ਬੰਬਨੁਮਾ ਵਸਤੂ ਦੀ ਸੂਚਨਾ ਮਿਲਣ ਨਾਲ ਪੁਲਿਸ ਨੂੰ ਪਈਆਂ ਭਾਜੜਾਂ , ਜਾਂਚ ਦੌਰਾਨ ਲੋਹੇ ਦਾ ਟੁਕੜਾ ਨਿਕਲਿਆ
ਜਲੰਧਰ, 5 ਅਗਸਤ (ਜਤਿੰਦਰ ਪੰਮੀ)–ਥਾਣਾ ਭਾਰਗੋ ਕੈਂਪ ’ਚ ਪੈਂਦੇ ਈਸ਼ਵਰ ਨਗਰ ’ਚ ਇਕ ਘਰ ਦੀ ਛੱਤ ’ਤੇ ਬੰਬਨੁਮਾ ਵਸਤੂ ਡਿੱਗਣ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਨੂੰ ਭਾਜੜਾਂ ਪੈ ਗਈਆਂ। ਸੂਚਨਾ ਮਿਲਦਿਆਂ ਥਾਣਾ ਮੁਖੀ ਟੀਮ ਨਾਲ ਮੌਕੇ ’ਤੇ ਪੁੱਜੇ ਅਤੇ ਏ.
ਜਲੰਧਰ, 5 ਅਗਸਤ (ਜਤਿੰਦਰ ਪੰਮੀ)–ਥਾਣਾ ਭਾਰਗੋ ਕੈਂਪ ’ਚ ਪੈਂਦੇ ਈਸ਼ਵਰ ਨਗਰ ’ਚ ਇਕ ਘਰ ਦੀ ਛੱਤ ’ਤੇ ਬੰਬਨੁਮਾ ਵਸਤੂ ਡਿੱਗਣ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਨੂੰ ਭਾਜੜਾਂ ਪੈ ਗਈਆਂ। ਸੂਚਨਾ ਮਿਲਦਿਆਂ ਥਾਣਾ ਮੁਖੀ ਟੀਮ ਨਾਲ ਮੌਕੇ ’ਤੇ ਪੁੱਜੇ ਅਤੇ ਏ. ਸੀ. ਪੀ. ਅਤੇ ਏ. ਡੀ. ਸੀ. ਪੀ.-2 ਨੂੰ ਵੀ ਸੂਚਿਤ ਕੀਤਾ। ਅਧਿਕਾਰੀਆਂ ਜਦੋਂ ਉਕਤ ਘਰ ਦੀ ਛੱਤ ’ਤੇ ਜਾ ਜਾਂਚ-ਪੜਤਾਲ ਕੀਤੀ ਤਾਂ ਬੰਬਨੁਮਾ ਵਸਤੂ ਦੀ ਥਾਂ ਸਿਰਫ਼ ਲੋਹੇ ਦਾ ਇਕ ਟੁਕੜਾ ਨਿਕਲਿਆ। ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਏ. ਸੀ. ਪੀ. ਵੈਸਟ ਆਤਿਸ਼ ਭਾਟੀਆ ਨੇ ਦੱਸਿਆ ਕਿ ਈਸ਼ਵਰ ਨਗਰ ਦੇ ਇਕ ਘਰ ਤੋਂ ਪੁਲਿਸ ਨੂੰ ਸੂਚਨਾ ਆਈ ਸੀ ਕਿ ਉਨ੍ਹਾਂ ਦੇ ਘਰ ਦੀ ਛੱਤ ’ਤੇ ਬੰਬ ਵਰਗੀ ਚੀਜ਼ ਡਿੱਗੀ ਹੈ, ਜਿਸ ਕਾਰਨ ਆਸ-ਪਾਸ ਦੇ ਲੋਕ ਘਬਰਾ ਗਏ। ਉਨ੍ਹਾਂ ਦੱਸਿਆ ਕਿ ਮੌਕੇ ’ਤੇ ਜਾ ਕੇ ਜਾਂਚ ਕੀਤੀ ਤਾਂ ਉਹ ਵਿਸਫੋਟਕ ਨਹੀਂ ਸਗੋਂ ਲੋਹੇ ਦਾ ਸਧਾਰਨ ਟੁਕੜਾ ਸੀ।
