ਕਪੂਰਥਲਾ, 5 ਜੂਨ (ਵਿ.ਪ੍ਰ.)-ਕੇਂਦਰ ਸਰਕਾਰ ਦੀ ਨਾਮਵਰ ਬੀਮਾ ਕੰਪਨੀ ਓਰੀਐਂਟਲ ਇੰਸ਼ੋਰੈਂਸ ਲਿਮਟਿਡ ਨੇ ਪੰਜਾਬ ਦੀ ਮੋਹਰੀ ਪੰਜਾਬ ਗ੍ਰਾਮੀਣ ਬੈਂਕ ਨਾਲ ਇਕ ਕਾਰਪੋਰੇਟ ਏਜੰਸੀ ਸਮਝੌਤਾ ਕੀਤਾ ਹੈ | ਇੰਸ਼ੋਰੈਂਸ ਕੰਪਨੀ ਦੇ ਮੁੱਖ ਖੇਤਰੀ ਪ੍ਰਬੰਧਕ ਰਕੇਸ਼ ਕੁਮਾਰ ਸੋਨੀ ਨੇ ਦੱਸਿਆ ਕਿ ਇਸ ਸਮਝੌਤੇ ਨਾਲ ਪੰਜਾਬ ਗ੍ਰਾਮੀਣ ਬੈਂਕ ਦੇ ਸਾਰੇ ਖਪਤਕਾਰਾਂ ਦੀਆਂ ਬੀਮੇ ਨਾਲ ਸਬੰਧਿਤ ਸਾਰੀਆਂ ਸਹੂਲਤਾਂ ਲਈ ਓਰੀਐਂਟਲ ਇੰਸ਼ੋਰੈਂਸ ਕੰਪਨੀ ਲਿਮਟਿਡ ਖੇਤਰੀ ਦਫ਼ਤਰ ਚੰਡੀਗੜ੍ਹ ਮੁੱਖ ਭਾਈਵਾਲ ਵਜੋਂ ਕੰਮ ਕਰੇਗਾ ਤੇ ਕੰਪਨੀ ਵਲੋਂ ਬੈਂਕ ਦੇ ਸਾਰੇ ਗ੍ਰਾਹਕਾਂ ਨੂੰ ਸਮੇਂ ਸਿਰ ਗੁਣਵੱਤਾ ਭਰਪੂਰ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ | ਇਸ ਸਮਝੌਤੇ 'ਤੇ ਮੌਕੇ ਪੰਜਾਬ ਗ੍ਰਾਮੀਣ ਬੈਂਕ ਦੇ ਚੇਅਰਮੈਨ ਗਜਿੰਦਰ ਕੁਮਾਰ ਨੇਗੀ, ਜਨਰਲ ਮੈਨੇਜਰ ਸੰਤੋਸ਼ ਕੁਮਾਰ ਸਿੰਘ, ਅਨਿਲ ਕੁਮਾਰ ਮਿੱਤਲ, ਨਿਤਿਨ ਕੁਮਾਰ ਬੰਗਾ, ਸਹਾਇਕ ਜਨਰਲ ਮੈਨੇਜਰ ਸੁਨੀਲ ਕੁਮਾਰ ਅਰੋੜਾ ਤੇ ਇੰਸ਼ੋਰੈਂਸ ਕੰਪਨੀ ਵਲੋਂ ਮੁੱਖ ਖੇਤਰੀ ਪ੍ਰਬੰਧਨ ਰਕੇਸ਼ ਕੁਮਾਰ ਸੋਨੀ, ਖੇਤਰੀ ਪ੍ਰਬੰਧਕ ਸੰਜੀਵ ਕੁਮਾਰ, ਸੀਨੀਅਰ ਬਿਜ਼ਨੈੱਸ ਮੈਨੇਜਰ ਕਪੂਰਥਲਾ ਸਵਿਤਾ ਹੋਰਾ, ਅਮਰੀਕ ਸੀਨੀਅਰ ਸਹਾਇਕ ਤੋਂ ਇਲਾਵਾ ਬੈਂਕ ਦੇ ਹੋਰ ਅਧਿਕਾਰੀ ਮੌਜੂਦ ਸਨ |
