਫਗਵਾੜਾ ਆ ਰਿਹਾ ਸੀ ਤਾਂ ਇੱਕ ਸਵਿਫ਼ਟ ਕਾਰ ਜਿਸਦੀਆਂ ਨੰਬਰ ਪਲੇਟਾਂ ਨਹੀਂ ਸਨ ਉਸਨੇ ਆ ਕੇ ਗੱਡੀ ਉਸਦੇ ਅੱਗੇ ਲਗਾ ਲਈ ਤੇ ਉਸ 'ਚੋਂ ਇੱਕ ਲੜਕਾ ਉਤਰਿਆ ਤੇ ਉਸਨੂੰ ਜਬਰੀ ਗੱਡੀ 'ਚੋਂ ਉਤਾਰ ਕੇ ਉਸਦੀ ਗੱਡੀ ਖੋਹ ਕੇ ਲੈ ਗਏ | ਜਿਸ 'ਚ ਉਸਦਾ ਮੋਬਾਈਲ ਤੇ ਪਰਸ ਵੀ ਸੀ | ਜਿਸ ਸਬੰਧ 'ਚ ਪੁਲਿਸ ਨੇ ਗਗਨਦੀਪ ਸਿੰਘ ਗੁਰਾਇਆ ਪੁੱਤਰ ਰਣਜੀਤ ਸਿੰਘ ਵਾਸੀ ਟੋਡਰਵਾਲ ਜ਼ਿਲ੍ਹਾ ਕਪੂਰਥਲਾ ਤੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
