ਰੋਹਿਤ ਸੂਦ ਦੀ ਅਗਵਾਈ ਹੇਠ ਧਾਰਮਿਕ ਸਥਾਨ ਲਈ ਬੱਸਾਂ ਰਵਾਨਾ

ਸੁਲਤਾਨਪੁਰ ਲੋਧੀ, 6 ਅਕਤੂਬਰ (ਨਰੇਸ਼ ਹੈਪੀ)-ਪਾਵਨ ਨਗਰੀ ਸੁਲਤਾਨਪੁਰ ਲੋਧੀ ਤੋਂ ਰੋਹਿਤ ਸੂਦ ਦੀ ਅਗਵਾਈ ਹੇਠ ਮੁਫ਼ਤ ਧਾਰਮਿਕ ਯਾਤਰਾ ਕਰਵਾਈ ਗਈ | ਇਸ ਮੌਕੇ ਦੋ ਬੱਸਾਂ ਰਾਮਗੜ੍ਹੀਆ ਚੌਕ, ਸੁਲਤਾਨਪੁਰ ਲੋਧੀ ਤੋਂ ਜੈਕਾਰਿਆਂ ਦੀ ਗੂੰਜ ਵਿਚ ਰਵਾਨਾ ਹੋਈਆਂ | ਇਸ ਮੌਕੇ ਰੋਹਿਤ ਸੂਦ ਨੇ ਦੱਸਿਆ ਕਿ ਇਹ ਪਹਿਲੀ ਯਾਤਰਾ ਬੰਗਾ ਨੇੜੇ ਰਾਜਾ ਸਾਹਿਬ ਦੇ ਦਰਬਾਰ ਅਤੇ ਗੁਰਦੁਆਰਾ ਨਵ ਕੰਵਲ ਸਾਹਿਬ ਦੇ ਦਰਸ਼ਨਾਂ ਲਈ ਮੁਫ਼ਤ ਲਿਜਾਈਆਂ ਜਾ ਰਹੀਆਂ ਹਨ | ਮਾਰਗ ਵਿਚ ਸੰਗਤਾਂ ਦੇ ਖਾਣ ਪੀਣ ਦਾ ਪ੍ਰਬੰਧ ਵੀ ਸੂਦ ਪਰਿਵਾਰ ਵੱਲੋਂ ਕੀਤਾ ਗਿਆ ਸੀ | ਇਸ ਮੌਕੇ ਰੋਹਿਤ ਸੂਦ ਤੋਂ ਇਲਾਵਾ ਕਮਲੇਸ਼ ਸੂਦ, ਰਾਜੇਸ਼ ਕੁਮਾਰ ਰਿਮੀ, ਗੁਰਦੀਪ ਰਾਜ, ਡਾਕਟਰ ਬਲਰਾਮ ਪੁਰੀ, ਮਾਸਟਰ ਅਸ਼ਵਨੀ ਕੁਮਾਰ, ਸੰਨੀ ਜੋਸ਼ੀ, ਮੋਨੂੰ ਠੁਕਰਾਲ, ਰਾਜਕੁਮਾਰ ਅਰੋੜਾ, ਪੰਕਜ ਸਹੋਤਾ, ਕਾਵਯਾ, ਪਰਮਜੀਤ ਪੰਮਾ ਆਦਿ ਵੀ ਹਾਜ਼ਰ ਸਨ |