ਬਿਆਸ ਦਰਿਆ ਵਿਚ ਮੌਜੂਦ 'ਇੰਡਸ ਰਿਵਰ ਡਾਲਫਿਨ' ਦੇਸ਼ ਵਿਦੇਸ਼ ਦੇ ਸੈਲਾਨੀਆਂ ਦੀ ਖਿੱਚ ਦਾ ਕੇਂਦਰ ਬਣੇਗੀ-ਅਕਾਸ਼ ਬਾਂਸਲ
ਜੰਗਲੀ ਜੀਵ ਵਿਭਾਗ ਦੇ ਅਧਿਕਾਰੀਆਂ ਦੀ ਇਕ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਅਕਾਸ਼ ਬਾਂਸਲ ਡਿਪਟੀ ਕਮਿਸ਼ਨਰ ਕਪੂਰਥਲਾ | ਤਸਵੀਰ: ਤਿਲਕਰਾਜ
<br/>
09-06-2026
ਕਾਂਜਲੀ ਵੈਟਲੈਂਡ ਵਿਚ 19.56 ਕਰੋੜ ਦੀ ਲਾਗਤ ਨਾਲ 'ਈਕੋ ਟੂਰਿਜ਼ਮ ਪ੍ਰੋਜੈਕਟ' ਵਿਕਸਿਤ ਕੀਤਾ ਜਾਵੇਗਾ
ਪੰਜਾਬ ਸਰਕਾਰ ਵਲੋਂ ਇਤਿਹਾਸਕ ਕਾਂਜਲੀ ਵੈਟਲੈਂਡ ਵਿਚ 19.56 ਕਰੋੜ ਦੀ ਲਾਗਤ ਨਾਲ 'ਈਕੋ ਟੂਰਿਜ਼ਮ ਪ੍ਰੋਜੈਕਟ' ਵਿਕਸਿਤ ਕੀਤਾ ਜਾਵੇਗਾ ਤੇ ਇਸ ਪ੍ਰੋਜੈਕਟ ਨੂੰ ਕੇਂਦਰ ਸਰਕਾਰ ਦੇ ਸੈਰ ਸਪਾਟਾ ਮੰਤਰਾਲੇ ਦੀ ਐੱਸ.ਡੀ.-2 ਸਕੀਮ ਅਧੀਨ ਪ੍ਰਵਾਨਗੀ ਦਿੱਤੀ ਗਈ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਕਾਸ਼ ਬਾਂਸਲ ਡਿਪਟੀ ਕਮਿਸ਼ਨਰ ਕਪੂਰਥਲਾ ਨੇ ਦੱਸਿਆ ਕਿ ਕਾਂਜਲੀ ਵੈਟਲੈਂਟ ਸਾਡੀ ਕੁਦਰਤੀ ਵਿਰਾਸਤ ਦਾ ਇਕ ਅਨਮੋਲ ਹਿੱਸਾ ਹੈ, ਇਸ ਪ੍ਰੋਜੈਕਟ ਦਾ ਮੁੱਖ ਮੰਤਰੀ ਸੈਲਾਨੀਆਂ ਲਈ ਸਹੂਲਤਾਂ ਵਿਚ ਵਾਧਾ ਕਰਨ, ਸਾਈਟ ਤੱਕ ਪਹੁੰਚ ਸੁਖਾਲੀ ਬਣਾਉਣ, ਵਾਤਾਵਰਨ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਅਤੇ ਇਸ ਖੇਤਰ ਵਿਚ ਟਿਕਾਊ ਸੈਰ ਸਪਾਟੇ ਨੂੰ ਉਤਸ਼ਾਹਿਤ ਕਰਨਾ ਹੈ | ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਜੈਕਟ ਤਹਿਤ ਨਾ ਕੇਵਲ ਸੈਰ ਸਪਾਟੇ ਸਬੰਧੀ ਬੁਨਿਆਦੀ ਢਾਂਚੇ ਦਾ ਵਿਕਾਸ ਕੀਤਾ ਜਾਵੇਗਾ, ਸਗੋਂ ਅਗਲੇ ਪੰਜ ਵਰਿ੍ਹਆ ਲਈ ਇਸਦੇ ਸੰਚਾਲਨ, ਸਾਂਭ ਸੰਭਾਲ ਤੇ ਪ੍ਰਬੰਧ ਦੀ ਜ਼ਿੰਮੇਵਾਰੀ ਵੀ ਸ਼ਾਮਿਲ ਹੋਵੇਗੀ | ਉਨ੍ਹਾਂ ਕਿਹਾ ਇਸ ਪ੍ਰੋਜੈਕਟ ਤਹਿਤ ਕਾਂਜਲੀ ਵੈਟਲੈਂਡ ਵਿਚ ਆਧੁਨਿਕ ਪਹੁੰਚ, ਪਾਰਕਿੰਗ ਦੀ ਸਹੂਲਤ, ਟਰੈਫ਼ਿਕ ਪ੍ਰਬੰਧਨ, ਡਿਜੀਟਲ ਟਿਕਟਿੰਗ ਪ੍ਰਣਾਲੀ, ਲੈਂਡਸਕੇਪਿੰਗ, ਡਰੇਨਜ਼ ਦੇ ਬੁਨਿਆਦੀ ਢਾਂਚੇ, ਸੂਚਨਾ ਤੇ ਦਿਸ਼ਾ ਨਿਰਦੇਸ਼ਕ ਸਾਈਨਜ਼ ਬੋਰਡ, ਜਨਤਕ ਸਹੂਲਤਾਂ, ਪ੍ਰਚੂਨ ਦੁਕਾਨਾਂ, ਖਾਣਪੀਣ ਦਾ ਪ੍ਰਬੰਧ, ਰਿਹਾਇਸ਼ੀ ਯੂਨਿਟ, ਅਨੁਭਵੀ ਸੈਰ ਸਪਾਟਾ ਗਤੀਵਿਧੀਆਂ, ਬਿਜਲੀ ਦੇ ਆਧੁਨਿਕ ਬੁਨਿਆਦੀ ਢਾਂਚੇ ਦਾ ਵਿਸਥਾਰ, ਸੁਰੱਖਿਆ ਆਧਾਰਿਤ ਸੀ.ਸੀ.ਟੀ.ਵੀ. ਪ੍ਰਣਾਲੀਆਂ ਵਿਕਸਿਤ ਕੀਤੀਆਂ ਜਾਣਗੀਆਂ | ਉਨ੍ਹਾਂ ਕਿਹਾ ਕਿ ਇਹ ਪ੍ਰੋਜੈਕਟ ਵਾਤਾਵਰਨ ਦੀ ਸੰਭਾਲ, ਸੰਵੇਦਨਸ਼ੀਲ ਵਿਕਾਸ ਨੂੰ ਯਕੀਨੀ ਬਣਾਉਣ ਤੇ ਕਾਂਜਲੀ ਦੇ ਵੈਟਲੈਂਡ ਵਿਚ ਸੈਲਾਨੀਆਂ ਦੇ ਅਨੁਭਵ ਨੂੰ ਬਿਹਤਰ ਬਣਾਵੇਗਾ | ਉਨ੍ਹਾਂ ਕਿਹਾ ਕਿ ਇਸ ਪ੍ਰੋਜੈਕਟ ਤਹਿਤ ਸੈਰ ਸਪਾਟਾ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕੀਤਾ ਜਾਵੇਗਾ ਤੇ ਈਕੋ ਟੂਰਿਜ਼ਮ ਨਾਲ ਸਬੰਧਿਤ ਗਤੀਵਿਧੀਆਂ ਰਾਹੀਂ ਸਥਾਨਕ ਲੋਕਾਂ ਲਈ ਰੋਜ਼ਗਾਰ ਦੇ ਨਵੇਂ ਅਵਸਰ ਪੈਦਾ ਕੀਤੇ ਜਾਣਗੇ |
